Daniel 12:3 - Li Santil hu

³ Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

Q'eqchi Bible

³ Eb' li wankeb' xna'leb', li ke'k'utuk re li tiikil ch'oolej chiruheb' li k'iila tenamit, te'lemtz'uno'q jo' li saqenk sa' choxa ut jo'kaqeb' li chahim chi junelik.

Daniel 12:3 ပူးပေါင်းရင်းမြစ်များ

San Mateo 13:43

Ut li ti̱queb xchꞌo̱l teꞌqꞌuehekꞌ xlokꞌal. Chanchanakeb li sakꞌe saꞌ lix nimajcual cuanquilal li Dios lix Yucuaꞌeb. Li ani na-abin re li yo̱quin chixyebal chixqꞌuehak retal chi us li ninye.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Daniel 11:33

Eb li cuanqueb xnaꞌleb saꞌ xya̱nkeb laj Israel teꞌxchꞌolob lix ya̱lal chiruheb nabal. Abanan cuan teꞌcamsi̱k riqꞌuin chꞌi̱chꞌ, cuan teꞌcꞌatekꞌ, cuan teꞌelkꞌa̱k cꞌaꞌru reheb, ut cuan teꞌchapekꞌ ut teꞌcꞌamekꞌ saꞌ jalan naꞌajej. Abanan incꞌaꞌ najt teꞌrahobtesi̱k.

Daniel 11:35

Ut cuanqueb ajcuiꞌ saꞌ xya̱nkeb li nequeꞌqꞌuehoc naꞌleb saꞌ li tenamit teꞌcamsi̱k. Ta̱cꞌulma̱nk chi joꞌcan yal re xtenkꞌanquileb li jun chꞌol chic ut re ajcuiꞌ nak ta̱cꞌutu̱nk li ani tzꞌakal ti̱c xchꞌo̱l saꞌ xya̱nkeb re nak tzꞌakalakeb re ru nak ta̱cuulak xkꞌehil nak ta̱rakekꞌ li raylal li yo̱queb chixcꞌulbal joꞌ yebil chak xban li Dios.

Proverbios 11:30

Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

Hebreos 5:12

Anakcuan la̱ex raj chic aj tzolonel xban nak ac junxil nequexpa̱ban. Abanan ta̱raj toj ta̱cꞌutekꞌ cuiꞌchic che̱ru li ac xetzol chak junxil nak xepa̱b chak li Dios. Chanchanex chic li cꞌulaꞌal li toj natuꞌuc li toj ma̱jiꞌ natzacan.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

San Juan 4:36

Laj kꞌolonel naxcꞌul xtojbal ut nasahoꞌ saꞌ xchꞌo̱l rochben laj acuinel. Joꞌcan ajcuiꞌ li ani naxchꞌolob xya̱lal re nak teꞌpa̱ba̱nk li cristian. Li jun aꞌan ta̱cua̱nk lix kꞌajca̱munquil xban nak cua̱nkeb li teꞌre̱chani li junelic yuꞌam saꞌ xcꞌabaꞌ aꞌan.

1 Corintios 3:10

Xban nak sicꞌbil cuu xban li Dios chi cꞌanjelac chiru joꞌ jun aj tzꞌac cha̱bil, joꞌcan nak xinnau xjolominquil li cꞌanjel. Chanchan nak xinyi̱b xcimiento li cab nak xinye resil li colba-ib ut jalan chic teꞌcablak saꞌ xbe̱n nak teꞌxchꞌolob lix ya̱lal che̱ru. Ut li junju̱nk chixqꞌuehak retal nak tzꞌakal re ru lix cꞌanjel tixba̱nu.

Jeremías 23:22

Cui ta queꞌxnau li cꞌaꞌru cuan saꞌ inchꞌo̱l la̱in, queꞌxye raj li cua̱tin reheb lin tenamit. Ut eb aꞌan queꞌsukꞌi raj cuiqꞌuin ut queꞌxcanab raj xba̱nunquil li ma̱usilal.

Apocalipsis 1:20

Lix ya̱lal li cuukub chi chahim li xacuil saꞌ lin nim ukꞌ, aꞌan li retalileb li cuukub lix takl li Dios li nequeꞌiloc reheb li cuukub chꞌu̱tal chi aj pa̱banel. Ut lix ya̱lal li cuukub chi candelero, aꞌan retalileb li cuukub chꞌu̱tal chi aj pa̱banel.

2 Pedro 3:15

Julticak e̱re nak cui li Ka̱cuaꞌ Jesucristo ma̱jiꞌ nacꞌulun, aꞌan re nak li ani ma̱jiꞌ nacoleꞌ naru ta̱colekꞌ. Aꞌan aj e nak quitzꞌi̱bac e̱riqꞌuin li kaherma̱n Pablo, li kꞌaxal raro kaban. Aꞌan quixtzꞌi̱ba li naꞌleb aꞌin joꞌ qꞌuebil chak re xban li Dios.

Efesios 4:11

¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel.

San Mateo 24:45

¿Ani ut laj cꞌanjel cha̱bil ut cuan xnaꞌleb? Aꞌan li quiqꞌueheꞌ xcuanquil xban lix patrón saꞌ xbe̱neb li rech mo̱sil ut aꞌan ta̱qꞌuehok re xtzacae̱mkeb saꞌ x-o̱ril.

San Mateo 19:28

Ut li Jesús quixye reheb: —Relic chi ya̱l tinye e̱re nak la̱in li Cꞌajolbej tincꞌojla̱k saꞌ lin lokꞌlaj cꞌojariba̱l saꞌ li acꞌ ruchichꞌochꞌ, la̱ex li xexta̱ken cue, texcꞌojla̱k ajcuiꞌ saꞌ li cablaju chi cꞌojariba̱l re texrakok a̱tin saꞌ xbe̱neb li cablaju xte̱paleb laj Israel.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

Proverbios 3:35

Cha̱bil ta̱yehekꞌ chirixeb li cuanqueb xnaꞌleb. Abanan xuta̱nal teꞌxcꞌul li incꞌaꞌ nequeꞌxtau xnaꞌleb.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Daniel 12:10

Nabaleb teꞌsantobresi̱k xban lix ni̱nkal raylal teꞌxcꞌul. Abanan li incꞌaꞌ useb xnaꞌlebeb yo̱keb chixba̱nunquil li ma̱usilal ut ma̱ jun saꞌ xya̱nkeb teꞌxtau ru li cꞌaꞌru yo̱k chi cꞌulma̱nc. Caꞌaj cuiꞌ eb li cuanqueb xnaꞌleb teꞌxtau ru chixjunil.

Éxodo 34:35

Ut eb laj Israel nequeꞌril nak nalemtzꞌun li ru laj Moisés. Xban aꞌan laj Moisés naxtzꞌap cuiꞌchic li ru riqꞌuin li tꞌicr. Caꞌaj cuiꞌ nak yo̱ chi a̱tinac riqꞌuin li Dios narisi li tꞌicr saꞌ ru.

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Eclesiastés 12:9

La̱in ninnau a̱tinac chi cha̱bil ut cuan innaꞌleb. Quintzol cuib chi us ut quintzꞌil rix li naꞌleb. Ut quinqꞌueheb ajcuiꞌ xnaꞌleb li tenamit ut quinye saꞌ xxiqueb re nak teꞌxtau xya̱lal. Ut nabal li proverbios quintzꞌi̱ba.