Daniel 4:27 - Li Santil hu

²⁷ At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Q'eqchi Bible

²⁷ Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Daniel 4:27 ပူးပေါင်းရင်းမြစ်များ

Jonás 3:9

Cui takaba̱nu aꞌin, ma̱re anchal tixjal xcꞌaꞌux li Dios saꞌ kabe̱n. Ma̱re ta̱numekꞌ xjoskꞌil ut incꞌaꞌ chic tixsach ku, chanqueb.

Hechos 8:22

Cui ta̱yotꞌ a̱chꞌo̱l ta̱jal a̱cꞌaꞌux ut ta̱canab xba̱nunquil li ma̱usilal aꞌin ut cui ta̱tzꞌa̱ma a̱cuybal chiru li Dios, ma̱re chan nak tixcuy a̱ma̱c riqꞌuin li xacꞌoxla.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

1 Pedro 4:8

Li cꞌaꞌru tento te̱ba̱nu, aꞌan xra̱bal e̱rib che̱ribil e̱rib ut chi anchal e̱chꞌo̱l. Ut xban nak nequera e̱rib che̱ribil e̱rib, nequecuy ajcuiꞌ e̱ma̱c che̱ribil e̱rib.

San Mateo 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue.

Ezequiel 18:7

Ma̱ ani naxrahobtesi chi moco na-elkꞌac. Naxkꞌaxtesi li nequeꞌxcanab riqꞌuin chokꞌ xprenda li ani natoꞌonin. Naxqꞌue xtzacae̱mk li ta̱tzꞌoca̱k ut naxqꞌue rakꞌ li ma̱cꞌaꞌ rakꞌ.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

1 Reyes 21:29

—¿Ma xaqꞌue retal nak laj Acab xcubsi rib chicuu? Xban nak xcubsi rib, la̱in incꞌaꞌ tintakla li raylal saꞌ xbe̱neb li ralal xcꞌajol nak toj yoꞌyo̱k. Abanan tinqꞌue li raylal saꞌ xbe̱neb li ralal xcꞌajol nak ac cuan chic li ralal chokꞌ rey, chan.

Hechos 26:20

Ut xbe̱n cua quinchꞌolob xya̱lal chiruheb li cuanqueb Damasco ut Jerusalén. Chirix aꞌan quinchꞌolob xya̱lal chiruheb laj judío li cuanqueb Judea, joꞌ ajcuiꞌ chiruheb li ma̱cuaꞌeb aj judío. Quinye reheb nak tento teꞌyotꞌekꞌ xchꞌo̱leb teꞌxjal xcꞌaꞌuxeb ut teꞌxkꞌaxtesi ribeb re li Dios ut teꞌxba̱nu li us joꞌ xcꞌulubeb li ac xeꞌpa̱ban.

Salmos 119:46

La̱in tinchꞌolob xya̱lal la̱ chakꞌrab chiruheb li rey li cuanqueb saꞌ eb li tenamit ut incꞌaꞌ tinxuta̱na̱k chixyebal la̱ chakꞌrab reheb.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Gálatas 5:6

Cui la̱o reho chic li Jesucristo, ma̱cꞌaꞌ naxye cui takacꞌul li circuncisión malaj ut incꞌaꞌ. Li kꞌaxal tento xba̱nunquil, aꞌan xpa̱banquil li Jesucristo. Ut cui ya̱l nak nakapa̱b li Cristo, ta̱cꞌutu̱nk li kapa̱ba̱l xban nak nocorahoc.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Deuteronomio 24:13

Te̱kꞌaxtesi ban lix prenda nak toj ma̱jiꞌ na-oc li sakꞌe re nak tixtzꞌap rib riqꞌuin lix tꞌicr nak oc re chi cua̱rc. Li cui̱nk tixbantioxi che̱ru ut ta̱cuulak chiru li Ka̱cuaꞌ le̱ Dios li cꞌaꞌru te̱ba̱nu.

Jeremías 29:7

Chexcua̱nk saꞌ xya̱lal re nak us teꞌe̱lk li tenamit li xeꞌchapoc e̱re. Chetzꞌa̱ma li rusilal li Dios saꞌ xbe̱n li naꞌajej aꞌin xban nak cui us na-el li naꞌajej, us ajcuiꞌ tex-e̱lk la̱ex.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.

Deuteronomio 8:17

Incꞌaꞌ taxak te̱cꞌoxla nak riqꞌuin le̱ cuanquil ut riqꞌuin le̱ metzꞌe̱u cuan chixjunil li cꞌaꞌru e̱re.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

Proverbios 11:2

Li ani naxnimobresi rib ta̱cꞌutekꞌ xxuta̱n. Abanan li ani naxcubsi rib, aꞌan cuan xnaꞌleb.

Isaías 10:13

Lix reyeb laj Asiria naxye: —Chixjunil li xinba̱nu, xinba̱nu xban nak cuan innaꞌleb ut incuanquil. Xban nak ninnau cꞌoxlac, us xin-el riqꞌuin li xinba̱nu. Xinnumta saꞌ xbe̱neb nabal li tenamit ut xincꞌam chokꞌ cue lix biomaleb. Ut xinmakꞌ lix cuanquileb lix reyeb.

Isaías 47:8

Joꞌcan nak cherabihak li yo̱quin chixyebal e̱re, la̱ex li nequexcuan chi sa saꞌ e̱chꞌo̱l. La̱ex cꞌojcꞌo e̱chꞌo̱l ut nequecꞌoxla nak ma̱cꞌaꞌ te̱cꞌul ut nequeye saꞌ e̱chꞌo̱l: La̱o cuan kacuanquil. Ma̱ ani chic cuan xcuanquil joꞌ li kacuanquil la̱o, chanquex. Saꞌ e̱chꞌo̱l la̱ex nak ma̱ jaruj te̱cꞌul li raylal joꞌ nequeꞌxcꞌul li ixk li nequeꞌcam xbe̱lomeb malaj ut joꞌ eb li nequeꞌcam li ralal xcꞌajol.

Isaías 47:10

Xecꞌojob e̱chꞌo̱l riqꞌuin li ma̱usilal xeba̱nu ut xeye, “Ma̱ ani na-iloc ke,” chanquex. Xebalakꞌi e̱rib xban nak xecꞌoxla nak cuan e̱naꞌleb ut xeye, “La̱o kꞌaxal cuan kacuanquil. Ma̱ jun chic cuan xcuanquil joꞌ la̱o,” chanquex.

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Ezequiel 29:9

La̱in tinsukꞌisi li naꞌajej Egipto chokꞌ chaki chꞌochꞌ. Ma̱cꞌaꞌ chic cua̱nk chi saꞌ. Ut eb li tenamit teꞌxqꞌue retal nak la̱in li Ka̱cuaꞌ li nimajcual Dios. La̱at caye, “Li nimaꞌ Nilo cue la̱in. La̱in quinyi̱ban re,” chancat.

Amós 6:13

La̱ex nasahoꞌ saꞌ e̱chꞌo̱l riqꞌuin li ma̱cꞌaꞌ na-oc cuiꞌ ut nequeye: ¿Ma incꞌaꞌ ta biꞌ cau kib kajunes? chanquex.

Habacuc 1:11

Chanchan nak nanumeꞌ li ca̱k-sut-ikꞌ nak teꞌxsach li tenamit. Teꞌxcꞌoxla nak riqꞌuin xcuanquil lix dioseb teꞌxba̱nu aꞌan, chan li Ka̱cuaꞌ.

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.