Daniel 3:17 - Li Santil hu

¹⁷ Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Q'eqchi Bible

¹⁷ Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Daniel 3:17 ပူးပေါင်းရင်းမြစ်များ

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

San Lucas 1:37

Riqꞌuin aꞌin nacꞌutun nak ma̱cꞌaꞌ chꞌaꞌaj chiru li Dios, chan li ángel.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Jeremías 1:8

Matxucuac chiruheb li tenamit. La̱in cua̱nkin a̱cuiqꞌuin cha̱colbal, chan li Ka̱cuaꞌ Dios.

Hechos 21:13

Abanan laj Pablo quichakꞌoc ut quixye ke: —¿Cꞌaꞌut nak yo̱quex chi ya̱bac ut chixqꞌuebal xrahil inchꞌo̱l? La̱in cau inchꞌo̱l, moco caꞌaj cuiꞌ ta re tinbaqꞌuekꞌ. Re aj ban cuiꞌ nak tincamsi̱k aran Jerusalén saꞌ xcꞌabaꞌ li Ka̱cuaꞌ Jesús, chan.

Li xHu LAJ JOB 5:19

Aꞌan junelic tatxcol chiru li raylal ut incꞌaꞌ tixcanab chi numta̱c saꞌ a̱be̱n li raylal.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Salmos 115:3

Li kaDios, aꞌan cuan saꞌ choxa ut aꞌan naxba̱nu li cꞌaꞌru naraj.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Daniel 6:27

Li Ka̱cuaꞌ Dios, aꞌan li na-achꞌaban ut aꞌan li nacoloc. Aꞌan li naba̱nun re li milagro ut li sachba chꞌo̱lej joꞌ saꞌ choxa joꞌ ajcuiꞌ saꞌ ruchichꞌochꞌ. Aꞌan li quicoloc re laj Daniel. Incꞌaꞌ quixcanab chi camsi̱c xbaneb li cakcoj, chan.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

1 Samuel 17:46

Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

1 Samuel 17:37

Ut quixye cuiꞌchic laj David: —Li Ka̱cuaꞌ quicoloc cue chiruheb li cakcoj ut li oso. Ut aꞌan ajcuiꞌ ta̱colok cue chiru li cui̱nk aꞌin aj filisteo, chan. Ut laj Saúl quixye re: —Ayu, ut li Ka̱cuaꞌ Dios taxak chitenkꞌa̱nk a̱cue.—

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

Salmos 73:20

Chanchan jun li matcꞌ li nanumeꞌ saꞌ junpa̱t nak tatrakok a̱tin la̱at saꞌ xbe̱neb ut ta̱qꞌueheb chi osocꞌ.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

2 Corintios 1:10

Li Dios, aꞌan li quicoloc chak ke chiru li ca̱mc nak corahobtesi̱c. Ut nakanau chi tzꞌakal nak aꞌan ta̱colok ke chi junelic.

Salmos 37:40

Aꞌan natenkꞌan reheb ut aꞌan nacoloc reheb. Naxcoleb chiruheb li incꞌaꞌ useb xnaꞌleb xban nak riqꞌuin aꞌan cauheb xchꞌo̱l.

Jeremías 15:20

Chiruheb li tenamit chanchanakat jun li tzꞌac cau rib yi̱banbil riqꞌuin bronce. Eb aꞌan teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin. La̱in tincolok a̱cue ut la̱in tin-ilok a̱cue.

Jeremías 15:21

La̱in tincolok a̱cue saꞌ rukꞌeb li incꞌaꞌ useb xnaꞌleb ut la̱in tincolok a̱cue saꞌ rukꞌeb li nequeꞌrahobtesin, chan li Dios.

Daniel 3:26

Tojoꞌnak laj Nabucodonosor quinachꞌoc riqꞌuin lix puertil li horno li yo̱ cuiꞌ li xam ut quixye: —At Sadrac, at Mesac ut at Abed-nego, la̱ex nequexcꞌanjelac chiru li nimajcual Dios. Elenkex saꞌ li xam. Quimkex arin, chan. Tojoꞌnak laj Sadrac, laj Mesac ut laj Abed-nego queꞌel chak saꞌ li xam.

Daniel 6:16

Joꞌcan nak li rey quixtakla xcꞌambal chak laj Daniel ut quixye re: —Aꞌ taxak li Ka̱cuaꞌ la̱ Dios li nacacꞌanjela ru junelic, aꞌan taxak chicolok a̱cue saꞌ rukꞌeb li cakcoj, chan re. Ut queꞌxcut laj Daniel saꞌ xya̱nkeb li cakcoj.

Daniel 6:23

Cꞌajoꞌ nak quisahoꞌ xchꞌo̱l li rey xban nak quicoleꞌ laj Daniel ut quixtakla risinquil saꞌ xnaꞌajeb li cakcoj. Ut ma̱cꞌaꞌ quixcꞌul laj Daniel xban nak cꞌojcꞌo xchꞌo̱l riqꞌuin lix Dios.

Miqueas 7:7

Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Salmos 37:39

Li Ka̱cuaꞌ aꞌan nacoloc reheb li ti̱queb xchꞌo̱l ut aꞌan ajcuiꞌ naqꞌuehoc xcacuilal xchꞌo̱leb saꞌ xkꞌehil li raylal.