Daniel 2:40 - Li Santil hu

⁴⁰ Ut li hierro, aꞌan retalil li xca̱ xnimal ru tenamit li kꞌaxal nim xcuanquil. Chanchan ajcuiꞌ li hierro xban nak kꞌaxal cauhak rib chiruheb ut aꞌan ta̱isi̱nk xcuanquileb chixjunileb li jun chꞌol chic.

Q'eqchi Bible

⁴⁰ “Moqon chik taawakliiq chaq jun xka awab'ejihom, jwal kawaq rib' jo' li ch'iich'. Kama' li ch'iich' naxputz'i ut naxke' chixjunil, jo'kan ajwi' tixb'aanu li awab'ejihom a'an reheb' chixjunil li tenamit.

Daniel 2:40 ပူးပေါင်းရင်းမြစ်များ

Daniel 7:7

Ut chirix aꞌan, quicuil saꞌ lin matcꞌ li xca̱ xul. Kꞌaxal yibru ut xiu xiu rilbal ut kꞌaxal cau rib. Ut riqꞌuin li ruch re hierro, quixtꞌupi li quixchap ut quixcꞌux ut li joꞌ qꞌuial incꞌaꞌ quixchoy xtiubal quixyekꞌi saꞌ rok. Li xul aꞌin jalan chiru li quicuil xbe̱n cua ut li jun aꞌin cuan laje̱b lix xucub.

San Juan 11:48

Cui takacanab chi joꞌcan, chixjunileb li tenamit teꞌpa̱ba̱nk re. Ut teꞌjoskꞌokꞌ kiqꞌuin eb laj Roma li nequeꞌtaklan saꞌ kabe̱n. Teꞌxjucꞌ li katemplo ut teꞌxsach li katenamit, chanqueb.

Amós 1:3

Joꞌcaꞌin quixye li Ka̱cuaꞌ: —Nabal sut ac xincuy xma̱queb laj Damasco. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal li yo̱queb chixba̱nunquil. Queꞌxrahobtesiheb laj Israel li cuanqueb Galaad. Chanchan tenbileb riqꞌuin chꞌi̱chꞌ joꞌ nequeꞌxba̱nu riqꞌuin li trigo nak queꞌxrahobtesiheb laj Israel.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Daniel 8:24

Ta̱nima̱nk xcuanquil, abanan moco xcuanquil ta xjunes li rey; xcuanquil ban laj tza. Chixjunil li ma̱usilal tixba̱nu, us ta̱e̱lk chiru ut tixsacheb nabaleb li cuanqueb xcuanquil ut tixsacheb ajcuiꞌ li ralal xcꞌajol li Dios.

Daniel 2:33

Lix tzelec yi̱banbil riqꞌuin hierro, ut li rok yijach hierro ut yijach cꞌatbil saklun.

Jeremías 15:12

¿Ma cuan ta biꞌ junak ta̱numta̱k chiruheb li tenamit li cuan saꞌ li norte, li chanchan li chꞌi̱chꞌ hierro ut bronce?—

Li xHu LAJ JOB 9:17

Tixtakla chak nabal li raylal saꞌ inbe̱n. Chanchan nak nachal li ca̱k-sut-ikꞌ. Ut kꞌaxal raj cuiꞌchic ta̱nima̱nk li raylal li yo̱quin chixcꞌulbal chi ma̱cꞌaꞌ inma̱c.

Daniel 2:39

Li plata aꞌan retalil jun chic xnimal ru tenamit cua̱nk xcuanquil, abanan incꞌaꞌ tixtau a̱cuanquil la̱at. Ut li bronce, aꞌan retalil li rox xnimal ru tenamit li ta̱cua̱nk xcuanquil saꞌ xbe̱n chixjunil li ruchichꞌochꞌ.

Daniel 2:41

Ut xacuil ajcuiꞌ nak yijach li rok li jalam u̱ch hierro ut yijach saklun. Aꞌan retalil nak li xca̱ xnimal ru tenamit jachbilak ru lix cuanquilal joꞌ xacuil nak li rok yi̱banbil riqꞌuin hierro ut saklun.