Daniel 4:35 - Li Santil hu

³⁵ Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Q'eqchi Bible

³⁵ Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Daniel 4:35 ပူးပေါင်းရင်းမြစ်များ

Salmos 135:6

Li Ka̱cuaꞌ, aꞌan yal re saꞌ xbe̱n chixjunil. Li Ka̱cuaꞌ naxba̱nu li cꞌaꞌru naraj joꞌ saꞌ choxa, joꞌ saꞌ ruchichꞌochꞌ, joꞌ saꞌ li palau, joꞌ ajcuiꞌ saꞌ lix chamal.

Li xHu LAJ JOB 42:2

—At Ka̱cuaꞌ, la̱in ninnau nak la̱at chixjunil nacatru xba̱nunquil. Ma̱cꞌaꞌ mukmu cha̱cuu.

Salmos 115:3

Li kaDios, aꞌan cuan saꞌ choxa ut aꞌan naxba̱nu li cꞌaꞌru naraj.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Isaías 43:13

Chalen najter kꞌe cutan ac la̱in ajcuiꞌ chak li Ka̱cuaꞌ. Ma̱ ani ta̱ru̱k tixcol rib saꞌ cuukꞌ. Li cꞌaꞌru ninba̱nu la̱in, ma̱ ani ta̱ru̱k ta̱jalok re.—

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

1 Corintios 10:22

Incꞌaꞌ us cui takaqꞌue xjoskꞌil li Ka̱cuaꞌ riqꞌuin xlokꞌoninquil li yi̱banbil dios. ¿Ma la̱o ta biꞌ nim kacuanquil chiru li Ka̱cuaꞌ? Ma̱ jokꞌe xban nak la̱o ma̱cꞌaꞌ kacuanquil.

1 Corintios 2:16

Joꞌcaꞌin tzꞌi̱banbil saꞌ li Santil Hu: Ma̱ ani nanaꞌoc re lix cꞌaꞌux li Ka̱cuaꞌ. Ma̱ ani naru naqꞌuehoc xnaꞌleb. Ma̱ ani naxnau lix cꞌaꞌux li Dios yal xjunes. Abanan xban nak la̱o cuan li Santil Musikꞌej kiqꞌuin, cuan ajcuiꞌ lix cꞌaꞌux li Cristo kiqꞌuin.

Li xHu LAJ JOB 40:2

—At Job, ¿ma xban nak cuan a̱naꞌleb nak yo̱cat chincuechꞌinquil la̱in li nimajcual Dios? Li ani naxcuechꞌ rix li cꞌaꞌru ninba̱nu, tento nak tixsume li cꞌaꞌru tinpatzꞌ re, chan.

Li xHu LAJ JOB 23:13

Aꞌan naxba̱nu li cꞌaꞌru naraj. Ma̱ ani naru nayehoc re nak incꞌaꞌ tixba̱nu.

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

Li xHu LAJ JOB 9:4

Li Dios cuan xnaꞌleb ut nim xcuanquil. Cau rib. Ma̱ ani ta̱ru̱k ta̱numta̱k chiru.

1 Samuel 3:18

Joꞌcan nak laj Samuel quixye re chixjunil li quixye li Ka̱cuaꞌ. Ma̱cꞌaꞌ quixmuk chiru. Ut laj Elí quixye: —Li Ka̱cuaꞌ, aꞌan li nimajcual Dios. Chixba̱nu taxak li cꞌaꞌru naxcꞌoxla nak us xba̱nunquil, chan.

Hechos 5:39

Abanan cui ut re li Dios, incꞌaꞌ texru̱k chixpoꞌbal ru. Qꞌuehomak retal chi us ma̱re anchal yo̱quex chi pletic riqꞌuin li Dios, chan laj Gamaliel.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.

Isaías 26:9

Chiru li kꞌojyi̱n cꞌajoꞌ nak nacuaj rilbal a̱cuu. Chi anchal inchꞌo̱l tatinsicꞌ toj ekꞌela joꞌ najtil ta̱cua̱nk inyuꞌam. Nak tatrakok a̱tin, li cuanqueb saꞌ ruchichꞌochꞌ teꞌxqꞌue retal cꞌaꞌru li ti̱quilal.

Hechos 11:17

Joꞌcan ut nak cui li Dios quixqꞌue li Santil Musikꞌej reheb aꞌan joꞌ nak quixqꞌue ke la̱o li xopa̱ban re li Jesucristo, ¿anihin ta biꞌ la̱in nak tinram chiru li Dios li cꞌaꞌru ta̱raj xba̱nunquil? chan laj Pedro.

Salmos 49:1

La̱ex tenamit, abihomak chi us li oc cue xyebal e̱re. Abihomak che̱junilex li cuanquex saꞌ ruchichꞌochꞌ.

Salmos 33:14

Toj saꞌ lix nimal ru naꞌajej li cuan cuiꞌ li Dios naril chak chixjunileb li cuanqueb saꞌ ruchichꞌochꞌ.

Salmos 39:5

Cha̱cuu la̱at caꞌchꞌin ajcuiꞌ lin yuꞌam arin saꞌ ruchichꞌochꞌ. Lin yuꞌam chanchan li ma̱cꞌaꞌ cha̱cuu. Jun jikꞌoc ajcuiꞌ. Moco nim ta cuan cuiꞌ lin yuꞌam.

Eclesiastés 8:4

Li ra̱tin li rey, aꞌan cuan xcuanquil. Ut ma̱ ani naru ta̱yehok re nak incꞌaꞌ us naxba̱nu.

Isaías 19:17

Cꞌajoꞌ nak teꞌxucuak eb laj Egipto xbaneb laj Judá. Caꞌaj cuiꞌ riqꞌuin rabinquil lix cꞌabaꞌeb laj Judá teꞌxucuak laj Egipto xban li cꞌaꞌru quixcꞌu̱b ru li nimajcual Dios saꞌ xbe̱neb.

Daniel 6:27

Li Ka̱cuaꞌ Dios, aꞌan li na-achꞌaban ut aꞌan li nacoloc. Aꞌan li naba̱nun re li milagro ut li sachba chꞌo̱lej joꞌ saꞌ choxa joꞌ ajcuiꞌ saꞌ ruchichꞌochꞌ. Aꞌan li quicoloc re laj Daniel. Incꞌaꞌ quixcanab chi camsi̱c xbaneb li cakcoj, chan.

Jonás 1:14

Tojoꞌnak queꞌtijoc ut queꞌxtzꞌa̱ma xtenkꞌanquil chiru li Ka̱cuaꞌ Dios ut queꞌxye: —At nimajcual Dios, moa̱qꞌue taxak chi ca̱mc xma̱c a cui̱nk aꞌin. Ut ma̱qꞌue taxak saꞌ kabe̱n lix camic xban nak la̱at, at Dios, xaba̱nu li cꞌaꞌru xacuaj, chanqueb.

Josué 2:2

Abanan cuan li queꞌyehoc resil re li rey li cuan Jericó. Ut queꞌxye: —Cuanqueb aj Israel xeꞌchal chixqꞌuebal retal li tenamit chiru li kꞌojyi̱n aꞌin, chanqueb.