Daniel 2:29 - Li Santil hu

²⁹ At rey, nak cuancat saꞌ la̱ chꞌa̱t yo̱cat chi cꞌoxlac chirix li cꞌaꞌru ta̱cꞌulma̱nk saꞌ eb li cutan teꞌcha̱lk. Ut li Dios, li nacꞌutbesin re li cꞌaꞌru incꞌaꞌ nanauman, aꞌan quixcꞌutbesi cha̱cuu li cꞌaꞌru ta̱cꞌulma̱nk.

Q'eqchi Bible

²⁹ “At awab'ej, naq wankat chaq sa' laach'aat, yookat chi k'oxlak chirix li taak'ulmanq sa'eb' li kutan chaalel. Ut li Yos li nakutanob'resink re li muqmuukil na'leb' xk'utb'esi chawu li k'aru taak'ulmanq.

Daniel 2:29 ပူးပေါင်းရင်းမြစ်များ

Daniel 2:28

Abanan cuan jun Dios saꞌ choxa. Aꞌan li nacꞌutbesin re li cꞌaꞌru incꞌaꞌ nanauman ut aꞌan ajcuiꞌ li ta̱cꞌutbesi̱nk re cha̱cuu, at rey Nabucodonosor, cꞌaꞌru ta̱cꞌulma̱nk saꞌ eb li cutan cha̱lel. La̱in tinye a̱cue cꞌaꞌru la̱ matcꞌ ut cꞌaꞌru li cacuil nak cuancat saꞌ la̱ chꞌa̱t.

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Daniel 2:22

Aꞌan naxcꞌutbesi chiku li incꞌaꞌ nakatau ru ut li chꞌaꞌaj xtaubal ru. Aꞌan naxnau chixjunil li cꞌaꞌak re ru incꞌaꞌ nakanau la̱o. Chixjunil cutan saken chiru aꞌan.

Ezequiel 38:10

Joꞌcaꞌin xye li nimajcual Dios a̱cue, at Gog: nak ta̱cuulak xkꞌehil nak tatxic chi pletic, ta̱cꞌoxla ut ta̱cꞌu̱b ru cꞌaꞌru li incꞌaꞌ us ta̱ba̱nu.

Génesis 41:25

Tojoꞌnak laj José quixye re laj faraón: —Li cuib la̱ matcꞌ juntakꞌe̱t lix ya̱lal. Li Ka̱cuaꞌ Dios yo̱ chixcꞌutbal cha̱cuu li cꞌaꞌru tixba̱nu.

Daniel 2:23

At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

Daniel 2:45

La̱at xacuil chanru nak li pec qui-el saꞌ li u̱l chi ma̱ ani xcutuc re. Xacuil ajcuiꞌ chanru nak quimuchꞌeꞌ li jalam u̱ch yi̱banbil riqꞌuin hierro, bronce, saklun, plata ut oro. At rey, li nimajcual Dios yo̱ chixyebal a̱cue cꞌaꞌru ta̱cꞌulma̱nk saꞌ eb li cutan cha̱lel. La̱in xinye a̱cue cꞌaꞌru la̱ matcꞌ ut xinye ajcuiꞌ a̱cue cꞌaꞌru lix ya̱lal, chan laj Daniel.