Daniel 2:23 - Li Santil hu

²³ At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

Q'eqchi Bible

²³ Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.

Daniel 2:23 ပူးပေါင်းရင်းမြစ်များ

Daniel 2:18

Quixye reheb nak teꞌtijok ut teꞌtzꞌa̱ma̱nk chiru li Dios cuan saꞌ choxa re nak li Dios ta̱ruxta̱na ruheb ut tixcꞌut chiru laj Daniel cꞌaꞌru xya̱lal lix matcꞌ li rey re nak incꞌaꞌ teꞌcamsi̱k rochbeneb laj qꞌuehol naꞌleb re Babilonia.

Éxodo 3:15

Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

San Lucas 10:21

Saꞌ li ho̱nal aꞌan li Jesús quirecꞌa xsahil xchꞌo̱l xban li Santil Musikꞌej. Quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chiruheb li tzolbileb ut li cuanqueb xnaꞌleb. Ut xacꞌut lix ya̱lal chiruheb li cubenakeb xcuanquil. Chanchaneb cocꞌal. Xaba̱nu chi joꞌcan xban nak joꞌcan xcuulac cha̱cuu la̱at, chan li Jesús nak quitijoc.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Daniel 1:17

Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Salmos 50:14

Li mayej li nacuaj la̱in, aꞌan nak tine̱lokꞌoni, la̱in li Ka̱cuaꞌ Dios. Ut te̱ba̱nu chi tzꞌakal li cꞌaꞌru xeyechiꞌi cue la̱in, li nimajcual Dios.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

Apocalipsis 1:1

Li tzꞌi̱banbil saꞌ li hu aꞌin quicꞌutbesi̱c chiru li Jesucristo xban li Dios. Quixcꞌutbesi chiru li Jesucristo re nak aꞌan chic ta̱cꞌutbesi̱nk re chiruheb laj pa̱banel li cꞌaꞌru ta̱cꞌulma̱nk chi se̱b. Joꞌcan nak li Jesucristo quixtakla lix ángel chixcꞌutbesinquil aꞌin chiru laj Juan laj cꞌanjel chiru.

San Juan 11:41

Ut queꞌrisi li pec chire li mukleba̱l li queꞌxqꞌue cuiꞌ li camenak. Li Jesús qui-iloc takecꞌ ut quitijoc. Quixye: —At inYucuaꞌ, ninbantioxi cha̱cuu nak nacacuabi li cꞌaꞌru nintzꞌa̱ma cha̱cuu.

Eclesiastés 9:18

Kꞌaxal us nak cua̱nk kanaꞌleb chiru nak cua̱nk kacꞌanjeleba̱l re pletic. Li ani incꞌaꞌ us xnaꞌleb naxpoꞌ ru li us.

Eclesiastés 7:19

Li ani cuan xnaꞌleb naqꞌueheꞌ xcacuilal xban lix naꞌleb ut cau rib chiru laje̱b chi cui̱nk li cuanqueb xcuanquil.

Proverbios 24:5

Kꞌaxal us nak cua̱nk xnaꞌleb chiru nak cua̱nk xcuanquil.

Proverbios 21:22

Li ani cuan xnaꞌleb nare̱chani jun li tenamit cau rib ut naxpoꞌi li tzꞌac li sutsu cuiꞌ, li cꞌojcꞌo̱queb cuiꞌ raj xchꞌo̱leb li tenamit.

Proverbios 8:14

La̱in ninnau cꞌoxlac chi us. La̱in ninqꞌuehoc naꞌleb ut la̱in ninxakaban reheb saꞌ xcuanquil. Ut la̱in ajcuiꞌ ninqꞌuehoc se̱bal chꞌo̱lej.

