Daniel 4:32 - Li Santil hu

³² —Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

Q'eqchi Bible

³² Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:32 ပူးပေါင်းရင်းမြစ်များ

Daniel 5:21

Qui-isi̱c saꞌ xya̱nkeb li tenamit ut lix naꞌleb chanchan chic xnaꞌleb li xul. Quicuan saꞌ pim saꞌ xya̱nkeb li bu̱r re li qꞌuicheꞌ, ut quixcuaꞌ li pim joꞌqueb li bo̱yx. Quitꞌakresi̱c xban li xchuꞌque toj quixqꞌue retal nak li nimajcual Dios aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil xban nak aꞌan naxqꞌue xcuanquil li ani naraj.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

Josué 4:24

Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

Éxodo 9:29

Laj Moisés quixye re: —Nak tincuulak chire li tenamit, aran tintaksi li cuukꞌ ut tintijok chiru li Ka̱cuaꞌ Dios. Incꞌaꞌ chic ta̱cua̱nk sakbach chi moco li ca̱k. Chi joꞌcan ta̱nau nak li Ka̱cuaꞌ Dios aꞌan laj e̱chal re li ruchichꞌochꞌ.

Éxodo 8:10

Laj faraón quixye: —Cuulaj ajcuiꞌ ta̱ba̱nu.— Ut laj Moisés quixye re: —Cuulaj ajcuiꞌ ta̱uxma̱nk li cꞌaꞌru yo̱cat chixtzꞌa̱manquil re nak ta̱cuil nak ma̱cꞌaꞌ chic junak Dios joꞌ li Ka̱cuaꞌ Dios, li nakalokꞌoni la̱o.

Isaías 37:20

Anakcuan ut at Ka̱cuaꞌ, at kaDios, nakatzꞌa̱ma cha̱cuu nak choa̱col chiruheb laj Asiria re nak chixjunileb li cuanqueb xcuanquil saꞌ ruchichꞌochꞌ teꞌxnau nak la̱at li Ka̱cuaꞌ Dios ut ma̱ ani chic junak dios cuan. Caꞌaj cuiꞌ la̱at, chan laj Ezequías.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Isaías 45:3

Tinqꞌue a̱cue li terto xtzꞌak li xocxo chi mukmu. Tinkꞌaxtesi a̱cue re nak ta̱nau nak la̱in li Ka̱cuaꞌ. La̱in lix Dioseb laj Israel. La̱in li xinsicꞌoc a̱cuu re ta̱tenkꞌaheb lin tenamit.

2 Crónicas 33:13

Li Dios quirabi lix tij. Quiril xtokꞌoba̱l ru ut quixcꞌam cuiꞌchic Jerusalén ut quixqꞌue cuiꞌchic saꞌ xcuanquil. Ut riqꞌuin aꞌan laj Manasés quixnau nak li Ka̱cuaꞌ, aꞌan li tzꞌakal Dios.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Daniel 4:31

Toj yo̱ ajcuiꞌ chixyebal li a̱tin aꞌin nak quirabi jun xya̱b cux quichal saꞌ choxa ut quixye: —At rey Nabucodonosor, ac isinbil chic la̱ cuanquil, chan.

Li xHu LAJ JOB 9:12

Cui li Dios narisi li cꞌaꞌak re ru chiru li junju̱nk, ¿ma naru ta biꞌ takaye nak incꞌaꞌ? ¿Ma cuan ta biꞌ junak ta̱ru̱k tixye nak incꞌaꞌ us naxba̱nu?

Li xHu LAJ JOB 42:2

—At Ka̱cuaꞌ, la̱in ninnau nak la̱at chixjunil nacatru xba̱nunquil. Ma̱cꞌaꞌ mukmu cha̱cuu.

Salmos 115:3

Li kaDios, aꞌan cuan saꞌ choxa ut aꞌan naxba̱nu li cꞌaꞌru naraj.

Salmos 135:6

Li Ka̱cuaꞌ, aꞌan yal re saꞌ xbe̱n chixjunil. Li Ka̱cuaꞌ naxba̱nu li cꞌaꞌru naraj joꞌ saꞌ choxa, joꞌ saꞌ ruchichꞌochꞌ, joꞌ saꞌ li palau, joꞌ ajcuiꞌ saꞌ lix chamal.

Isaías 40:15

Chiru li Ka̱cuaꞌ eb li xni̱nkal ru tenamit ma̱cꞌaꞌ nequeꞌoc cuiꞌ. Chanchaneb jun tzꞌukul chi haꞌ malaj ut chanchan li poks li na-osoꞌ. Ma̱cꞌaꞌ na-oc cui. Ut eb li chꞌochꞌ li sutsu saꞌ haꞌ naxqꞌue chi sachc.

Isaías 40:17

Chiru li Ka̱cuaꞌ ma̱cꞌaꞌ nequeꞌoc cuiꞌ li xni̱nkal ru tenamit. Chi ti̱c ma̱cꞌaꞌ nequeꞌoc cuiꞌ.