Daniel 4:34 - Li Santil hu

³⁴ —Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.

Q'eqchi Bible

³⁴ “Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Daniel 4:34 ပူးပေါင်းရင်းမြစ်များ

Apocalipsis 4:10

Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Salmos 145:13

La̱at cuan a̱cuanquil chi junelic kꞌe cutan. La̱at nacattaklan chi junelic.

Daniel 6:26

La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

San Lucas 1:33

Aꞌanak chic li cua̱nk xcuanquil chi takla̱nc saꞌ xbe̱neb li ralal xcꞌajol laj Jacob. Ut lix cuanquilal ta̱cua̱nk chi junelic. Incꞌaꞌ ta̱osokꞌ, chan li ángel.

Daniel 5:21

Qui-isi̱c saꞌ xya̱nkeb li tenamit ut lix naꞌleb chanchan chic xnaꞌleb li xul. Quicuan saꞌ pim saꞌ xya̱nkeb li bu̱r re li qꞌuicheꞌ, ut quixcuaꞌ li pim joꞌqueb li bo̱yx. Quitꞌakresi̱c xban li xchuꞌque toj quixqꞌue retal nak li nimajcual Dios aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil xban nak aꞌan naxqꞌue xcuanquil li ani naraj.

Daniel 4:26

Li ángel xye nak lix to̱nal li cheꞌ ta̱cana̱k saꞌ chꞌochꞌ. Aꞌan retalil nak la̱ cuanquilal incꞌaꞌ ta̱sachk chi junaj cua. Tat-oc cuiꞌchic chokꞌ rey toj ta̱qꞌue retal nak li Ka̱cuaꞌ, aꞌan li kꞌaxal nim xcuanquil saꞌ xbe̱n chixjunil.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Miqueas 4:7

Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ.

Daniel 4:3

Kꞌaxal nim li sachba chꞌo̱lej li naxba̱nu ut kꞌaxal lokꞌ li milagro. Li Ka̱cuaꞌ, aꞌan li tzꞌakal rey chi junelic ut aꞌan li kꞌaxal nim xcuanquil chi junelic kꞌe cutan.

Lamentaciones 3:38

Nakacꞌul li us joꞌ ajcuiꞌ li incꞌaꞌ us xban nak joꞌcan naraj li Ka̱cuaꞌ.

Isaías 24:15

Cheꞌxqꞌuehak taxak xlokꞌal li Dios li cuanqueb saꞌ li ru takꞌa. Cheꞌxnima̱k ru lix Dioseb laj Israel li cuanqueb chire li palau.

Salmos 146:10

La̱ex li cuanquex Sión, li Ka̱cuaꞌ le̱ Dios, aꞌan li kꞌaxal nim xcuanquil. Li nimajcual Dios ta̱cua̱nk xcuanquil chi junelic kꞌe cutan. ¡Lokꞌoninbil taxak li Ka̱cuaꞌ!

Salmos 123:1

At nimajcual Dios, cha̱cuu la̱at nintzꞌa̱ma intenkꞌanquil. La̱at li cuancat saꞌ li santil choxa.

Salmos 121:1

Nak nacuil li tzu̱l, nincꞌoxla ut ninye saꞌ inchꞌo̱l: ¿Ani ta̱tenkꞌa̱nk cue?

Salmos 107:31

Cheꞌxlokꞌonihak taxak li nimajcual Dios xban nak nim li ruxta̱n, ut xban li sachba chꞌo̱lej li naxba̱nu re xcolbaleb li ralal xcꞌajol.

Salmos 102:24

La̱in quintijoc ut quinye re: —At Ka̱cuaꞌ, mina̱canab chi ca̱mc saꞌ insa̱jilal. Incꞌaꞌ taxak tinca̱mk chi toj ma̱jiꞌ ninti̱x. At Ka̱cuaꞌ, la̱at cuancat chi junelic kꞌe cutan.

Salmos 92:1

At Ka̱cuaꞌ Dios, kꞌaxal us xqꞌuebal a̱lokꞌal. Takabicha li bich re xlokꞌoninquil a̱cuu, at nimajcual Dios.

Salmos 10:16

Caꞌaj cuiꞌ la̱at, at Ka̱cuaꞌ, kꞌaxal nim a̱cuanquil. La̱at li Rey chi junelic. Eb li tenamit li incꞌaꞌ nequeꞌpa̱ban a̱cue, teꞌsachekꞌ ruheb.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

1 Timoteo 1:17

Lokꞌoninbil taxak li tzꞌakal Rey li cuan chi junelic kꞌe cutan, li incꞌaꞌ nacam ut incꞌaꞌ na-ilman ru, li junaj chi Dios li numtajenak xnaꞌleb. Chikalokꞌonihak taxak anakcuan ut chi junelic kꞌe cutan. Joꞌcan taxak.

San Juan 5:26

Li Yucuaꞌbej cuan xcuanquil chi qꞌuehoc junelic yuꞌam ut aꞌan ajcuiꞌ quiqꞌuehoc cue la̱in li Cꞌajolbej lin cuanquil chi qꞌuehoc junelic yuꞌam.

San Lucas 18:13

Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Salmos 107:22

Cheꞌxqꞌuehak taxak lix mayejeb re xbantioxinquil chiru li Ka̱cuaꞌ. Cheꞌbicha̱nk taxak xban xsahil xchꞌo̱leb ut teꞌxye taxak resil li usilal li quilajxba̱nu li Ka̱cuaꞌ reheb.

