Daniel 2:5 - Li Santil hu

⁵ Quichakꞌoc li rey ut quixye reheb laj Caldea: —Xsach saꞌ inchꞌo̱l lin matcꞌ. Cui la̱ex incꞌaꞌ te̱ye cue cꞌaꞌru lin matcꞌ ut cꞌaꞌru naxye, texpedasi̱k ut ta̱jucꞌma̱nk le̱ rochoch.

Q'eqchi Bible

⁵ Kixye li awab'ej reheb': “Ch'olch'ooq cheru li ninb'aanu: wi ink'a' nekeye we li xinmatk'e ut ink'a' nekech'olob' chiwu li xyaalal, chi putz'inb'il naq tex'oso'q ut taajuk'manq leerochoch.

Daniel 2:5 ပူးပေါင်းရင်းမြစ်များ

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.

Esdras 6:11

La̱in xinqꞌue li chakꞌrab aꞌin: Li ani ta̱kꞌetok re li chakꞌrab li xinqꞌue, ta̱isi̱k jun li tzꞌamba re li rochoch ut chiru ajcuiꞌ li cheꞌ aꞌan ta̱camsi̱k. Ut li rochoch ta̱cana̱k chi jun tu̱b chi mul.

2 Reyes 10:27

Queꞌxpoꞌ li artal ut queꞌxjucꞌ lix templo laj Baal ut queꞌxqꞌue chokꞌ xnaꞌaj li cumum ut chalen anakcuan, aꞌan chic lix cꞌanjel li naꞌajej aꞌan.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Daniel 2:12

Ut cꞌajoꞌ nak quijoskꞌoꞌ li rey ut quixtakla xcamsinquil chixjunileb laj qꞌuehol naꞌleb li cuanqueb Babilonia.

Salmos 58:7

Chasacheb li incꞌaꞌ useb xnaꞌleb. Cheꞌosokꞌ joꞌ nak na-osoꞌ li haꞌ li naxic saꞌ rok haꞌ. Cheꞌosokꞌ joꞌ li pim li nayekꞌiman saꞌ li be.

1 Samuel 15:33

Laj Samuel quixye re: —Riqꞌuin la̱ chꞌi̱chꞌ xacamsiheb li tenamit ut eb li naꞌbej queꞌcana chi ma̱cꞌaꞌeb chic xcocꞌal. Joꞌcan ajcuiꞌ la̱ naꞌ ta̱cana̱k chi ma̱cꞌaꞌ chic xcocꞌal, chan. Ut laj Samuel quixcamsi ut quixpedasi laj Agag chiru li Ka̱cuaꞌ aran Gilgal.

Deuteronomio 13:16

Te̱chꞌutub saꞌ xyi li tenamit chixjunil li cꞌaꞌak re ru cuan saꞌ li tenamit aꞌan ut te̱cꞌat chixjunil li tenamit joꞌ ajcuiꞌ li cꞌaꞌru cuan chi saꞌ chokꞌ cꞌatbil mayej chiru li Ka̱cuaꞌ le̱ Dios. Ut poꞌbilak chic li tenamit aꞌan chi junaj cua. Incꞌaꞌ chic ta̱yi̱ba̱k.

Josué 6:26

Saꞌ eb li cutan aꞌan laj Josué quixba̱nu jun li juramento ut quixye: —Raylal ta chiqꞌuehekꞌ saꞌ xbe̱n xban li Ka̱cuaꞌ li ani ta̱oc cuiꞌchic chixcuaclesinquil li tenamit aꞌin. Chica̱mk ta li xbe̱n ralal li ani ta̱qꞌuehok cuiꞌchic lix cimiento li tenamit aꞌin. Ut chica̱mk ta ajcuiꞌ li i̱tzꞌinbej cui tixyi̱b li oqueba̱l, chan.

Daniel 4:9

Ut quinye re: —La̱at laj cꞌamol be saꞌ xya̱nkeb laj kꞌe. At Beltsasar, la̱in ninnau nak qꞌuebil a̱naꞌleb xbaneb la̱ dios santo. Ninnau nak ma̱cꞌaꞌ mukmu cha̱cuu. Ye cue cꞌaꞌru naxye lin matcꞌ.