Daniel 2:22 - Li Santil hu

²² Aꞌan naxcꞌutbesi chiku li incꞌaꞌ nakatau ru ut li chꞌaꞌaj xtaubal ru. Aꞌan naxnau chixjunil li cꞌaꞌak re ru incꞌaꞌ nakanau la̱o. Chixjunil cutan saken chiru aꞌan.

Q'eqchi Bible

²² A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Daniel 2:22 ပူးပေါင်းရင်းမြစ်များ

Li xHu LAJ JOB 12:22

Aꞌan naxqꞌue chi naꞌecꞌ li cꞌaꞌru incꞌaꞌ nanauman. Li cꞌaꞌru cuan chi mukmu aꞌan naxqꞌue chi cutanquil.

1 Juan 1:5

Aꞌan aꞌin li a̱tin quikabi riqꞌuin li Jesucristo. Ut aꞌan li nakachꞌolob xya̱lal che̱ru. Li Dios, aꞌan li cutan saken. Riqꞌuin li Dios ma̱cꞌaꞌ kꞌojyi̱n. Ti̱c ban xchꞌo̱l li Dios. Relic chi ya̱l nak ma̱cꞌaꞌ ma̱usilal riqꞌuin.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

1 Timoteo 6:16

Li Dios yoꞌyo chi junelic. Ma̱cꞌaꞌ xticlajic ut ma̱cꞌaꞌ rosoꞌjic. Aꞌan cutan saken chi junelic ut ma̱ ani naru na-oc riqꞌuin xban nak kꞌaxal lokꞌ. Incꞌaꞌ ilbil ru chi moco na-ileꞌ ru saꞌ ruchichꞌochꞌ. Chikaqꞌuehak taxak xlokꞌal ut chikalokꞌonihak taxak xban nak kꞌaxal nim lix cuanquilal anakcuan ut chi junelic. Joꞌcan taxak.

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

Salmos 36:9

La̱at nacatqꞌuehoc li kayuꞌam chi junelic. Ut la̱at nacatcutanobresin re li kacꞌaꞌux.

Daniel 2:11

Li cꞌaꞌru nacapatzꞌ, at rey, kꞌaxal chꞌaꞌaj xsumenquil. Ma̱ ani naru ta̱yehok a̱cue li cꞌaꞌru nacacuaj xnaubal. Caꞌaj eb cuiꞌ li kadios nequeꞌnaꞌoc re aꞌan; abanan ma̱ aniheb saꞌ kaya̱nk xban nak eb aꞌan incꞌaꞌ nequeꞌcuan saꞌ xya̱nkeb yal cui̱nk, chanqueb.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

Efesios 3:5

Junxil ma̱ ani nataꞌoc ru lix ya̱lal li mukmu nak quicuan chak. Abanan anakcuan li Santil Musikꞌej quixcꞌut lix ya̱lal chiruheb li profeta ut chiku ajcuiꞌ la̱o lix apóstol.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

Isaías 41:22

Quimkex ut yehomak ke li cꞌaꞌru ta̱cha̱lk chiku mokon. Yehomak ke cꞌaꞌru quicꞌulman saꞌ xticlajic ut la̱o takaqꞌue kachꞌo̱l chixtaubal ru. Yehomak ke li cꞌaꞌru ta̱cꞌulma̱nk mokon re nak ac takanau.

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

Li xHu LAJ JOB 26:6

Lix naꞌajeb li camenak moco mukmu ta nak cuan chiru li Dios. Chiru aꞌan ma̱cꞌaꞌ mukmu.

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

San Juan 1:9

Aꞌan li tzꞌakal cutan saken li quicꞌulun saꞌ ruchichꞌochꞌ chixcutanobresinquil xcꞌaꞌuxeb chixjunileb li cristian.

San Mateo 13:13

Joꞌcan nak nina̱tinac riqꞌuineb saꞌ jaljo̱quil ru a̱tin xban nak usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal.

Daniel 5:14

—La̱in xcuabi resil nak qꞌuebil a̱naꞌleb xbaneb la̱ dios. Xcuabi resil nak cutan saken cha̱cuu li cꞌaꞌak re ru ut cuan a̱naꞌleb chixtaubal ru li cꞌaꞌru chꞌaꞌaj xtaubal ru.

Isaías 42:9

Li cꞌaꞌru quinye chak junxil qui-uxman. Anakcuan tinye e̱re cꞌaꞌru ta̱uxma̱nk. Tinye e̱re nak toj ma̱jiꞌ nacꞌulman, chan li Ka̱cuaꞌ.

Isaías 41:26

¿Ani quiyehoc chak ke resil aꞌin chalen saꞌ xticlajic re takanau lix ya̱lal? ¿Ani quiyehoc ke li naꞌleb aꞌin re nak takaye, “Ya̱l li cꞌaꞌru naxye?” Ma̱ ani quiyehoc re. Ma̱ ani quiyehoc ke cꞌaꞌru ta̱cꞌulma̱nk. Ma̱ ani qui-abin re.

Génesis 41:16

Ut laj José quixye re: —La̱in injunes incꞌaꞌ naru tinye cꞌaꞌru xya̱lal la̱ matcꞌ. Caꞌaj cuiꞌ li Ka̱cuaꞌ Dios nanaꞌoc re lix ya̱lal. Aꞌan ta̱tenkꞌa̱nk cue xtaubal ru xya̱lal la̱ matcꞌ, at faraón, re nak ta̱cꞌojla̱k a̱chꞌo̱l, chan laj José.

Daniel 2:19

Ut saꞌ ajcuiꞌ li kꞌojyi̱n aꞌan, li Dios quixcꞌutbesi chiru laj Daniel cꞌaꞌru lix matcꞌ li rey ut cꞌaꞌru lix ya̱lal. Ut laj Daniel quixlokꞌoni li Dios cuan saꞌ choxa.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Deuteronomio 29:28

Xban nak quinumta xjoskꞌil li Ka̱cuaꞌ saꞌ xbe̱neb, joꞌcan nak li Ka̱cuaꞌ quirisiheb saꞌ li naꞌajej aꞌin. Xban xjoskꞌil quixtaklaheb saꞌ jalan naꞌajej li cuanqueb cuiꞌ toj chalen anakcuan,” chuꞌuxk reheb.

Eclesiastés 8:1

Ma̱ ani ta̱ru̱k tixjuntakꞌe̱ta rib riqꞌuin li cuan xnaꞌleb. Li ani cuan xnaꞌleb naxnau cꞌaꞌut nak nacꞌulman li cꞌaꞌak re ru saꞌ ruchichꞌochꞌ. Lix naꞌleb naxqꞌue chi sahocꞌ lix chꞌo̱l ut najala li riloba̱l xban nak sa chic saꞌ xchꞌo̱l.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.