Daniel 2:12 - Li Santil hu

¹² Ut cꞌajoꞌ nak quijoskꞌoꞌ li rey ut quixtakla xcamsinquil chixjunileb laj qꞌuehol naꞌleb li cuanqueb Babilonia.

Q'eqchi Bible

¹² Toja' naq li awab'ej k'ajo' naq kichalk xjosq'il ut kixye naq che'kamsiiq chixjunileb' laj k'ehol na'leb' sa' xteepal Babilonia.

Daniel 2:12 ပူးပေါင်းရင်းမြစ်များ

Daniel 3:13

Nak quirabi aꞌan cꞌajoꞌ nak quijoskꞌoꞌ li rey Nabucodonosor ut quixtakla xcꞌambaleb laj Sadrac, laj Mesac ut laj Abed-nego. Ut saꞌ ajcuiꞌ li ho̱nal aꞌan queꞌcꞌameꞌ chiru li rey.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Daniel 3:19

Ut li rey cꞌajoꞌ nak quipoꞌ riqꞌuineb. Quicakoꞌ li ru xban xjoskꞌil saꞌ xbe̱neb laj Sadrac, laj Mesac ut laj Abed-nego. Ut quixtakla xtikcuasinquil li xam. Cuukub sut chic xtikcual li xam queꞌxqꞌue chiru li ac cꞌaynakeb xba̱nunquil.

Salmos 76:10

Relic chi ya̱l lix joskꞌil li cui̱nk ta̱sukꞌi̱k chokꞌ re xqꞌuebal a̱lokꞌal. Li joꞌ qꞌuialeb chic li incꞌaꞌ teꞌca̱mk saꞌ li ple̱t teꞌxqꞌue retal nak nim a̱cuanquil ut teꞌxqꞌue a̱lokꞌal.

Daniel 2:5

Quichakꞌoc li rey ut quixye reheb laj Caldea: —Xsach saꞌ inchꞌo̱l lin matcꞌ. Cui la̱ex incꞌaꞌ te̱ye cue cꞌaꞌru lin matcꞌ ut cꞌaꞌru naxye, texpedasi̱k ut ta̱jucꞌma̱nk le̱ rochoch.

Proverbios 29:22

Li ani chꞌinpoꞌ naxyoꞌob ra xi̱cꞌ. Ut li ani najoskꞌoꞌ, nabal sut nama̱cob.

Proverbios 20:2

Nak najoskꞌoꞌ li rey, aꞌan chanchan nak najoskꞌoꞌ li cakcoj. Li ani naxchikꞌ xjoskꞌil li rey naxqꞌue xyuꞌam saꞌ xiu.

Proverbios 19:12

Nak najoskꞌoꞌ li rey, chanchan nak najoskꞌoꞌ li cakcoj. Abanan nak naxba̱nu junak usil aꞌan chanchan li hab li naxtꞌakresi li acui̱mk.

Proverbios 16:14

Li ani cuan xnaꞌleb incꞌaꞌ tixchikꞌ xjoskꞌil li rey xban nak cui teꞌxchikꞌ xjoskꞌil, li rey naru naxtakla xcamsinquileb.

Li xHu LAJ JOB 5:2

La̱at nacanau nak li incꞌaꞌ useb xnaꞌleb, aꞌ ajcuiꞌ lix joskꞌil nacamsin reheb. Ut li ani nacakalin, aꞌan ajcuiꞌ lix cakal naqꞌuehoc re chi osocꞌ.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

Daniel 2:24

Tojoꞌnak laj Daniel co̱ riqꞌuin laj Arioc li quitakla̱c xban li rey chixcamsinquileb laj qꞌuehol naꞌleb re Babilonia. Ut quixye re: —Ma̱camsiheb cuan laj qꞌuehol naꞌleb re Babilonia. Oybeni caꞌchꞌinak. China̱cꞌam riqꞌuin li rey ut la̱in tinye re cꞌaꞌru naxye lix matcꞌ, chan.

Daniel 5:19

Ut xban lix nimal xcuanquil li quiqꞌueheꞌ re, chixjunileb li cuanqueb saꞌ ruchichꞌochꞌ aꞌ yal bar xtenamiteb ut aꞌ yal cꞌaꞌru ra̱tinoba̱leb, nequeꞌsicsot xbaneb xxiu chiru. Quixcamsi li ani quiraj xcamsinquil ut quixcol li ani quiraj xcolbal. Quixqꞌue xcuanquil li ani quiraj xqꞌuebal xcuanquil ut quixcubsi xcuanquil li ani quiraj xcubsinquil xcuanquil.