2 Crónicas 20:6

Ut quixye: —At Ka̱cuaꞌ, at kaDios, la̱at lix Dioseb li kaxeꞌto̱nil yucuaꞌ. ¿Ma ma̱cuaꞌ ta biꞌ la̱at li Dios li cuancat saꞌ choxa? ¿Ma ma̱cuaꞌ ta biꞌ la̱at li nacattaklan saꞌ xbe̱neb chixjunileb li xni̱nkal tenamit? Saꞌ a̱cuukꞌ la̱at cuan li metzꞌe̱u ut li cuanquilal. Ma̱ ani naru ta̱numta̱k cha̱cuu.

1 Crónicas 29:13

Joꞌcan ut nak la̱o nakanima a̱cuu ut nakaqꞌue xlokꞌal la̱ santil cꞌabaꞌ, at Ka̱cuaꞌ, at kaDios.

1 Crónicas 29:10

Joꞌcan ajcuiꞌ li rey David. Cꞌajoꞌ nak quisahoꞌ saꞌ xchꞌo̱l. Ut quixlokꞌoni li Ka̱cuaꞌ Dios chiruheb chixjunileb li chꞌutchꞌu̱queb aran ut quixye: —Lokꞌoninbilat taxak, at nimajcual Dios. La̱at lix Dios laj Israel li kaxeꞌto̱nil yucuaꞌ chalen chak junxil ut toj chalen anakcuan.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.

1 Reyes 8:57

Chicua̱nk taxak li Ka̱cuaꞌ kiqꞌuin joꞌ nak quicuan chak riqꞌuineb li kaxeꞌto̱nil yucuaꞌ. Ut incꞌaꞌ taxak toxtzꞌekta̱na chi moco toxcanab kajunes.

Génesis 18:17

Tojoꞌnak li Ka̱cuaꞌ Dios quixye saꞌ xchꞌo̱l: —Incꞌaꞌ tinmuk chiru laj Abraham li cꞌaꞌru tinba̱nu.

San Juan 15:15

La̱ex ma̱cuaꞌakex chic yal aj cꞌanjel xban nak junak laj cꞌanjel incꞌaꞌ naxnau cꞌaꞌru yo̱ lix patrón. Abanan la̱in xinye e̱re chixjunil li naxye cue lin Yucuaꞌ. Aꞌan naxcꞌut nak raro̱quex inban.

Eclesiastés 9:16

Nak ninqꞌue retal aꞌin la̱in ninye nak kꞌaxal us nak cua̱nk kanaꞌleb chiru nak cauhak kib. Abanan eb aꞌan queꞌxtzꞌekta̱na lix naꞌleb li cui̱nk aꞌan yal xban nak nebaꞌ ut incꞌaꞌ queꞌrabi li cꞌaꞌru quixye.

Génesis 31:42

Relic chi ya̱l li Ka̱cuaꞌ Dios xinixtenkꞌa. Aꞌan li Ka̱cuaꞌ Dios li quixlokꞌoni laj Abraham joꞌ ajcuiꞌ laj Isaac lin yucuaꞌ. Cui ta incꞌaꞌ xinixtenkꞌa li Ka̱cuaꞌ Dios, xina̱takla raj chak chi ma̱cꞌaꞌ cꞌaꞌru cue. Li Ka̱cuaꞌ Dios quiril xtokꞌoba̱l cuu ut aꞌan naxnau chanru nak xintrabajic a̱cuiqꞌuin. Xban aꞌan li Ka̱cuaꞌ Dios xatxkꞌus chi kꞌek, chan laj Jacob re laj Labán.

Salmos 21:2

Xasume chak li cꞌaꞌru xtzꞌa̱ma cha̱cuu. Ma̱cꞌaꞌ cꞌaꞌru xtzꞌa̱ma cha̱cuu incꞌaꞌ ta xaqꞌue.

Salmos 21:4

Nak xtzꞌa̱ma xyuꞌam a̱cue, xaqꞌue lix yuꞌam chi najt ru ut xaqꞌue ajcuiꞌ lix yuꞌam chi junelic.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.