Daniel 2:46 - Li Santil hu

⁴⁶ Nak quirabi li rey li cꞌaꞌru quixye laj Daniel, quixcuikꞌib rib chiru ut quixqꞌue xlokꞌal ut quixtakla xqꞌuebal lix ma̱tan ut xcꞌatbal li incienso chiru.

Q'eqchi Bible

⁴⁶ Toja' naq laj Nabukodonosor, li awab'ej, kiwiq'laak chiru laj Daniel, kixhupub' rib' chiru ch'och' ut kixye naq chik'eemanq xsimaatan jo'wi' xsununkil b'an.

Daniel 2:46 ပူးပေါင်းရင်းမြစ်များ

Hechos 14:13

Li rochoch laj Júpiter lix dioseb aꞌan cuan chire li tenamit. Laj tij li nacꞌanjelac chiru lix dioseb aꞌan cuan chire li tenamit. Laj tij li nacꞌanjelac chiru lix dioseb quixcꞌam chire li tenamit li cuacax ut li cotobanbil utzꞌuꞌuj. Quiraj raj xmayejanquil chiruheb li apóstol rochbeneb li tenamit.

Hechos 10:25

Nak laj Pedro quicuulac saꞌ li rochoch, laj Cornelio qui-el chixcꞌulbal. Quixcuikꞌib rib chiru re xlokꞌoninquil.

Esdras 6:10

Ta̱qꞌuehekꞌ reheb re nak ta̱ru̱k teꞌxqꞌue li mayej li ta̱cuulak chiru li Dios li cuan saꞌ choxa ut teꞌtijok chicuix la̱in li rey ut chirixeb ajcuiꞌ li cualal incꞌajol.

Apocalipsis 22:8

La̱in laj Juan li quin-abin ut quin-iloc re chixjunil li cꞌaꞌak re ru aꞌin. Nak acak xcuabi ut nak acak xcuil, quincuikꞌib cuib chiru li ángel li quicꞌutuc chicuu chixjunil li cꞌaꞌak re ru aꞌin re raj xlokꞌoninquil.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Levítico 26:31

La̱in tinjuqꞌuiheb le̱ tenamit ut tinsacheb chi junaj cua eb li naꞌajej li nequexlokꞌonin cuiꞌ. Ut incꞌaꞌ chic tincꞌul le̱ sununquil ban li nequecꞌat chicuu.

Apocalipsis 11:16

Ut eb li ca̱hib xcaꞌcꞌa̱l li cꞌojcꞌo̱queb saꞌ lix cꞌojariba̱l queꞌxcuikꞌib ribeb ut queꞌxlokꞌoni li Dios.

Hechos 28:6

Eb aꞌan yo̱queb chiroybeninquil jokꞌe ta̱si̱po̱k laj Pablo ut ta̱tꞌanekꞌ chi camenak. Najt queꞌroybeni ut nak queꞌril nak ma̱cꞌaꞌ quixcꞌul, queꞌxjal lix cꞌaꞌuxeb ut queꞌxye: —Dios tana li cui̱nk aꞌan, chanqueb.

San Lucas 17:16

Quixcuikꞌib rib chiru li Jesús ut quixbantioxi chiru. Li cui̱nk aꞌan aj Samaria.

Daniel 3:5

Nak te̱rabi nak teꞌoc chi ecꞌa̱nc li trompeta, li xo̱lb, li tambor, li arpa, li salterio, li zampoña, joꞌ ajcuiꞌ chixjunileb li cuajb, la̱ex te̱cuikꞌib e̱rib ut te̱lokꞌoni li jalam u̱ch oro li quixqꞌue chi yi̱ba̱c li rey Nabucodonosor.

Daniel 3:7

Joꞌcan nak chixjunileb queꞌxcuikꞌib ribeb nak queꞌrabi xya̱b li cuajb ut queꞌxlokꞌoni li yi̱banbil dios oro li quixakaba̱c xban li rey Nabucodonosor. Chixjunileb queꞌxcuikꞌib rib chiru, aꞌ yal bar xtenamiteb ut aꞌ yal chanru ra̱tinoba̱leb.

Daniel 8:17

Laj Gabriel quijiloc ut quixakli chincꞌatk. Cꞌajoꞌ nak quinxucuac ut quincut cuib saꞌ chꞌochꞌ. Ut quixye cue: —At ralal cui̱nk, chatauhak taxak ru xban nak li xacuil saꞌ li visión, aꞌan talajeꞌcꞌulma̱nk saꞌ rosoꞌjiqueb li cutan, chan.