Daniel 2:47 - Li Santil hu

⁴⁷ Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Q'eqchi Bible

⁴⁷ Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Daniel 2:47 ပူးပေါင်းရင်းမြစ်များ

Daniel 2:28

Abanan cuan jun Dios saꞌ choxa. Aꞌan li nacꞌutbesin re li cꞌaꞌru incꞌaꞌ nanauman ut aꞌan ajcuiꞌ li ta̱cꞌutbesi̱nk re cha̱cuu, at rey Nabucodonosor, cꞌaꞌru ta̱cꞌulma̱nk saꞌ eb li cutan cha̱lel. La̱in tinye a̱cue cꞌaꞌru la̱ matcꞌ ut cꞌaꞌru li cacuil nak cuancat saꞌ la̱ chꞌa̱t.

Daniel 2:22

Aꞌan naxcꞌutbesi chiku li incꞌaꞌ nakatau ru ut li chꞌaꞌaj xtaubal ru. Aꞌan naxnau chixjunil li cꞌaꞌak re ru incꞌaꞌ nakanau la̱o. Chixjunil cutan saken chiru aꞌan.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Deuteronomio 10:17

Xban nak li Ka̱cuaꞌ le̱ Dios, aꞌan li nimajcual Dios. Ma̱cꞌaꞌ chic junak Dios chiru aꞌan. Kꞌaxal nim xcuanquil saꞌ xbe̱neb chixjunileb li cuanqueb xcuanquil ut xucuajel ru. Aꞌan incꞌaꞌ naxsicꞌ ru li ani tixra ut ma̱ ani naru ta̱tumina̱nk ru.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

1 Timoteo 6:15

Nak tixtau xkꞌehil li Dios tixcꞌutbesi cuiꞌchic chiku li Jesucristo. Li Dios, aꞌan kꞌaxal lokꞌ ut junaj ajcuiꞌ. Aꞌan li Rey li kꞌaxal nim xcuanquil saꞌ xbe̱neb chixjunileb li rey li cuanqueb saꞌ ruchichꞌochꞌ. Ut aꞌan ajcuiꞌ li Ka̱cuaꞌ li kꞌaxal nim xcuanquil saꞌ xbe̱neb chixjunileb li cuanqueb xcuanquil.

Daniel 2:37

—At rey, la̱at li kꞌaxal nim la̱ cuanquil saꞌ xya̱nkeb chixjunileb li rey xban nak li Ka̱cuaꞌ Dios li cuan saꞌ choxa, aꞌan li quixakaban a̱cue ut aꞌan ajcuiꞌ quiqꞌuehoc a̱cuanquil, a̱cacuilal ut a̱lokꞌal.

Salmos 136:2

Cheqꞌuehak taxak xlokꞌal li nimajcual Dios, li kꞌaxal nim xcuanquil chiruheb li yi̱banbil dios, xban nak kꞌaxal nim li ruxta̱n saꞌ kabe̱n junelic.

Salmos 82:1

Li Dios cuan saꞌ lix naꞌaj saꞌ xya̱nkeb laj rakol a̱tin li chꞌutchꞌu̱queb re tixye reheb nak incꞌaꞌ us yo̱queb chi rakoc a̱tin.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Génesis 41:39

Ut quixye re laj José: —Li Ka̱cuaꞌ Dios xcꞌutuc re cha̱cuu chixjunil li naꞌleb aꞌin. Xban aꞌan, ma̱ ani chic junak cuan xnaꞌleb cha̱cuu la̱at.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Daniel 2:19

Ut saꞌ ajcuiꞌ li kꞌojyi̱n aꞌan, li Dios quixcꞌutbesi chiru laj Daniel cꞌaꞌru lix matcꞌ li rey ut cꞌaꞌru lix ya̱lal. Ut laj Daniel quixlokꞌoni li Dios cuan saꞌ choxa.

Li xHu LAJ JOB 12:19

Li Dios naxcubsi xcuanquileb laj tij joꞌqueb ajcuiꞌ li cuanqueb saꞌ xcuanquil.

Josué 22:22

—Li Ka̱cuaꞌ li nimajcual Dios, aꞌan naxnau chixjunil. Aꞌan naxnau cꞌaꞌru aj e nak xkayi̱b li artal aꞌin. Ut aꞌan ta̱cꞌutuk re lix ya̱lal che̱ru. Cui la̱o xkayi̱b li artal aꞌin re takakꞌetkꞌeti kib chiru, malaj ut re xtzꞌekta̱nanquil li Dios, choxqꞌuehak ta chi ca̱mc.

