Daniel 6:10 - Li Santil hu

¹⁰ Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Q'eqchi Bible

¹⁰ Naq laj Daniel kixnaw a'an, koho sa' li rochoch. Li xwarib'aal wank sa' xkab' k'ojar li ochoch ut li xb'entaanil wank sa' xjayal Jerusalén; ox sut chiru li jun kutan laj Daniel naxwiq'ib' rib' chi tijok ut b'anyoxink chiru li xYos, jo' naxb'aanu junelik.

Daniel 6:10 ပူးပေါင်းရင်းမြစ်များ

Salmos 55:17

Ekꞌela, cuaꞌleb ut ecuu ninya̱ba xcꞌabaꞌ li Dios nak nintijoc ut ninye cuib re ut aꞌan narabi li cꞌaꞌru nintzꞌa̱ma re.

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Salmos 95:6

Cha̱lkex ut kacuikꞌibak kib re xlokꞌoninquil li nimajcual Dios. Takacuikꞌib kib ut takalokꞌoni li Ka̱cuaꞌ li quiyoꞌobtesin ke.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Salmos 34:1

La̱in tinlokꞌoni li Ka̱cuaꞌ chi junelic. Ut incꞌaꞌ tincanab xqꞌuebal lix lokꞌal.

Salmos 5:7

Abanan la̱in, xban xnimal la̱ cuusilal, tincua̱nk chi sum a̱tin a̱cuiqꞌuin. Tinqꞌue a̱cuanquil ut saꞌ la̱ santil ochoch tatinlokꞌoni.

Hechos 9:40

Laj Pedro quirisiheb chirix cab. Quixcuikꞌib rib ut qui-oc chi tijoc. Ut quiril li camenak ut quixye re: —Tabita, cuaclin, chan. Ut li ixk quixte li xnakꞌ ru, ut nak quiril ru laj Pedro, quicꞌojla.

Jonás 2:4

La̱in xincꞌoxla nak xina̱tzꞌekta̱na. Ut xinye: —Usta xina̱tzꞌekta̱na, abanan junelic ta̱julticokꞌ cue la̱ santil templo ut tintzꞌa̱ma intenkꞌanquil cha̱cuu.

1 Reyes 8:54

Nak quitijoc laj Salomón, quicuikꞌla chiru li artal ut quixtaksi li rukꞌ.

1 Reyes 8:44

Cui eb la̱ tenamit teꞌxic chi pletic riqꞌuineb li xicꞌ nequeꞌiloc reheb, yalak bar ta̱taklaheb nak teꞌtijok teꞌilok cuan cuiꞌ li tenamit li sicꞌbil ru a̱ban, ut cuan cuiꞌ li templo aꞌin li xinyi̱b chokꞌ re a̱lokꞌoninquil.

Efesios 3:14

Nak nincꞌoxlac chirix lix naꞌleb li Dios riqꞌuin chixjunil li quixba̱nu, nincuikꞌib cuib ut ninbantioxin chiru li Acuabej Dios.

Hechos 10:9

Cuulajak chic ac cuulaqueb na re saꞌ li tenamit Jope nak laj Pedro quitakeꞌ saꞌ xcaꞌ tasal li cab chi tijoc. Caꞌchꞌin na chic ma̱ cuaꞌleb.

Daniel 6:13

Ut queꞌxye re li rey: —Laj Daniel li ralal xcꞌajoleb laj judío li queꞌchapeꞌ ut queꞌcꞌameꞌ chak arin, aꞌan incꞌaꞌ naxqꞌue a̱cuanquil, at rey, chi moco naxpa̱b li chakꞌrab li xaqꞌue. Oxib sut chiru li cutan natzꞌa̱man chiru lix Dios, chanqueb.

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

1 Reyes 8:38

chacuabi taxak lix tijeb laj Israel nak teꞌcha̱lk chixya̱banquil la̱ cꞌabaꞌ ut chi tijoc cha̱cuu saꞌ li naꞌajej aꞌin. Chacuabi lix tijeb yalak ani li ta̱cha̱lk chi tijoc saꞌ li naꞌajej aꞌin. Ma̱re la̱ tenamit Israel teꞌcha̱lk chi tijoc cha̱cuu nak teꞌrecꞌa xrahil li raylal li yo̱keb chixcꞌulbal. Ut ma̱re teꞌxtaksi li rukꞌeb chi tijoc saꞌ li templo aꞌin.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

Filipenses 1:20

Incꞌaꞌ nacuaj xxuta̱nobresinquil cuib riqꞌuin xba̱nunquil li cꞌaꞌak re ru incꞌaꞌ us. Nacuaj ban nak junelic cua̱nk xcacuilal inchꞌo̱l re xyebal resil li Jesucristo. Nacuaj xqꞌuebal xlokꞌal li Cristo anakcuan ut chi junelic riqꞌuin li ninba̱nu ut riqꞌuin ajcuiꞌ lin camic.

Hechos 20:36

Ut nak quirakeꞌ chixyebal chixjunil aꞌin, laj Pablo quixcuikꞌib rib ut qui-oc chi tijoc rochbeneb chixjunileb.

Nehemías 6:11

Ut la̱in quinchakꞌoc ut quinye re: —Junak cui̱nk joꞌ la̱in, ¿ma naru ta biꞌ ta̱xucuak chiruheb aꞌan? ¿Ma tinxic ta biꞌ saꞌ li templo chixmukbal cuib yal re xcolbal rix lin yuꞌam? La̱in incꞌaꞌ tin-oc saꞌ li templo chixmukbal cuib, chanquin re.

