Daniel 6:13 - Li Santil hu

¹³ Ut queꞌxye re li rey: —Laj Daniel li ralal xcꞌajoleb laj judío li queꞌchapeꞌ ut queꞌcꞌameꞌ chak arin, aꞌan incꞌaꞌ naxqꞌue a̱cuanquil, at rey, chi moco naxpa̱b li chakꞌrab li xaqꞌue. Oxib sut chiru li cutan natzꞌa̱man chiru lix Dios, chanqueb.

Q'eqchi Bible

¹³ Toja' naq eb' a'an ke'xye wi' chik: “Ab'an laj Daniel, li kik'ame'k chaq Judá, ink'a' nakatxpaab', at awab'ej, chi moko naxpaab' li chaq'rab' li xajuch' wi' laak'ab'a'. Ox sut chiru li kutan natijok chiru li xYos”.

Daniel 6:13 ပူးပေါင်းရင်းမြစ်များ

Daniel 3:12

Eb laj judío li xaxakabeb chi takla̱nc saꞌ kabe̱n la̱o aj Babilonia incꞌaꞌ yo̱queb chixqꞌuebal xcuanquil la̱ cua̱tin. Aꞌaneb laj Sadrac, laj Mesac, ut laj Abed-nego. Incꞌaꞌ nequeꞌxqꞌue xlokꞌal la̱ dios chi moco xeꞌxlokꞌoni li jalam u̱ch oro li xayi̱b, chanqueb.

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Daniel 2:25

Ut laj Arioc saꞌ junpa̱t quixcꞌam laj Daniel riqꞌuin li rey ut quixye re: —Xintau chak jun li sa̱j cui̱nk xcomoneb laj Judá li queꞌchapeꞌ ut queꞌcꞌameꞌ chak arin ut aꞌan tixye a̱cue cꞌaꞌru naxye la̱ matcꞌ, chan.

Daniel 5:13

Joꞌcan nak laj Daniel quicꞌameꞌ riqꞌuin li rey, ut li rey quixye re: —¿Ma la̱at laj Daniel li ralal xcꞌajoleb laj Judá li queꞌcꞌameꞌ chak arin xban inyucuaꞌ laj Nabucodonosor? chan.

Ester 3:8

Laj Amán quixye re li rey Asuero: —Saꞌ xya̱nkeb li tenamit li cuanqueb rubel la̱ takl, cuan jun te̱p li tenamit xjuneseb nequeꞌxcꞌam ribeb. Incꞌaꞌ nequeꞌxjunaji rib riqꞌuineb li jun chꞌol chic. Jalan lix chakꞌrabeb ut incꞌaꞌ nequeꞌxba̱nu li cꞌaꞌru nacaye la̱at. Ma̱cꞌaꞌ aj e nak cuanqueb saꞌ eb li naꞌajej li cuanqueb rubel la̱ cuanquil.

Daniel 1:6

Saꞌ xya̱nkeb li sicꞌbileb ru cuanqueb laj Daniel, laj Ananías, laj Misael ut laj Azarías. Aꞌaneb ralal xcꞌajol laj Judá.

Hechos 17:7

Ut laj Jasón xcꞌuleb saꞌ rochoch. Yo̱queb chixkꞌetbal lix chakꞌrab laj César li Acuabej. Yo̱queb chixyebal nak cuan jun chic li rey, aꞌan li Jesús, chanqueb.

Daniel 3:8

Saꞌ ajcuiꞌ li cutan aꞌan cuanqueb laj Caldea queꞌoc chi jitoc chirixeb laj judío.

Daniel 3:11

Xaye nak li ani incꞌaꞌ tixcuikꞌib rib chixlokꞌoninquil li jalam u̱ch oro, li jun aꞌan ta̱cutekꞌ saꞌ li horno li yo̱ xxamlel.