Daniel 2:21 - Li Santil hu

²¹ Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Q'eqchi Bible

²¹ Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Daniel 2:21 ပူးပေါင်းရင်းမြစ်များ

Daniel 4:17

Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Daniel 4:32

—Tat-isi̱k saꞌ xya̱nkeb li tenamit ut saꞌ pim chic tatcua̱nk saꞌ xya̱nkeb li xul. Cuukub chihab ta̱cuaꞌ li pim joꞌqueb li bo̱yx. Tatcua̱nk saꞌ pim toj ta̱qꞌue retal nak li nimajcual Dios, aꞌan li kꞌaxal nim xcuanquil saꞌ xbe̱neb li cuanqueb xcuanquil saꞌ ruchichꞌochꞌ. Ut aꞌan naxqꞌue xcuanquil li ani naraj xqꞌuebal xcuanquil, chan li ángel.

Li xHu LAJ JOB 12:18

Narisiheb saꞌ xcuanquileb li rey ut aꞌan ajcuiꞌ naba̱nun re nak teꞌcꞌamekꞌ chi pre̱xil chi ma̱cꞌaꞌ cuan reheb.

1 Reyes 4:29

Kꞌaxal nabal lix naꞌleb laj Salomón quiqꞌueheꞌ re xban li Dios. Chanchan xqꞌuial li samaib chire li palau. Naxnau xcꞌoxlanquil li cꞌaꞌru naxba̱nu ut chixjunil naxtau ru.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

1 Reyes 3:28

Nak eb laj Israel queꞌrabi resil li cꞌaꞌru quixba̱nu li rey, chixjunileb queꞌxqꞌue saꞌ xnakꞌ ruheb. Queꞌxqꞌue retal nak li Ka̱cuaꞌ quiqꞌuehoc xnaꞌleb re nak ta̱rakok a̱tin saꞌ ti̱quilal.

Éxodo 31:3

La̱in xinqꞌue lin musikꞌ re ut xinqꞌue xnaꞌleb re xjolominquil li cꞌanjel aꞌin. Cuan xnaꞌleb ut naxnau xcꞌoxlanquil chanru tixyi̱b chixjunil chi cha̱bil.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

Daniel 2:9

Cui incꞌaꞌ te̱ye cue cꞌaꞌru lin matcꞌ, juntakꞌe̱t li te̱cꞌul che̱junilex. La̱ex ac xecꞌu̱b e̱rib chi ribil e̱rib nak texticꞌtiꞌik chicuu yal re roybeninquil nak ta̱numekꞌ li cutan. Yehomak biꞌ cue cꞌaꞌru xinmatqꞌue re nak tinnau nak naru te̱ye cue li cꞌaꞌru naxye, chan.

1 Crónicas 22:12

Li Ka̱cuaꞌ taxak chitenkꞌa̱nk a̱cue ut chixqꞌuehak taxak la̱ naꞌleb re nak ta̱ba̱nu chixjunil li naxye saꞌ li chakꞌrab nak tatxqꞌue chi takla̱nc saꞌ xbe̱neb laj Israel.

1 Reyes 10:24

Chixjunileb li cristian li cuanqueb saꞌ ruchichꞌochꞌ queꞌraj xnaubal ru laj Salomón. Ut queꞌraj rabinquil li naꞌleb li qꞌuebil re xban li Dios.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Daniel 11:6

Nak acak xnumeꞌ cuib oxib chihab teꞌxba̱nu jun li contrato. Lix rabin li rey li cuan saꞌ li sur ta̱sumla̱k riqꞌuin li rey li cuan saꞌ li norte (Siria) yal re nak teꞌxcꞌam rib saꞌ usilal li cuib chi tenamit. Abanan incꞌaꞌ najt teꞌcua̱nk saꞌ usilal. Li rey li cuan saꞌ li norte tixkꞌet li contrato ut incꞌaꞌ ta̱rabi ra̱tin li rixakil xban nak li ixakilbej ma̱cꞌaꞌak xcuanquil chiru. Joꞌcan nak ta̱camsi̱k li ixakilbej rochben lix yum ut rochbeneb ajcuiꞌ li quixcꞌameb chirix nak co̱ aran saꞌ li norte, ut ta̱camsi̱k ajcuiꞌ lix be̱lom.

1 Crónicas 29:30

Tzꞌi̱banbil retalil chanru nak quitaklan ut chanru lix cuanquil li rey David. Ut tzꞌi̱banbil ajcuiꞌ retalil li cꞌaꞌru quixcꞌul aꞌan joꞌ eb ajcuiꞌ laj Israel. Ut tzꞌi̱banbil retalil li cꞌaꞌru queꞌxcꞌul eb li jalan tenamit.

Éxodo 31:6

Ut xinsicꞌ ajcuiꞌ ru laj Aholiab chixtenkꞌanquil laj Bezaleel. Laj Aholiab, aꞌan li ralal laj Ahisamac xcomoneb li ralal xcꞌajol laj Dan. Ut xinqꞌue ajcuiꞌ xnaꞌlebeb ut xcacuilal xchꞌo̱leb chixjunileb li teꞌcꞌanjelak re nak teꞌxba̱nu chixjunil li cꞌaꞌru xinye a̱cue.

Ester 1:13

Xban nak yo̱ xjoskꞌil li rey quipatzꞌoc reheb li cuanqueb xnaꞌleb cꞌaꞌru us xba̱nunquil. Saꞌ eb li cutan aꞌan cꞌaynakeb li rey chixpatzꞌbal xnaꞌlebeb riqꞌuineb li nequeꞌxnau li chakꞌrab.

Romanos 13:1

Chexpa̱ba̱nk chiruheb li nequeꞌtaklan saꞌ xbe̱n li tenamit. Ma̱ ani cuan xcuanquil chi takla̱nc cui incꞌaꞌ ta qꞌuebil re xban li Dios. Eb li cuanqueb xcuanquil saꞌ xbe̱n li tenamit, aꞌ li Dios quixakaban reheb.

Daniel 1:17

Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Daniel 2:20

Ut quixye: —Lokꞌoninbil taxak li Ka̱cuaꞌ Dios chi junelic kꞌe cutan xban nak aꞌan li kꞌaxal nim xcuanquil ut aꞌan naxnau chixjunil.

Daniel 2:23

At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Daniel 4:14

Ut chi cau xya̱b xcux li ángel quixye, “Yocꞌ li cheꞌ aꞌan. Yocꞌ ajcuiꞌ li rukꞌ ut isi lix xak ut tzꞌek li ru. Yolesiheb li xul li cuanqueb rubel joꞌqueb ajcuiꞌ li cuanqueb saꞌ eb li rukꞌ.

Daniel 4:22

At rey, li cheꞌ li cacuil li kꞌaxal najt xteram ut cau rib, aꞌan la̱at. Quinumta la̱ cuanquil. Chanchan nak xcuulac toj saꞌ choxa. Ut cuan a̱cuanquil saꞌ xbe̱neb chixjunileb li cuanqueb saꞌ ruchichꞌochꞌ.