Daniel 5:13 - Li Santil hu

¹³ Joꞌcan nak laj Daniel quicꞌameꞌ riqꞌuin li rey, ut li rey quixye re: —¿Ma la̱at laj Daniel li ralal xcꞌajoleb laj Judá li queꞌcꞌameꞌ chak arin xban inyucuaꞌ laj Nabucodonosor? chan.

Q'eqchi Bible

¹³ Chi junpaat laj Daniel kik'ame'k wan wi' li awab'ej, ut a'in kixye re: “Ma laa'at laj Daniel, jun reheb' li ke'k'ame'k chaq xb'aan linyuwa' sa' li tenamit Judá?

Daniel 5:13 ပူးပေါင်းရင်းမြစ်များ

Daniel 6:13

Ut queꞌxye re li rey: —Laj Daniel li ralal xcꞌajoleb laj judío li queꞌchapeꞌ ut queꞌcꞌameꞌ chak arin, aꞌan incꞌaꞌ naxqꞌue a̱cuanquil, at rey, chi moco naxpa̱b li chakꞌrab li xaqꞌue. Oxib sut chiru li cutan natzꞌa̱man chiru lix Dios, chanqueb.

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

Daniel 2:25

Ut laj Arioc saꞌ junpa̱t quixcꞌam laj Daniel riqꞌuin li rey ut quixye re: —Xintau chak jun li sa̱j cui̱nk xcomoneb laj Judá li queꞌchapeꞌ ut queꞌcꞌameꞌ chak arin ut aꞌan tixye a̱cue cꞌaꞌru naxye la̱ matcꞌ, chan.

San Juan 7:3

Eb li ri̱tzꞌin li Jesús queꞌxye re: —Elen saꞌ li naꞌajej aꞌin. Ayu Judea re nak eb li nequeꞌta̱ken a̱cue teꞌrileb li milagro li nacaba̱nu.

Esdras 10:16

Qui-uxman joꞌ queꞌxye li tenamit. Laj Esdras, laj tij quixsiqꞌueb ru li cui̱nk li teꞌtenkꞌa̱nk re. Aꞌaneb li nequeꞌjolomin re li junju̱nk cabal. Quixbokeb xcꞌabaꞌ chixjunju̱nkaleb. Saꞌ li xbe̱n cutan re li xlaje po queꞌxtiquib tzꞌiloc a̱tin chirixeb li tenamit.

Esdras 6:16

Chixjunileb laj Israel ut eb laj tij joꞌ eb ajcuiꞌ laj levita li queꞌsukꞌi cuiꞌchic Jerusalén queꞌxkꞌaxtesi re li Dios li templo li queꞌxyi̱b. Queꞌxninkꞌei chi cꞌajoꞌ xsahil xchꞌo̱leb.

Esdras 4:1

Eb li xicꞌ nequeꞌiloc reheb li ralal xcꞌajol laj Judá ut eb li ralal xcꞌajol laj Benjamín, queꞌrabi resil nak eb aꞌan, li queꞌchapeꞌ ut queꞌcꞌameꞌ chi najt, queꞌsukꞌi cuiꞌchic Jerusalén ut yo̱queb chixyi̱banquil lix templo li Ka̱cuaꞌ lix Dioseb laj Israel.

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.

Daniel 8:27

Ut la̱in laj Daniel sachso inchꞌo̱l quincana ut quinyajer cuib oxib cutan. Ut nak ac usin chic, quin-oc cuiꞌchic chi cꞌanjelac chiru li rey. Abanan toj yo̱ ajcuiꞌ incꞌaꞌux chirix li quicꞌutbesi̱c chicuu xban nak incꞌaꞌ quintau ru lix ya̱lal.

Daniel 8:1

Laj Daniel quixye: —Yo̱ rox chihab roquic saꞌ xcuanquil li rey Belsasar nak quicꞌutbesi̱c jun chic li visión chicuu.

Daniel 5:18

At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Daniel 5:2

Ut xban xcalajic, li rey Belsasar quixtakla risinquil li secꞌ oro ut plata, li quixcꞌam chak laj Nabucodonosor lix yucuaꞌ saꞌ li templo aran Jerusalén. Quixtakla xcꞌambal chak li secꞌ oro ut li secꞌ plata re teꞌucꞌak cuiꞌ li rey, joꞌqueb ajcuiꞌ li nequeꞌcꞌanjelac chiru, joꞌ eb ajcuiꞌ li rixakil ut eb lix concubina.

Daniel 2:48

Ut li rey quixqꞌue lix cha̱bil ma̱tan laj Daniel ut quixqꞌue xlokꞌal ut quixqꞌue ajcuiꞌ xcuanquil re nak aꞌan chic ta̱takla̱nk saꞌ chixjunil li naꞌajej Babilonia. Ut aꞌan chic li najolomin reheb laj qꞌuehol naꞌleb saꞌ li tenamit.

Daniel 1:21

Ut laj Daniel quicana chi cꞌanjelac saꞌ li palacio toj saꞌ li xbe̱n chihab nak cuan chokꞌ rey laj Ciro.

Esdras 10:7

Quixtakla xchꞌutubanquileb aran Jerusalén chixjunileb li cuanqueb Judá joꞌqueb ajcuiꞌ li cuanqueb Jerusalén.

Daniel 1:1

Yo̱ rox chihab roquic laj Joacim chokꞌ xreyeb laj Judá nak quicuulac Jerusalén laj Nabucodonosor lix reyeb laj Babilonia chi pletic riqꞌuineb.

Daniel 1:2

Ut li Dios quixcanab laj Joacim lix reyeb laj Judá saꞌ rukꞌeb laj Babilonia. Ut cuan li secꞌ li quicꞌanjelac saꞌ rochoch li Dios li quicꞌameꞌ saꞌ li naꞌajej Sinar. Ut laj Nabucodonosor quixcꞌam saꞌ rochoch lix dios ut quixqꞌue saꞌ li naꞌajej bar naxocman cuiꞌ li cꞌaꞌak re ru terto xtzꞌak re lix dioseb.

Daniel 5:14

—La̱in xcuabi resil nak qꞌuebil a̱naꞌleb xbaneb la̱ dios. Xcuabi resil nak cutan saken cha̱cuu li cꞌaꞌak re ru ut cuan a̱naꞌleb chixtaubal ru li cꞌaꞌru chꞌaꞌaj xtaubal ru.

Daniel 1:6

Saꞌ xya̱nkeb li sicꞌbileb ru cuanqueb laj Daniel, laj Ananías, laj Misael ut laj Azarías. Aꞌaneb ralal xcꞌajol laj Judá.