Daniel 3:27 - Li Santil hu

²⁷ Ut chixjunileb li cuanqueb xcuanquil, li gobernador, ut chixjunileb li nequeꞌcꞌanjelac chiru li rey, queꞌxchꞌutub ribeb chirilbal li oxib chi cui̱nk li incꞌaꞌ queꞌcꞌat saꞌ li xam. Incꞌaꞌ quicꞌat li rismaleb, chi moco quicꞌat li rakꞌeb, chi moco cuan xbo̱c li sib chirixeb.

Q'eqchi Bible

²⁷ Tikto eb' laj k'anjel chiru li awab'ej, eb' li xninqal ru winq, eb' laj jolominel ut eb' laj k'ehol xna'leb' li awab'ej ke'jilok chi xk'atqeb' li oxib'eb' re rilb'aleb' chi us; ut ke'xk'e reetal naq li xam maak'a' xb'aanu reheb', moko k'atalkeb' ta li rismaleb', tz'aqal re ru li xb'aataleb', ut moko wank ta xb'ook li sib' chiruheb'.

Daniel 3:27 ပူးပေါင်းရင်းမြစ်များ

Isaías 43:2

Nak texnumekꞌ saꞌ li palau, la̱in cua̱nkin e̱riqꞌuin re e̱colbal. Nak texnumekꞌ saꞌ li nimaꞌ, incꞌaꞌ texcꞌam li rok li haꞌ. Cui texnumekꞌ saꞌ li xam incꞌaꞌ texcꞌatk, chi moco li rakꞌ xam ta̱cꞌatok e̱re.

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

Hechos 27:34

Nintzꞌa̱ma che̱ru nak texcuaꞌak re nak cauhakex ut ma̱ jun e̱re ta̱ca̱mk, chan reheb.

San Mateo 10:30

Joꞌcan ajcuiꞌ li rismal le̱ jolom ajlanbileb chixjunil xban li Dios.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Salmos 83:18

re nak chixjunileb teꞌxnau nak caꞌaj cuiꞌ la̱at li nimajcual Dios li cuan a̱cuanquil saꞌ xbe̱n chixjunil li ruchichꞌochꞌ.

2 Reyes 19:19

At Ka̱cuaꞌ, at kaDios, choa̱col taxak saꞌ rukꞌ lix reyeb laj Asiria re nak chixjunileb li xni̱nkal ru tenamit li cuanqueb saꞌ ruchichꞌochꞌ teꞌxqꞌue retal nak caꞌaj cuiꞌ la̱at li Ka̱cuaꞌ li tzꞌakal Dios, chan laj Ezequías.

Daniel 3:21

Tojoꞌnak li oxib chi cui̱nk aꞌin queꞌbaqꞌueꞌ ut queꞌcuteꞌ saꞌ li horno li yo̱ xxamlel rech xiquic li rakꞌeb cuan chirixeb.

Hechos 26:26

Li rey Agripa naxnau chixjunil li cꞌaꞌak re ru aꞌin. Joꞌcan nak yo̱quin chi a̱tinac chiru chi ma̱cꞌaꞌ inxiu. Aꞌan naxnau chixjunil aꞌin xban nak moco quicꞌulman ta chi mukmu, chan.

Daniel 6:7

Chikajunilo la̱o li gobernador ut eb li capitán, eb li comisionado ut eb li ni̱nk xcuanquileb, xkacꞌu̱b ru chi kibil kib nak la̱at ta̱qꞌue jun li chakꞌrab ut ta̱xakab xcuanquil. Ta̱chakꞌrabiheb li tenamit nak chiru li laje̱b xcaꞌcꞌa̱l cutan li ta̱cha̱lk ma̱ ani naru ta̱tzꞌa̱ma̱nk chiru lix Dios chi moco chiru junak cui̱nk. Caꞌaj cuiꞌ cha̱cuu la̱at ta̱ru̱k teꞌtzꞌa̱ma̱nk. Ut cui cuan junak naxkꞌet la̱ chakꞌrab, li jun aꞌan ta̱cutekꞌ saꞌ xya̱nkeb li cakcoj.

Daniel 6:23

Cꞌajoꞌ nak quisahoꞌ xchꞌo̱l li rey xban nak quicoleꞌ laj Daniel ut quixtakla risinquil saꞌ xnaꞌajeb li cakcoj. Ut ma̱cꞌaꞌ quixcꞌul laj Daniel xban nak cꞌojcꞌo xchꞌo̱l riqꞌuin lix Dios.

1 Reyes 13:28

Co̱ ut li profeta ut coxtau li camenak tꞌantꞌo saꞌ be rochben lix bu̱r. Ut li cakcoj cuan chixcꞌatk. Li cakcoj incꞌaꞌ quixtiu lix tibel li camenak chi moco quixchꞌeꞌ li bu̱r.