Daniel 3:15 - Li Santil hu

¹⁵ —Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Q'eqchi Bible

¹⁵ Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

Daniel 3:15 ပူးပေါင်းရင်းမြစ်များ

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

2 Reyes 18:35

¿Ma cuan ta biꞌ junak dios saꞌ li naꞌajej aꞌin li quixcuy xcolbal lix tenamit saꞌ cuukꞌ la̱in? ¿Chanru nak li Ka̱cuaꞌ Dios tixcol li tenamit Jerusalén saꞌ cuukꞌ?” chan li rey.—

Éxodo 5:2

Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

Hechos 4:19

Ut queꞌchakꞌoc laj Pedro ut laj Juan ut queꞌxye reheb: —Cꞌoxlahomak chi us bar cuan li us chiru li Dios. ¿Ma us nak texkapa̱b la̱ex malaj ut us nak takapa̱b li Dios?

San Marcos 13:11

Ut nak texchapekꞌ ut texkꞌaxtesi̱k chiruheb li acuabej, mexcꞌoxlac chirix li cꞌaꞌru te̱ye. Li cꞌaꞌru te̱ye saꞌ li ho̱nal aꞌan ma̱cuaꞌ cꞌoxlanbil a̱tin li te̱ye. Aban li tixye e̱re li Santil Musikꞌej, aꞌan li te̱ye.

Daniel 6:16

Joꞌcan nak li rey quixtakla xcꞌambal chak laj Daniel ut quixye re: —Aꞌ taxak li Ka̱cuaꞌ la̱ Dios li nacacꞌanjela ru junelic, aꞌan taxak chicolok a̱cue saꞌ rukꞌeb li cakcoj, chan re. Ut queꞌxcut laj Daniel saꞌ xya̱nkeb li cakcoj.

Hechos 6:15

Ut chixjunileb li nequeꞌtaklan saꞌ xbe̱neb laj judío li cꞌojcꞌo̱queb aran queꞌril laj Esteban ut queꞌxqꞌue retal nak nalemtzꞌun li riloba̱l. Chanchan na-iloc jun li ángel.

San Lucas 13:9

Ut cui ta̱u̱chi̱nk, us; ut cui incꞌaꞌ, ta̱yocꞌ mokon,” chan.—

San Lucas 12:11

Nak texcꞌamekꞌ chiruheb li nequeꞌtaklan saꞌ li cab li nequeꞌxchꞌutub cuiꞌ ribeb laj judío, malaj ut chiruheb laj rakol a̱tin ut chiruheb li cuanqueb saꞌ xcuanquil, incꞌaꞌ yo̱kex chixcꞌoxlanquil li cꞌaꞌru texsume̱nk cuiꞌ malaj ut li cꞌaꞌru te̱ye,

Daniel 6:20

Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Éxodo 32:32

Ut anakcuan tintzꞌa̱ma cha̱cuu, ba̱nu usilal, chacuy lix ma̱queb. Cui incꞌaꞌ naru ta̱cuy lix ma̱queb, ba̱nu usilal ta̱cuisi lin cꞌabaꞌ saꞌ la̱ hu li tzꞌi̱banbil cuiꞌ xcꞌabaꞌeb li ti̱queb xchꞌo̱l, chan.

San Mateo 27:43

Cau xchꞌo̱l riqꞌuin li Dios. Chicolekꞌ anakcuan cui naraheꞌ xban li Dios xban nak naxye nak aꞌan Ralal li Dios, chanqueb.

San Mateo 10:19

Ut nak toxexxakaba̱k chiruheb, mexcꞌoxlac chirix li cꞌaꞌru te̱ye, chi moco texcꞌoxlak chirix chanru tex-a̱tinak xban nak saꞌ li ho̱nal aꞌan ta̱yehekꞌ e̱re cꞌaꞌru te̱ye.

Daniel 2:9

Cui incꞌaꞌ te̱ye cue cꞌaꞌru lin matcꞌ, juntakꞌe̱t li te̱cꞌul che̱junilex. La̱ex ac xecꞌu̱b e̱rib chi ribil e̱rib nak texticꞌtiꞌik chicuu yal re roybeninquil nak ta̱numekꞌ li cutan. Yehomak biꞌ cue cꞌaꞌru xinmatqꞌue re nak tinnau nak naru te̱ye cue li cꞌaꞌru naxye, chan.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.