Daniel 12:13 - Li Santil hu

¹³ Ut la̱at, at Daniel, ti̱cak taxak la̱ yuꞌam toj saꞌ rosoꞌjic. Tatca̱mk abanan tatcuacli̱k cuiꞌchic ut ta̱cꞌul la̱ kꞌajca̱munquil saꞌ rosoꞌjiqueb li cutan, chan cue li xakxo saꞌ xbe̱n li haꞌ.

Q'eqchi Bible

¹³ Ut laa'at ayu chi hilank toj sa' xkutankil laakamik. Tatwakliiq chaq sa' roso'jikeb' li kutan re xk'ulb'al laaq'ajkamunkil»”.

Daniel 12:13 ပူးပေါင်းရင်းမြစ်များ

Apocalipsis 14:13

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

Zacarías 3:7

—Joꞌcaꞌin xye li Ka̱cuaꞌ li nimajcual Dios: Cui tatcua̱nk joꞌ nacuaj ut cui ta̱ba̱nu li cꞌaꞌru ninye, la̱at tat-ilok re li cuochoch ut la̱at ajcuiꞌ tat-ilok re chixjunil li neba̱l li cuan chire li cuochoch. Cui ta̱ba̱nu aꞌin tinqꞌue a̱naꞌaj saꞌ xya̱nkeb li cuanqueb arin.

Daniel 12:3

Ut eb li cuanqueb xnaꞌleb, li queꞌcꞌutuc re li ti̱quilal chiruheb li tenamit, teꞌqꞌuehekꞌ xlokꞌal chi junelic. Chanchanakeb li sakꞌe ut li chahim li nalemtzꞌun chiru li choxa.

San Mateo 19:28

Ut li Jesús quixye reheb: —Relic chi ya̱l tinye e̱re nak la̱in li Cꞌajolbej tincꞌojla̱k saꞌ lin lokꞌlaj cꞌojariba̱l saꞌ li acꞌ ruchichꞌochꞌ, la̱ex li xexta̱ken cue, texcꞌojla̱k ajcuiꞌ saꞌ li cablaju chi cꞌojariba̱l re texrakok a̱tin saꞌ xbe̱neb li cablaju xte̱paleb laj Israel.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

Salmos 16:5

At Ka̱cuaꞌ, caꞌaj cuiꞌ la̱at nacattenkꞌan cue. A̱cuiqꞌuin nachal chixjunil li cꞌaꞌru nacuaj. Caꞌaj cuiꞌ la̱at yal a̱cue saꞌ inbe̱n.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

Salmos 1:5

Li incꞌaꞌ useb xnaꞌleb incꞌaꞌ teꞌcolekꞌ chiru li rakba a̱tin ta̱cha̱lk saꞌ xbe̱neb. Teꞌqꞌuehekꞌ ban chixtojbal rix lix ma̱queb. Li Dios ta̱risiheb laj ma̱c saꞌ xya̱nkeb li ti̱queb xchꞌo̱l.

Daniel 12:4

Abanan la̱at, Daniel, cꞌu̱la saꞌ a̱chꞌo̱l li cꞌaꞌru xacuil saꞌ li visión. Ta̱bot ru li hu li yo̱cat xtzꞌi̱banquil ut ta̱qꞌue li sello chiru re nak ma̱ ani ta̱ilok re toj ta̱cuulak xkꞌehil li rosoꞌjiqueb li cutan. Ut nabaleb li tenamit teꞌcha̱lk teꞌxic yalak bar re nak teꞌxtau xtzꞌakob lix naꞌlebeb, chan cue li ángel.

Éxodo 33:14

Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan.

Salmos 16:9

Numtajenak li saylal cuan saꞌ li cua̱m xban nak cꞌojcꞌo inchꞌo̱l riqꞌuin li Ka̱cuaꞌ.