Daniel 4:25

La̱at tatyolesi̱k saꞌ la̱ naꞌaj. Tat-isi̱k saꞌ xya̱nkeb li tenamit. Saꞌ pim tatcua̱nk saꞌ xya̱nkeb li xul. Ut pim ta̱cuaꞌ joꞌ li bo̱yx ut tattꞌakresi̱k xban li xchuꞌque. Cuukub chihab tatcua̱nk saꞌ pim. Riqꞌuin aꞌin ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ ut aꞌan yal re li ani naraj xqꞌuebal xcuanquil.

1 Corintios 14:25

Li Dios tixcꞌut chiru chi tzꞌakal cꞌaꞌru cuan saꞌ xchꞌo̱l. Ut li jun aꞌan tixcuikꞌib rib ut tixlokꞌoni li Dios ut tixye nak relic chi ya̱l li Dios cuan saꞌ xya̱nkeb laj pa̱banel.

Salmos 136:3

Cheqꞌuehak taxak xlokꞌal li Ka̱cuaꞌ li kꞌaxal nim xcuanquil saꞌ xbe̱neb chixjunileb li cuanqueb xcuanquil, xban nak kꞌaxal nim li ruxta̱n saꞌ kabe̱n junelic.

Ezequiel 26:7

Li nimajcual Dios naxye: —La̱in tintakla chi pletic saꞌ le̱ tenamit laj Nabucodonosor, lix reyeb laj Babilonia, li kꞌaxal nim xcuanquil. Ta̱cha̱lk saꞌ li norte chi pletic e̱riqꞌuin rochbeneb lix qꞌuila soldados, ut eb lix cacua̱y ut eb lix carruaje.

Daniel 2:29

At rey, nak cuancat saꞌ la̱ chꞌa̱t yo̱cat chi cꞌoxlac chirix li cꞌaꞌru ta̱cꞌulma̱nk saꞌ eb li cutan teꞌcha̱lk. Ut li Dios, li nacꞌutbesin re li cꞌaꞌru incꞌaꞌ nanauman, aꞌan quixcꞌutbesi cha̱cuu li cꞌaꞌru ta̱cꞌulma̱nk.

Daniel 2:30

Ut quicꞌutbesi̱c chicuu la̱in. Ma̱cuaꞌ xban nak kꞌaxal nabal innaꞌleb chiruheb lix naꞌlebeb li jun chꞌol chic. Quicꞌutbesi̱c ban chicuu re nak la̱in tinye a̱cue, at rey, cꞌaꞌru naxye la̱ matcꞌ, ut re ajcuiꞌ nak ta̱tau ru li cꞌaꞌru yo̱ cuiꞌ a̱cꞌaꞌux.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Daniel 3:28

Tojoꞌnak li rey Nabucodonosor quixye: —Lokꞌoninbil taxak li Dios li nequeꞌxlokꞌoni laj Sadrac, laj Mesac ut laj Abed-nego xban nak aꞌan xtakla chak lix ángel chixcolbaleb li cui̱nk aꞌin li nequeꞌxlokꞌoni ut nequeꞌcꞌanjelac chiru. Incꞌaꞌ queꞌxlokꞌoni li jalam u̱ch joꞌ quintaklaheb. Xeꞌxkꞌaxtesi ribeb chi ca̱mc chiru xcuikꞌibanquil ribeb chixlokꞌoninquil li jalanil dios.

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

2 Reyes 5:15

Laj Naamán qui-el saꞌ li nimaꞌ ut co̱ cuiꞌchic saꞌ rochoch li profeta Eliseo rochben chixjunileb lix mo̱s. Ut laj Naamán quixye re laj Eliseo: —Anakcuan xinqꞌue retal nak ma̱cꞌaꞌ chic junak Dios saꞌ chixjunil li ruchichꞌochꞌ. Caꞌaj cuiꞌ arin Israel. Joꞌcan nak nintzꞌa̱ma cha̱cuu nak ta̱cꞌul junak la̱ ma̱tan tinsi a̱cue, chan laj Naamán.

Salmos 96:4

Kꞌaxal nim xcuanquil li nimajcual Dios ut xcꞌulub nak takaqꞌue xlokꞌal. Aꞌan li tento ta̱xucua̱k ru xban nak aꞌan li kꞌaxal nim xcuanquil chiruheb chixjunileb li jalanil dios.