Daniel 4:22 - Li Santil hu

²² At rey, li cheꞌ li cacuil li kꞌaxal najt xteram ut cau rib, aꞌan la̱at. Quinumta la̱ cuanquil. Chanchan nak xcuulac toj saꞌ choxa. Ut cuan a̱cuanquil saꞌ xbe̱neb chixjunileb li cuanqueb saꞌ ruchichꞌochꞌ.

Q'eqchi Bible

²² Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

Daniel 4:22 ပူးပေါင်းရင်းမြစ်များ

2 Samuel 12:7

Ut laj Natán quixye re: —At David, la̱at li cui̱nk aꞌan. Joꞌcaꞌin xye a̱cue li Ka̱cuaꞌ, lix Dioseb laj Israel, “La̱in xatinxakab chokꞌ xreyeb laj Israel ut xatincol chiru laj Saúl.

Apocalipsis 18:5

Xnumta lix ma̱queb. Chanchan xcuulac toj saꞌ choxa lix qꞌuial. Li Dios yo̱ chak chixqꞌuebal retal lix ma̱usilaleb.

San Mateo 14:4

Toj ma̱jiꞌ naqꞌueheꞌ saꞌ tzꞌalam laj Juan laj Cubsihom Haꞌ nak quixye re laj Herodes chi joꞌcaꞌin: —Nimla ma̱c xaba̱nu nak xacꞌam chokꞌ a̱cuixakil lix Herodías, chan laj Juan re.

Salmos 108:4

Kꞌaxal nim la̱ cuuxta̱n saꞌ kabe̱n. Ma̱cꞌaꞌ xbisbal. Kꞌaxal ti̱c la̱ chꞌo̱l.

Salmos 36:5

Abanan la̱at, at Ka̱cuaꞌ, kꞌaxal nim la̱ rahom. Incꞌaꞌ naru xbisbal. Kꞌaxal nim la̱ cuuxta̱n saꞌ xbe̱neb la̱ cualal a̱cꞌajol.

2 Crónicas 28:9

Saꞌ li tenamit Samaria cuan jun lix profeta li Dios, aj Obed xcꞌabaꞌ. Qui-el chixcꞌulbaleb li soldado aj Israel nak oqueb re saꞌ li tenamit. Li profeta quixye reheb: —Li Ka̱cuaꞌ lix Dioseb le̱ xeꞌto̱nil yucuaꞌ quijoskꞌoꞌ riqꞌuineb laj Judá. Joꞌcan nak quixkꞌaxtesiheb saꞌ e̱rukꞌ la̱ex. Abanan li Ka̱cuaꞌ toj saꞌ choxa quixqꞌue chak retal nak xecamsiheb chi yo̱ e̱joskꞌil.

Génesis 28:12

Nak yo̱ chi cua̱rc, laj Jacob quimatqꞌuec. Saꞌ xmatcꞌ quiril jun chanchan escalera xakxo saꞌ chꞌochꞌ ut nacuulac toj saꞌ choxa xnajtil rok. Ut eb lix ángel li Ka̱cuaꞌ nequeꞌtakeꞌ ut nequeꞌcube chak chiru li escalera nak quiril.

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.

Ezequiel 17:3

Ta̱ye reheb chi joꞌcaꞌin: aꞌan aꞌin li naxye li nimajcual Dios. Quicuulac Líbano jun li nimla xul tꞌiu xcꞌabaꞌ. Najt rok lix xicꞌ ut nabal pa̱y ru lix color. Kꞌaxal cau narupupic. Quixchap lix kꞌunal saꞌ li ruꞌuj jun li nimla chacalteꞌ.

Daniel 4:11

Quiniman li cheꞌ toj retal quicuulac saꞌ choxa ut qui-ileꞌ yalak bar saꞌ ruchichꞌochꞌ xbaneb li tenamit.

Daniel 4:21

Cꞌajoꞌ xchꞌinaꞌusal lix xak. Ut nabal li ru. Tzꞌakal re teꞌtzaca̱nk chixjunileb li cuanqueb saꞌ ruchichꞌochꞌ. Li xul saꞌ qꞌuicheꞌ nequeꞌhilan rubel li cheꞌ ut eb li xul li nequeꞌrupupic queꞌxyi̱b lix soc saꞌ eb li rukꞌ.

Daniel 4:36

Ut nak quincꞌul cuiꞌchic lin naꞌleb, quincꞌul ajcuiꞌ lin lokꞌal ut lin cuanquil. Eb laj cꞌanjel chicuu quineꞌxsicꞌ ut quineꞌxsicꞌ ajcuiꞌ eb laj qꞌuehol naꞌleb. Ut quinqꞌueheꞌ cuiꞌchic chi takla̱nc saꞌ xbe̱neb li tenamit ut kꞌaxal nim cuiꞌchic lin cuanquil quiqꞌueheꞌ cue chiru junxil.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Daniel 4:29

Ac xnumeꞌ chic jun chihab nak li rey yo̱ chak chi be̱c saꞌ lix nimal palacio aran Babilonia.