Daniel 2:39 - Li Santil hu

³⁹ Li plata aꞌan retalil jun chic xnimal ru tenamit cua̱nk xcuanquil, abanan incꞌaꞌ tixtau a̱cuanquil la̱at. Ut li bronce, aꞌan retalil li rox xnimal ru tenamit li ta̱cua̱nk xcuanquil saꞌ xbe̱n chixjunil li ruchichꞌochꞌ.

Q'eqchi Bible

³⁹ “Moqon chik taawakliiq chaq jun chik awab'ejihom, ab'an kub'enaqaq xwankil chawu, ut chirix a'an taawanq jun rox awab'ejihom, jo' li q'anch'iich', li taataqlanq sa' xb'een chixjunil li ruuchich'och'.

Daniel 2:39 ပူးပေါင်းရင်းမြစ်များ

Daniel 2:32

Lix jolom li jalam u̱ch yi̱banbil riqꞌuin oro, li re xchꞌo̱l ut lix tel yi̱banbil riqꞌuin plata, li ru xsaꞌ ut li raꞌ yi̱banbil riqꞌuin bronce.

Isaías 44:28

Nak la̱in tinye re laj Ciro nak aꞌan ta̱cꞌanjelak chicuu, laj Ciro tixba̱nu li cꞌaꞌru nacuaj toj retal nak tixye nak li tenamit Jerusalén ta̱yi̱ba̱k cuiꞌchic. Ut tixye ajcuiꞌ nak li templo ta̱yi̱ba̱k cuiꞌchic, chan li Ka̱cuaꞌ.

Daniel 10:20

Ut aꞌan quixye cue: —¿Ma nacanau cꞌaꞌru aj e nak xinchal a̱cuiqꞌuin? La̱in xinchal chixcꞌutbesinquil cha̱cuu li cꞌaꞌru ta̱cꞌulma̱nk. Anakcuan tento nak tinxic cuiꞌchic aran Persia chi pletic riqꞌuin li jun li nataklan saꞌ xbe̱neb. Nak acak xinrakeꞌ chi pletic riqꞌuin aꞌan, ta̱cha̱lk li jun li nataklan saꞌ xbe̱neb laj Grecia.

Daniel 8:20

Li carner cuib xxucub li xacuil, aꞌan retalileb li cuib chi cui̱nk li teꞌoc chokꞌ xreyeb laj Medo ut eb laj Persia.

Zacarías 6:6

Li carruaje li quelonbil xbaneb li cacua̱y kꞌek rixeb yo̱queb chi xic saꞌ li norte, ut li carruaje li quelonbil xbaneb li cacua̱y sak rixeb yo̱queb chi xic saꞌ li oeste li na-oc cuiꞌ li sakꞌe ut li quelonbil xbaneb li repex rixeb yo̱queb chi xic saꞌ li sur.—

Zacarías 6:3

Ut li rox carruaje, aꞌan quelonbil xbaneb li cacua̱y sak rixeb; ut li xca̱, quelonbil xbaneb li cacua̱y repex rixeb.

Daniel 7:23

Quixye cue: —Li xca̱ xul li xacuil, aꞌan retalil li xca̱ cuanquilal li ta̱cua̱nk saꞌ ruchichꞌochꞌ. Aꞌan jalan chiruheb chixjunileb li jun chꞌol chic. Ta̱numta̱k saꞌ xbe̱neb chixjunileb li cuanqueb saꞌ ruchichꞌochꞌ. Tixrahobtesiheb li tenamit ut tixyekꞌiheb saꞌ rok.

Daniel 2:38

Ut quixqꞌue la̱ cuanquil saꞌ xbe̱neb chixjunileb li cuanqueb saꞌ ruchichꞌochꞌ, joꞌqueb ajcuiꞌ li xul saꞌ ruchichꞌochꞌ ut li xul li nequeꞌrupupic chiru choxa. Quixkꞌaxtesi chixjunil saꞌ a̱cuukꞌ la̱at ut quixqꞌue a̱cuanquil saꞌ xbe̱n chixjunil. Lix jolom oro li jalam u̱ch li xacuil, aꞌan la̱at.

Daniel 2:40

Ut li hierro, aꞌan retalil li xca̱ xnimal ru tenamit li kꞌaxal nim xcuanquil. Chanchan ajcuiꞌ li hierro xban nak kꞌaxal cauhak rib chiruheb ut aꞌan ta̱isi̱nk xcuanquileb chixjunileb li jun chꞌol chic.

Daniel 8:21

Ut li te̱lom chiba̱t, aꞌan retalil lix reyeb laj Grecia ut li nimla xucub li cuan saꞌ xbe̱n li xnakꞌ ru, aꞌan retalil li xbe̱n rey.