Daniel 3:6 - Li Santil hu

⁶ Ut li ani incꞌaꞌ tixcuikꞌib rib chixlokꞌoninquil li jalam u̱ch, li jun aꞌan ta̱chapekꞌ ut saꞌ ajcuiꞌ li ho̱nal aꞌan ta̱cutekꞌ saꞌ li horno li kꞌaxal tik xxamlel, chan.

Q'eqchi Bible

⁶ Li ink'a' tixb'uchub' rib' chiru ch'och' chi xloq'oninkil, sa' junpaat taakutmanq sa' xam li k'ajo' xtiqwal”.

Daniel 3:6 ပူးပေါင်းရင်းမြစ်များ

San Mateo 13:50

Ut teꞌqꞌuehekꞌ li incꞌaꞌ useb xnaꞌleb saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

San Mateo 13:42

Ut teꞌqꞌuehekꞌ saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

Jeremías 29:22

Xma̱queb aꞌan nak chixjunileb laj Judá li cuanqueb Babilonia teꞌxye chi joꞌcaꞌin nak teꞌmajecua̱nk, “Li Ka̱cuaꞌ tixba̱nu a̱cue joꞌ quixba̱nu reheb laj Sedequías ut laj Acab li queꞌcꞌateꞌ xban li rey Nabucodonosor.”

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Daniel 3:11

Xaye nak li ani incꞌaꞌ tixcuikꞌib rib chixlokꞌoninquil li jalam u̱ch oro, li jun aꞌan ta̱cutekꞌ saꞌ li horno li yo̱ xxamlel.

Apocalipsis 14:11

Junelic kꞌe cutan yo̱keb chi cꞌuluc raylal li nequeꞌxlokꞌoni li joskꞌ aj xul malaj ut lix jalam u̱ch, li queꞌxcꞌul li retalil lix cꞌabaꞌ saꞌ xpe̱quemeb malaj chi rukꞌeb. Chi kꞌek chi cutan yo̱keb chi cꞌuluc raylal, chan.

Apocalipsis 9:2

Nak quixte li re li chamal jul, cꞌajoꞌ li sib qui-el chak. Chanchan li sib li na-el saꞌ junak nimla horno. Quikꞌojyi̱noꞌ ru li sakꞌe ut li ikꞌ xban li sib li qui-el chak saꞌ li chamal jul.

San Marcos 6:27

Laj Herodes ticto quixtakla jun li soldado chixcꞌambal chak lix jolom laj Juan. Li soldado co̱ saꞌ tzꞌalam chixchꞌotbal lix cux laj Juan.

San Mateo 4:9

Ut quixye re li Jesús: —Chixjunil aꞌin tinqꞌue a̱cue cui la̱at ta̱cuikꞌib a̱cuib chicuu ut tina̱lokꞌoni.—

Daniel 6:7

Chikajunilo la̱o li gobernador ut eb li capitán, eb li comisionado ut eb li ni̱nk xcuanquileb, xkacꞌu̱b ru chi kibil kib nak la̱at ta̱qꞌue jun li chakꞌrab ut ta̱xakab xcuanquil. Ta̱chakꞌrabiheb li tenamit nak chiru li laje̱b xcaꞌcꞌa̱l cutan li ta̱cha̱lk ma̱ ani naru ta̱tzꞌa̱ma̱nk chiru lix Dios chi moco chiru junak cui̱nk. Caꞌaj cuiꞌ cha̱cuu la̱at ta̱ru̱k teꞌtzꞌa̱ma̱nk. Ut cui cuan junak naxkꞌet la̱ chakꞌrab, li jun aꞌan ta̱cutekꞌ saꞌ xya̱nkeb li cakcoj.

Daniel 3:21

Tojoꞌnak li oxib chi cui̱nk aꞌin queꞌbaqꞌueꞌ ut queꞌcuteꞌ saꞌ li horno li yo̱ xxamlel rech xiquic li rakꞌeb cuan chirixeb.

Daniel 2:5

Quichakꞌoc li rey ut quixye reheb laj Caldea: —Xsach saꞌ inchꞌo̱l lin matcꞌ. Cui la̱ex incꞌaꞌ te̱ye cue cꞌaꞌru lin matcꞌ ut cꞌaꞌru naxye, texpedasi̱k ut ta̱jucꞌma̱nk le̱ rochoch.

Isaías 44:17

Riqꞌuin li jun jachal chic naxyi̱b jun li jalam u̱ch chokꞌ xdios. Naxcuikꞌib rib chiru ut naxlokꞌoni. Natijoc ut natzꞌa̱man chiru ut naxye re li jalam u̱ch aꞌan: —La̱at lin dios. China̱col, chan.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Génesis 19:28

Laj Abraham qui-iloc saꞌ li naꞌajej li queꞌcuan cuiꞌ li tenamit Sodoma ut Gomorra. Ut aran quiril nak ma̱ caꞌchꞌin li sib nakꞌujujnac chi takecꞌ. Chanchan jun nimla horno li yo̱ xxamlel.

Daniel 3:7

Joꞌcan nak chixjunileb queꞌxcuikꞌib ribeb nak queꞌrabi xya̱b li cuajb ut queꞌxlokꞌoni li yi̱banbil dios oro li quixakaba̱c xban li rey Nabucodonosor. Chixjunileb queꞌxcuikꞌib rib chiru, aꞌ yal bar xtenamiteb ut aꞌ yal chanru ra̱tinoba̱leb.

Daniel 5:19

Ut xban lix nimal xcuanquil li quiqꞌueheꞌ re, chixjunileb li cuanqueb saꞌ ruchichꞌochꞌ aꞌ yal bar xtenamiteb ut aꞌ yal cꞌaꞌru ra̱tinoba̱leb, nequeꞌsicsot xbaneb xxiu chiru. Quixcamsi li ani quiraj xcamsinquil ut quixcol li ani quiraj xcolbal. Quixqꞌue xcuanquil li ani quiraj xqꞌuebal xcuanquil ut quixcubsi xcuanquil li ani quiraj xcubsinquil xcuanquil.