Daniel 2:30 - Li Santil hu

³⁰ Ut quicꞌutbesi̱c chicuu la̱in. Ma̱cuaꞌ xban nak kꞌaxal nabal innaꞌleb chiruheb lix naꞌlebeb li jun chꞌol chic. Quicꞌutbesi̱c ban chicuu re nak la̱in tinye a̱cue, at rey, cꞌaꞌru naxye la̱ matcꞌ, ut re ajcuiꞌ nak ta̱tau ru li cꞌaꞌru yo̱ cuiꞌ a̱cꞌaꞌux.

Q'eqchi Bible

³⁰ Laa'in ajwi' xk'utb'esiik chiwu li tz'aptz'ookil na'leb' a'in: moko xb'aan ta naq q'axal naab'al inna'leb' chiru chixjunileb' li poyanam, yal re b'an xch'olob'ankil chawu li xyaalalil, at awab'ej, ut re ajwi' taataw ru li k'aru yo wi' laak'a'uxl.

Daniel 2:30 ပူးပေါင်းရင်းမြစ်များ

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Hechos 3:12

Nak laj Pedro quirileb, quixye reheb: —La̱ex aj Israel, ¿cꞌaꞌut nak sachso e̱chꞌo̱l nequexcana xban li cꞌaꞌru xcꞌulman? ¿Cꞌaꞌut nak yo̱quex chikilbal? ¿Ma nequecꞌoxla la̱ex nak la̱o xkaqꞌuirtesi li cui̱nk aꞌin kajunes? ¿Ma xban ta biꞌ kacuanquil ut li kacha̱bilal nak xkaqꞌue chi be̱c li cui̱nk aꞌin?

2 Corintios 4:15

Chixjunil li raylal nakacꞌul, aꞌan re e̱ra̱bal la̱ex re nak te̱cꞌul li rusilal li Dios. Cui nabaleb teꞌcꞌuluk re li rusilal li Dios, nabaleb ajcuiꞌ teꞌbantioxi̱nk chiru li Dios ut teꞌxqꞌue xlokꞌal.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

San Marcos 13:20

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbaleb li cutan aꞌan ma̱ ani raj ta̱colekꞌ. Abanan nim xrahom li Ka̱cuaꞌ saꞌ xbe̱neb li sicꞌbileb ru xban. Joꞌcan nak cuan saꞌ xchꞌo̱l li Ka̱cuaꞌ xrakbal eb li cutan aꞌan re nak teꞌcolekꞌ.

San Mateo 24:22

Cui ta ma̱cꞌaꞌ saꞌ xchꞌo̱l li Ka̱cuaꞌ xrakbal ruheb li cutan aꞌan, ma̱ ani raj ta̱cana̱k chi yoꞌyo saꞌ ruchichꞌochꞌ. Joꞌcan nak li Ka̱cuaꞌ tixse̱ba xrakbal ruheb li cutan aꞌan saꞌ xcꞌabaꞌeb li sicꞌbileb ru.

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Daniel 2:49

Laj Daniel quixtzꞌa̱ma chiru li rey nak teꞌqꞌuehekꞌ chi cꞌanjelac saꞌ li tenamit Babilonia laj Sadrac, laj Mesac, ut laj Abed-nego. Yal xban nak joꞌcan quixtzꞌa̱ma laj Daniel, joꞌcan nak queꞌqꞌueheꞌ saꞌ xcuanquileb. Ut laj Daniel aꞌan li kꞌaxal nim xcuanquil saꞌ xya̱nkeb li nequeꞌtaklan saꞌ xbe̱n li tenamit.

Daniel 1:17

Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Isaías 45:4

Saꞌ xcꞌabaꞌ laj Jacob laj cꞌanjel chicuu, ut saꞌ xcꞌabaꞌeb lin tenamit Israel, xinsicꞌ a̱cuu re ta̱tenkꞌaheb lin tenamit. Xinqꞌue a̱lokꞌal usta la̱at incꞌaꞌ nacanau cuu.

Salmos 139:2

La̱at nacacuil chixjunil li ninba̱nu. Usta najt cuanquin, la̱at nacanau chixjunil li yo̱quin chixcꞌoxlanquil.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.