Daniel 4:16 - Li Santil hu

¹⁶ Li cheꞌ aꞌan retalil jun li cui̱nk. Chiru cuukub chihab li cui̱nk aꞌin incꞌaꞌ chic ta̱cꞌoxlak joꞌ junak cui̱nk. Chanchanak chic xnaꞌleb li xul lix naꞌleb.

Q'eqchi Bible

¹⁶ Li che' a'an reetalil jun li winq. Chiru wuqub' chihab' chiwanq jo' junaq xul: chik'oxlaq ut china'leb'aq jo' naxb'aanu junaq xul.

Daniel 4:16 ပူးပေါင်းရင်းမြစ်များ

Daniel 4:23

Nak yo̱cat chirilbal li cheꞌ, at rey, jun lix ángel li Ka̱cuaꞌ xcomoneb li ángel li nequeꞌcꞌacꞌalen quicube chak saꞌ choxa ut quixye, “Yocꞌ li cheꞌ ut ta̱sach. Abanan ta̱canab saꞌ li chꞌochꞌ lix to̱nal ut lix xeꞌ ut ta̱bacꞌ riqꞌuin cadena yi̱banbil riqꞌuin hierro ut bronce ut ta̱cana̱k saꞌ pim. Ut ta̱tꞌakresi̱k xban li xchuꞌque ut chiru cuukub chihab tixtzaca li pim rochbeneb li xul”, chan li ángel.

Apocalipsis 12:14

Quiqꞌueheꞌ cuib lix xicꞌ li ixk re ta̱rupupik chanchan xxicꞌ li nimla cꞌuch re nak ta̱e̱lelik ut ta̱xic toj saꞌ li chaki chꞌochꞌ saꞌ li naꞌajej ac cauresinbil chokꞌ re bar ma̱cꞌaꞌ cuan. Ut aran ta̱chꞌolani̱k xban li Dios chiru oxib chihab riqꞌuin cuakib po. Ut aran tixmuk rib chiru li cꞌantiꞌ.

Daniel 4:25

La̱at tatyolesi̱k saꞌ la̱ naꞌaj. Tat-isi̱k saꞌ xya̱nkeb li tenamit. Saꞌ pim tatcua̱nk saꞌ xya̱nkeb li xul. Ut pim ta̱cuaꞌ joꞌ li bo̱yx ut tattꞌakresi̱k xban li xchuꞌque. Cuukub chihab tatcua̱nk saꞌ pim. Riqꞌuin aꞌin ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ ut aꞌan yal re li ani naraj xqꞌuebal xcuanquil.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Hebreos 1:11

Eb aꞌan teꞌosokꞌ aban la̱at cua̱nkat chi junelic. Chixjunil aꞌan teꞌkꞌelokꞌ joꞌ li tꞌicr.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Daniel 11:13

Mokon chic li rey li cuan saꞌ li norte tixchꞌutubeb ut tixcauresiheb lix soldado ut kꞌaxal cuiꞌchic nabal chiru li queꞌpletic junxil. Nak ta̱cuulak xkꞌehil ta̱xic cuiꞌchic saꞌ li sur riqꞌuin lix qꞌuila soldado ut cua̱nk lix cha̱bil cꞌanjeleba̱l re pletic.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

2 Samuel 18:32

Li rey quixye re li cui̱nk laj Etiopía: —¿Ma ma̱cꞌaꞌ xcꞌul laj Absalón? chan. Ut li cui̱nk quixye re: —Us raj nak chixjunileb li xicꞌ nequeꞌiloc a̱cue li teꞌraj numta̱c saꞌ a̱be̱n, teꞌxcꞌul joꞌ xcꞌul laj Absalón, chan.

Daniel 7:28

Caꞌaj cuiꞌ aꞌan li quicuil saꞌ lin matcꞌ. La̱in cꞌajoꞌ nak quisach inchꞌo̱l ut qui-oc incꞌaꞌux. Sakquirin quincuulac xban inxiu abanan quincꞌu̱la saꞌ inchꞌo̱l li quicuil saꞌ lin matcꞌ ut ma̱ ani aj e quinserakꞌi li cꞌaꞌru quicuil, chan laj Daniel.