Daniel 4:5 - Li Santil hu

⁵ Saꞌ jun li kꞌojyi̱n quinmatqꞌuec. Nak qui-aj cuu, cꞌajoꞌ nak quinxucuac ut incꞌaꞌ chic quincuar xcꞌoxlanquil li quicꞌutbesi̱c chicuu saꞌ lin matcꞌ.

Q'eqchi Bible

⁵ Ab'anan sa' jun q'oqyink xinmatk'ek ut xinxiwak xb'aan. Li moy u li xwil naq sotsookin chiru linch'aat ut li k'a'aq re ru xnume'k sa' inch'ool k'ajo' naq xine'xxib'esi.

Daniel 4:5 ပူးပေါင်းရင်းမြစ်များ

Daniel 2:1

Yo̱ xcab chihab roquic chokꞌ rey laj Nabucodonosor nak quimatqꞌuec ut cꞌajoꞌ nak quixucuac xban lix matcꞌ. Incꞌaꞌ chic quicuar xban xcꞌaꞌux.

Daniel 7:28

Caꞌaj cuiꞌ aꞌan li quicuil saꞌ lin matcꞌ. La̱in cꞌajoꞌ nak quisach inchꞌo̱l ut qui-oc incꞌaꞌux. Sakquirin quincuulac xban inxiu abanan quincꞌu̱la saꞌ inchꞌo̱l li quicuil saꞌ lin matcꞌ ut ma̱ ani aj e quinserakꞌi li cꞌaꞌru quicuil, chan laj Daniel.

Daniel 5:10

Ut li rixakil li rey quirabi nak yo̱ chixjapbal re li rey joꞌ eb ajcuiꞌ li nequeꞌcꞌanjelac chiru. Joꞌcan nak qui-oc aran cuan cuiꞌ li rey ut quixye re: —At rey, chicua̱nk taxak la̱ yuꞌam chi junelic. Matxucuac chi moco tatsakquirinokꞌ xban a̱xiu.

Génesis 41:1

Ac cuib chihab chic xnumic lix matqꞌueb li mo̱s nak quimatqꞌuec laj faraón. Ut saꞌ lix matcꞌ laj faraón quiril nak xakxo chire li nimaꞌ Nilo.

Daniel 2:3

Ut li rey quixye reheb: —Cꞌajoꞌ incꞌaꞌux xban li xinmatqꞌue. Nacuaj te̱ye cue cꞌaꞌru xya̱lal lin matcꞌ, chan reheb.

Daniel 4:10

Aꞌan aꞌin li quicuil saꞌ lin matcꞌ. Nak yo̱quin chi cua̱rc quicuil jun li cheꞌ kꞌaxal najt rok saꞌ xyi li ruchichꞌochꞌ.

Daniel 4:13

Ut quicuil ajcuiꞌ saꞌ lin matcꞌ nak yo̱ chak chi cubec saꞌ choxa jun lix santil ángel li Ka̱cuaꞌ xcomoneb li ángel li nequeꞌcꞌacꞌalen.

Daniel 4:19

Tojoꞌnak laj Daniel, li nayeman Beltsasar re, quisach xchꞌo̱l ut caꞌchꞌin chic ma̱ jun o̱r mem quicana ut yo̱ chi cꞌoxlac. Li rey quixye re: —At Beltsasar, matcꞌoxlac chirix lin matcꞌ chi moco tatxucuak xban li naxye, chan. Laj Daniel quichakꞌoc ut quixye: —Ka̱cuaꞌ, li cꞌaꞌru naxye la̱ matcꞌ, us raj cui chirixeb ta li xicꞌ nequeꞌiloc a̱cue ut ma̱cuaꞌ raj cha̱cuix la̱at.

Daniel 7:1

Saꞌ li xbe̱n chihab nak laj Belsasar quicuan chokꞌ xreyeb laj Babilonia, laj Daniel yo̱ chi cua̱rc saꞌ lix chꞌa̱t nak quiril jun li visión li quicꞌutbesi̱c chiru saꞌ lix matcꞌ. Ut quixtzꞌi̱ba li cꞌaꞌru quiril.

Daniel 1:7

Ut li nataklan saꞌ xbe̱neb li eunucos quixqꞌue xcꞌabaꞌeb. Laj Daniel quiqꞌueheꞌ chokꞌ aj Beltsasar. Laj Ananías quiqꞌueheꞌ chokꞌ aj Sadrac. Laj Misael quiqꞌueheꞌ chokꞌ aj Mesac ut laj Azarías quiqꞌueheꞌ chokꞌ aj Abed-nego.

Daniel 4:15

Abanan ta̱canab lix to̱nal ut lix xeꞌ saꞌ li chꞌochꞌ ut ta̱bacꞌ riqꞌuin cadena yi̱banbil riqꞌuin chꞌi̱chꞌ hierro ut bronce. Ut ta̱cua̱nk saꞌ li pim rochbeneb li xul ut li xchuꞌque ta̱tꞌakresi̱nk re. Ut pim tixtzaca rochbeneb li xul.

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.