2 Crónicas 6:38

Ut cui eb aꞌan teꞌxjal xcꞌaꞌuxeb chi anchaleb xchꞌo̱l ut chi anchaleb li ra̱m nak cua̱nkeb chak saꞌ lix tenamit li xicꞌ nequeꞌiloc reheb, teꞌtijok. Nak yo̱keb chi tijoc, teꞌilok saꞌ xjayal li chꞌochꞌ li caqꞌue reheb lix xeꞌto̱nil yucuaꞌ. Teꞌilok saꞌ xjayal li tenamit li casicꞌ ru li xinyi̱b cuiꞌ li templo re a̱lokꞌoninquil.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Filipenses 1:14

Ut nabaleb laj pa̱banel xeꞌxcacuubresi xchꞌo̱leb saꞌ xpa̱ba̱leb saꞌ xcꞌabaꞌ li Ka̱cuaꞌ xban nak xeꞌxqꞌue retal nak cau inchꞌo̱l usta cuanquin chi pre̱xil saꞌ xcꞌabaꞌ li Jesucristo. Ut nequeꞌxchꞌolob xya̱lal li ra̱tin li Dios chi ma̱cꞌaꞌ xxiuheb.

Hechos 21:5

Nak ac xnumeꞌ li cuukub cutan, co-el saꞌ li tenamit Tiro ut co̱o. Ut queꞌco̱eb laj pa̱banel chikacanabanquil rochbeneb li rixakil ut lix cocꞌaleb. Nak cocuulac chire li palau, cocuikꞌla ut co-oc chi tijoc.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

Hechos 5:20

—Ayukex saꞌ li templo ut te̱chꞌolob xya̱lal chiruheb li tenamit chirix li acꞌ yuꞌam, chan reheb.

Hechos 4:29

Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

Hechos 3:1

Saꞌ jun li cutan queꞌco̱eb saꞌ li templo laj Pedro rochben laj Juan oxib o̱r re ecuu saꞌ x-o̱ril li tijoc.

Hechos 2:15

Li joꞌ qꞌuialeb li cuanqueb arin moco teꞌcala̱k ta joꞌ yo̱quex chixcꞌoxlanquil la̱ex. Anakcuan tojeꞌ bele̱b o̱r re li cutan cuanco.

San Lucas 22:41

Ut li Jesús quirisi rib saꞌ xya̱nkeb joꞌ na xnajtil nacuteꞌ cuiꞌ junak pec. Ut aran quixcuikꞌib rib chi tijoc.

San Lucas 14:26

—Li ani ta̱raj ta̱ke̱nc cue, tento nak tinixra chi tzꞌakal la̱in chiruheb lix naꞌ xyucuaꞌ, li rixakil ut eb lix cocꞌal, ut eb li rechꞌalal joꞌ ajcuiꞌ lix yuꞌam. Cui incꞌaꞌ tinixra chi tzꞌakal, li jun aꞌan moco us ta chokꞌ intzolom.

Salmos 86:3

At Ka̱cuaꞌ, chacuuxta̱na cuu xban nak junelic yo̱quin chixtzꞌa̱manquil intenkꞌanquil cha̱cuu.

Esdras 9:5

Saꞌ x-o̱ril li mayejac re li ecuu, quincuacli saꞌ li naꞌajej bar quincꞌojla cuiꞌ chi ra saꞌ inchꞌo̱l. Ac xinpej li cuakꞌ nak quincuikꞌib cuib. Quintaksi li cuukꞌ ut quin-oc chi tijoc chiru li Ka̱cuaꞌ lin Dios.

2 Crónicas 6:13

Laj Salomón ac quixyi̱b riqꞌuin bronce jun li naꞌajej najt xteram bar ta̱xakli̱k cuiꞌ. Li naꞌajej aꞌan cuib metro riqꞌuin o̱b xcaꞌcꞌa̱l centímetro xnimal rok ut cuib metro riqꞌuin o̱b xcaꞌcꞌa̱l centímetro xnimal ru ut jun metro riqꞌuin oꞌlaju xcaꞌcꞌa̱l centímetro xteram. Li naꞌajej aꞌan quixyi̱b saꞌ xyi li neba̱l. Chirix aꞌan quixcuikꞌib rib chiruheb laj Israel ut quixtaksi li rukꞌ saꞌ choxa. Quitijoc ut quixye:

1 Reyes 8:30

Chacuabihak taxak lin tij. Ut chacuabihak taxak lix tijeb laj Israel nak teꞌtijok saꞌ li naꞌajej aꞌin. Chacuabihak taxak li katij saꞌ li naꞌajej aꞌin li tatcua̱nk cuiꞌ. Toj saꞌ choxa taxak ta̱cuabi li katij ut ta̱cuy ta̱sach li kama̱c.

Daniel 9:4

Ut quintijoc chiru li Ka̱cuaꞌ lin Dios ut quintzꞌa̱ma xcuybal xma̱queb lin tenamit chiru. Quinye re: —At Ka̱cuaꞌ, at nimajcual Dios, a̱cꞌulub nak ta̱xucua̱k a̱cuu. La̱at nacaba̱nu li cꞌaꞌru nacaye saꞌ li contrato ut nacacuuxta̱na ruheb li nequeꞌrahoc a̱cue ut nequeꞌba̱nun re li chakꞌrab li xaqꞌue.

San Marcos 3:3

Li Jesús quixye re li cui̱nk li sic rukꞌ: —Numen chak arin chi ubej, chan re.