Daniel 5:22 - Li Santil hu

²² Ut la̱at at Belsasar, la̱at li ralal. Ac nacanau chixjunil li quixcꞌul la̱ yucuaꞌ abanan la̱at incꞌaꞌ xacubsi a̱cuib.

Q'eqchi Bible

²² A'ut laa'at, a Baltasar li ralalat, us ta ak nakanaw chixjunil a'in, ink'a' xakub'si laawankil,

Daniel 5:22 ပူးပေါင်းရင်းမြစ်များ

2 Crónicas 33:23

Abanan incꞌaꞌ quiyotꞌeꞌ xchꞌo̱l joꞌ nak quiyotꞌeꞌ xchꞌo̱l laj Manasés lix yucuaꞌ. Ut incꞌaꞌ quixcubsi rib chiru li Ka̱cuaꞌ. Quinumta ban li ma̱usilal li quixba̱nu.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Santiago 4:17

Li naxnau xba̱nunquil li us, ut incꞌaꞌ naxba̱nu, aꞌan ma̱c naxba̱nu.

2 Crónicas 36:12

Quixba̱nu li incꞌaꞌ us chiru li Ka̱cuaꞌ lix Dios. Ut incꞌaꞌ quixcubsi rib chiru li profeta Jeremías li nayehoc re li cꞌaꞌru naxye li Ka̱cuaꞌ.

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

San Lucas 12:47

Li mo̱s li naxnau cꞌaꞌru naraj lix patrón ut chi ti̱c ma̱cꞌaꞌ naxba̱nu, li jun aꞌan ta̱saqꞌuekꞌ chi cau.

San Mateo 21:32

Xban nak quicꞌulun e̱riqꞌuin laj Juan laj Cubsihom Haꞌ. Quixcꞌut che̱ru cꞌaꞌru li ti̱quilal ut incꞌaꞌ quepa̱b. Ut eb laj titzꞌol toj ut eb laj yumbe̱t queꞌxpa̱b. Ut la̱ex queril aꞌan ut incꞌaꞌ quiyotꞌeꞌ le̱ chꞌo̱l chi moco quejal le̱ cꞌaꞌux re xpa̱banquil, chan.

San Mateo 14:4

Toj ma̱jiꞌ naqꞌueheꞌ saꞌ tzꞌalam laj Juan laj Cubsihom Haꞌ nak quixye re laj Herodes chi joꞌcaꞌin: —Nimla ma̱c xaba̱nu nak xacꞌam chokꞌ a̱cuixakil lix Herodías, chan laj Juan re.

Daniel 5:18

At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Isaías 26:10

Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.

Salmos 119:46

La̱in tinchꞌolob xya̱lal la̱ chakꞌrab chiruheb li rey li cuanqueb saꞌ eb li tenamit ut incꞌaꞌ tinxuta̱na̱k chixyebal la̱ chakꞌrab reheb.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Isaías 14:13

La̱at cacꞌoxla nak kꞌaxal nim a̱cuanquil. Caye saꞌ a̱chꞌo̱l: —Tintakekꞌ toj saꞌ choxa ut tinqꞌue lin cꞌojariba̱l saꞌ xbe̱neb li chahim li quixyi̱b li Dios. Tincꞌojla̱k saꞌ li tzu̱l li nacana saꞌ li norte bar nequeꞌxchꞌutub cuiꞌ ribeb chixlokꞌoninquil lix dioseb.