Salmos 107:15

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Salmos 107:8

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Salmos 50:14

Li mayej li nacuaj la̱in, aꞌan nak tine̱lokꞌoni, la̱in li Ka̱cuaꞌ Dios. Ut te̱ba̱nu chi tzꞌakal li cꞌaꞌru xeyechiꞌi cue la̱in, li nimajcual Dios.

Salmos 9:2

Numtajenak lix sahil inchꞌo̱l nacaqꞌue. Ut tinbicha la̱ lokꞌal, at nimajcual Dios.

Salmos 7:17

Aꞌut la̱in ninbantioxi chiru li Ka̱cuaꞌ Dios xban nak saꞌ ti̱quilal narakoc a̱tin. Tinbicha̱nk re xlokꞌoninquil lix cꞌabaꞌ li nimajcual Dios.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

Apocalipsis 10:6

ut quixba̱nu li juramento saꞌ xcꞌabaꞌ li Jun li yoꞌyo chi junelic, li quiyoꞌobtesin re li choxa joꞌ ajcuiꞌ li ruchichꞌochꞌ ut chixjunil li cuan chiru, joꞌ ajcuiꞌ li palau ut chixjunil li cuan chi saꞌ. Quixye nak ac xcuulac xkꞌehil. Incꞌaꞌ chic ta̱ba̱yk.

Apocalipsis 4:9

Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l.

Daniel 4:2

Ut cherabihak li oc cue chixyebal. Nacuaj nak te̱nau li sachba chꞌo̱lej ut li milagro li quixcꞌutbesi chicuu li Ka̱cuaꞌ li nimajcual Dios.

Daniel 4:36

Ut nak quincꞌul cuiꞌchic lin naꞌleb, quincꞌul ajcuiꞌ lin lokꞌal ut lin cuanquil. Eb laj cꞌanjel chicuu quineꞌxsicꞌ ut quineꞌxsicꞌ ajcuiꞌ eb laj qꞌuehol naꞌleb. Ut quinqꞌueheꞌ cuiꞌchic chi takla̱nc saꞌ xbe̱neb li tenamit ut kꞌaxal nim cuiꞌchic lin cuanquil quiqꞌueheꞌ cue chiru junxil.

Daniel 5:18

At rey, li nimajcual Dios quixqꞌue chi cua̱nc chokꞌ rey laj Nabucodonosor la̱ yucuaꞌ ut quixqꞌue xnimal xcuanquil ut xnimal xlokꞌal ut qui-oxlokꞌi̱c xbaneb li tenamit.

Daniel 7:27

Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

Jonás 1:14

Tojoꞌnak queꞌtijoc ut queꞌxtzꞌa̱ma xtenkꞌanquil chiru li Ka̱cuaꞌ Dios ut queꞌxye: —At nimajcual Dios, moa̱qꞌue taxak chi ca̱mc xma̱c a cui̱nk aꞌin. Ut ma̱qꞌue taxak saꞌ kabe̱n lix camic xban nak la̱at, at Dios, xaba̱nu li cꞌaꞌru xacuaj, chanqueb.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

2 Samuel 22:31

Chixjunil li cꞌaꞌru naxba̱nu li Ka̱cuaꞌ, aꞌan cha̱bil ut tzꞌakal re ru. Ut li cꞌaꞌru naxyechiꞌi ke, nakanau chi tzꞌakal nak tixqꞌue ke. Li Dios naxtenkꞌaheb li ani cauheb xchꞌo̱l riqꞌuin.

1 Crónicas 29:10

Joꞌcan ajcuiꞌ li rey David. Cꞌajoꞌ nak quisahoꞌ saꞌ xchꞌo̱l. Ut quixlokꞌoni li Ka̱cuaꞌ Dios chiruheb chixjunileb li chꞌutchꞌu̱queb aran ut quixye: —Lokꞌoninbilat taxak, at nimajcual Dios. La̱at lix Dios laj Israel li kaxeꞌto̱nil yucuaꞌ chalen chak junxil ut toj chalen anakcuan.

1 Crónicas 29:13

Joꞌcan ut nak la̱o nakanima a̱cuu ut nakaqꞌue xlokꞌal la̱ santil cꞌabaꞌ, at Ka̱cuaꞌ, at kaDios.

Salmos 66:7

Riqꞌuin xnimal lix cuanquilal nataklan chi junelic ut aꞌan naxnau li cꞌaꞌru yo̱queb chixba̱nunquil li tenamit. Ut incꞌaꞌ teꞌqꞌuehekꞌ xcuanquil li nequeꞌkꞌetoc ra̱tin li Dios.

Salmos 111:7

Chixjunil li nalajxba̱nu li Ka̱cuaꞌ, naxba̱nu saꞌ xya̱lal ut saꞌ ti̱quilal. Ut tzꞌakal re ru lix chakꞌrab.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Isaías 13:11

Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Daniel 9:14

At Ka̱cuaꞌ, la̱at xaba̱nu joꞌ xaye. Xatakla chak li raylal saꞌ kabe̱n, xban nak la̱o incꞌaꞌ xkaba̱nu li cꞌaꞌru xaye ke. La̱at, at Ka̱cuaꞌ, chixjunil nacaba̱nu saꞌ ti̱quilal.