Daniel 5:3 - Li Santil hu

³ Joꞌcan nak quicꞌameꞌ chak li secꞌ oro li queꞌcuan saꞌ lix templo li Dios li quicuan Jerusalén. Ut queꞌoc chi ucꞌac li rey joꞌ eb ajcuiꞌ li nequeꞌcꞌanjelac chiru, joꞌqueb ajcuiꞌ li rixakil ut eb lix concubina.

Q'eqchi Bible

³ Tikto koxe'xxok chaq eb' li sek' oor ut plaat li ke'isiik chaq sa' rochoch li Yos aran Jerusalén, ut ki'uk'ak li awab'ej chisa', rochb'eeneb' li ninqeb' xwankil, eb' li rixaqil ut li xtz'aqob'leb' li rixaqil.

Daniel 5:3 ပူးပေါင်းရင်းမြစ်များ

Daniel 5:2

Ut xban xcalajic, li rey Belsasar quixtakla risinquil li secꞌ oro ut plata, li quixcꞌam chak laj Nabucodonosor lix yucuaꞌ saꞌ li templo aran Jerusalén. Quixtakla xcꞌambal chak li secꞌ oro ut li secꞌ plata re teꞌucꞌak cuiꞌ li rey, joꞌqueb ajcuiꞌ li nequeꞌcꞌanjelac chiru, joꞌ eb ajcuiꞌ li rixakil ut eb lix concubina.

Daniel 5:4

Queꞌucꞌac vino ut queꞌxlokꞌoniheb li dios yi̱banbil riqꞌuin oro, plata, bronce, chꞌi̱chꞌ, cheꞌ ut pec.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Jueces 19:1

Saꞌ eb li cutan nak eb laj Israel toj ma̱cꞌaꞌ xreyeb quicuan jun li cui̱nk xcomoneb li ralal xcꞌajol laj Leví saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan quixsicꞌ jun li ixk re ta̱cua̱nk riqꞌuin. Li ixk aꞌan, Belén xtenamit xcue̱nt Judá.

2 Crónicas 36:18

Lix reyeb laj Babilonia quirelkꞌa chixjunil li secꞌ li nacꞌanjelac saꞌ lix templo li Dios, joꞌ ni̱nk joꞌ cocꞌ. Quixcꞌam chixjunil li nacꞌanjelac saꞌ li templo li terto xtzꞌak. Ut quixcꞌam ajcuiꞌ li terto xtzꞌak li cuan saꞌ rochoch li rey joꞌ ajcuiꞌ li cuan saꞌ li rochocheb li nequeꞌcꞌanjelac chiru. Chixjunil li quirelkꞌa quixcꞌam Babilonia.

Isaías 5:14

Lix naꞌajeb li camenak ac cauresinbil ut yo̱ chiroybeninquil li ani ta̱ca̱mk. Chanchan teto li re nak yo̱ chiroybeninquil chixjunileb li teꞌca̱mk. Ut eb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil telajeꞌxic saꞌ li naꞌajej aꞌan.

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Oseas 2:8

Li ixk aꞌan incꞌaꞌ quixqꞌue retal nak la̱in xinqꞌuehoc re lix trigo, ut lix vino ut lix aceite olivo. Ut la̱in xinqꞌuehoc re chi nabal lix oro ut lix plata li quixmayeja chiru laj Baal.

Habacuc 1:11

Chanchan nak nanumeꞌ li ca̱k-sut-ikꞌ nak teꞌxsach li tenamit. Teꞌxcꞌoxla nak riqꞌuin xcuanquil lix dioseb teꞌxba̱nu aꞌan, chan li Ka̱cuaꞌ.

Malaquías 1:12

Abanan la̱ex nequemux cuu nak nequeye nak ma̱cꞌaꞌ na-oc cuiꞌ lin artal ut nequeye nak ma̱cꞌaꞌ na-oc cuiꞌ li mayej li naqꞌueheꞌ aran.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.