Daniel 2:11 - Li Santil hu

¹¹ Li cꞌaꞌru nacapatzꞌ, at rey, kꞌaxal chꞌaꞌaj xsumenquil. Ma̱ ani naru ta̱yehok a̱cue li cꞌaꞌru nacacuaj xnaubal. Caꞌaj eb cuiꞌ li kadios nequeꞌnaꞌoc re aꞌan; abanan ma̱ aniheb saꞌ kaya̱nk xban nak eb aꞌan incꞌaꞌ nequeꞌcuan saꞌ xya̱nkeb yal cui̱nk, chanqueb.

Q'eqchi Bible

¹¹ Li k'aru nakapatz', at awab'ej, a'an q'axal ch'a'aj xsumenkil, ut maajun junaq truuq chi xyeeb'al aawe, ka'ajeb' ajwi' eb' li yos; ab'anan moko wankeb' ta sa' xyanqeb' li poyanam!”.

Daniel 2:11 ပူးပေါင်းရင်းမြစ်များ

Daniel 5:11

Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

San Juan 14:23

Quichakꞌoc li Jesús ut quixye re: —La̱in tincꞌutbesi cuib chiruheb li nequeꞌrahoc cue ut nequeꞌxba̱nu li cꞌaꞌru ninye. Eb aꞌan teꞌrahekꞌ xban lin Yucuaꞌ. La̱in ut lin Yucuaꞌ toxic riqꞌuineb ut tocua̱nk riqꞌuineb.

San Juan 14:17

Ut aꞌan ajcuiꞌ li Santil Musikꞌej li ta̱cꞌutuk re lix ya̱lal che̱ru chirix li Dios. Li incꞌaꞌ niquineꞌxpa̱b incꞌaꞌ naru nacuan li Santil Musikꞌej riqꞌuineb xban nak incꞌaꞌ nequeꞌxnau ani aꞌan, chi moco nequeꞌxqꞌue retal li cꞌaꞌru naxba̱nu li Santil Musikꞌej. Abanan la̱ex nequenau ani aꞌan xban nak aꞌan cuan saꞌ e̱ya̱nk anakcuan ut ta̱cua̱nk e̱riqꞌuin chi junelic.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

San Mateo 19:26

Ut li Jesús quixcaꞌyaheb ut quixye reheb: —Chiru junak yal cui̱nk aꞌan ma̱min ta̱ru̱k, abanan chiru li Dios chixjunil naru xba̱nunquil.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Éxodo 29:45

La̱in tincua̱nk riqꞌuineb li ralal xcꞌajol laj Israel ut La̱inak lix Dioseb.

Génesis 41:39

Ut quixye re laj José: —Li Ka̱cuaꞌ Dios xcꞌutuc re cha̱cuu chixjunil li naꞌleb aꞌin. Xban aꞌan, ma̱ ani chic junak cuan xnaꞌleb cha̱cuu la̱at.

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Joel 3:21

La̱in tinqꞌueheb chixtojbal lix ma̱queb li queꞌcamsin reheb lin tenamit ut incꞌaꞌ tincuyeb xma̱c. Ut la̱in tincua̱nk chi junelic aran Sión riqꞌuineb li cualal incꞌajol, chan li Ka̱cuaꞌ.

Isaías 8:18

La̱in cuanquin arin cuochbeneb li cualal li quixqꞌue cue li Ka̱cuaꞌ. Cotakla̱c chak xban li nimajcual Dios li nacuan saꞌ li tzu̱l Sión joꞌ jun retalil chokꞌ reheb laj Israel.

Salmos 132:14

Quixye: —Aꞌan aꞌin li naꞌajej nacuaj chokꞌ innaꞌaj. Aran tincua̱nk chi junelic xban nak nacuulac chicuu li naꞌajej aꞌan.

Salmos 68:18

At Ka̱cuaꞌ, xattakeꞌ saꞌ la̱ templo aran Sión ut xacꞌameb cha̱cuix li xacue̱chaniheb. Chixjunileb xeꞌxqꞌue a̱lokꞌal. Xeꞌxqꞌue ajcuiꞌ la̱ lokꞌal li xeꞌxkꞌetkꞌeti ribeb cha̱cuu junxil. Ut la̱at tatcua̱nk riqꞌuineb.

2 Crónicas 6:18

At Ka̱cuaꞌ, at kaDios, ¿ma naru ta biꞌ nacatcuan saꞌ kaya̱nk la̱o arin saꞌ ruchichꞌochꞌ? Xban nak kꞌaxal nim a̱cuanquil li choxa incꞌaꞌ natzꞌakloc chokꞌ a̱naꞌaj. Cui li choxa incꞌaꞌ tzꞌakal chokꞌ a̱naꞌaj, ¿ma tojaꞌ ta chic li templo aꞌin li xinyi̱b ta̱tzꞌaklok chokꞌ a̱naꞌaj?

1 Reyes 8:27

¿Ma naru ta biꞌ nacatcuan saꞌ ruchichꞌochꞌ? Li choxa kꞌaxal nim, abanan aꞌan incꞌaꞌ tzꞌakal chokꞌ a̱naꞌaj, at Ka̱cuaꞌ. ¿Ma tojaꞌ ta chic li cab li xinyi̱b ta̱tzꞌaklok chokꞌ a̱naꞌaj?

Números 35:34

Me̱mux ru li naꞌajej li texcua̱nk cuiꞌ xban nak la̱in li Ka̱cuaꞌ tincua̱nk aran. La̱in tincua̱nk e̱riqꞌuin la̱ex aj Israel, chan li Dios.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.

Génesis 41:8

Nak quisake̱u cꞌajoꞌ lix cꞌaꞌux laj faraón. Quixtakla xbokbal chixjunileb laj kꞌe li cuanqueb Egipto, joꞌ ajcuiꞌ li cuanqueb xnaꞌleb. Ut laj faraón quilajxserakꞌi reheb li cꞌaꞌru quixmatqꞌue. Ma̱ jun quitaꞌoc ru lix ya̱lal lix matcꞌ laj faraón.

Isaías 47:12

Kꞌehinkex ut tu̱lankex, joꞌ yo̱quex chak chixba̱nunquil chalen saꞌ e̱sa̱jilal. Te̱ril cui cuan rajbal. Te̱ril ma cauhak chic e̱rib chi numta̱c saꞌ xbe̱neb li tenamit xban li tu̱lac ut li kꞌehi̱nc nequeba̱nu.

Daniel 4:4

La̱in laj Nabucodonosor, cuanquin saꞌ li cuochoch chi sa saꞌ inchꞌo̱l ut chixjunil yo̱ chi e̱lc chi us chicuu.