Daniel 11:43 - Li Santil hu

⁴³ Ut eb li soldado li teꞌcha̱lk saꞌ li norte teꞌxmakꞌ chixjunil lix biomaleb laj Egipto, joꞌ lix oro ut lix plata ut li cꞌaꞌak chic re ru terto xtzꞌak. Ut teꞌnumta̱k ajcuiꞌ saꞌ xbe̱neb li tenamit Libia ut Etiopía.

Q'eqchi Bible

⁴³ Taareechani chixjunil li oor, li plaat ut li k'a'aq re ru jwal loq' chiruheb' laj Ejiipt. Jo'kan ajwi' te'xk'ul eb' laj Libia ut eb' laj Etiopía.

Daniel 11:43 ပူးပေါင်းရင်းမြစ်များ

2 Crónicas 12:3

Eb laj Egipto queꞌxcꞌam jun mil riqꞌuin cuib ciento (1,200) li carruaje re pletic ut oxcꞌa̱l mil (60,000) li cui̱nk li nequeꞌxic chirix cacua̱y. Nabaleb li tenamit li queꞌchal chi pletic chirixeb laj Egipto. Incꞌaꞌ naru rajlanquileb xban xqꞌuialeb. Aꞌaneb li tenamit laj Libia, eb laj suquienos, ut eb li tenamit Etiopía.

Nahum 3:9

Eb laj Etiopía ut eb laj Egipto queꞌcoloc re li tenamit aꞌan. Ut kꞌaxal cauheb rib. Ut queꞌtenkꞌa̱c ajcuiꞌ xbaneb laj Fut ut eb laj Libia.

Jueces 4:10

Ut laj Barac quixchꞌutubeb li ralal xcꞌajol laj Zabulón joꞌ eb ajcuiꞌ li ralal xcꞌajol laj Neftalí aran Cedes. Laje̱b mil chi cui̱nk li queꞌcana rubel xtakl laj Barac ut queꞌco̱eb. Ut co̱ ajcuiꞌ lix Débora.

Éxodo 11:8

Laj Moisés quixye ajcuiꞌ re laj faraón: —Chixjunileb laj cꞌanjel cha̱cuu teꞌcuulak cuiqꞌuin ut teꞌxcuikꞌib rib chicuu chixtzꞌa̱manquil. Teꞌxye cue, “Ba̱nu usilal, ayu la̱at a̱cuochbeneb chixjunileb laj Israel.” Ut chirix aꞌan tine̱lk saꞌ e̱ya̱nk, chan laj Moisés. Ut ma̱ caꞌchꞌin xjoskꞌil laj Moisés nak qui-el riqꞌuin laj faraón.

Ezequiel 38:5

Eb li soldado aj Persia ut eb li soldado aj Cus, ut eb li soldado aj Fut cua̱nkeb a̱cuochben. Ut cua̱nkeb ajcuiꞌ xchꞌi̱chꞌ re xcolbal re xchꞌo̱leb ut cua̱nkeb xpunit chꞌi̱chꞌ.

Daniel 11:42

Nabaleb chic li tenamit teꞌoc cuiꞌ chi pletic ut incꞌaꞌ teꞌxcuy xcolbaleb rib chiruheb li soldado li teꞌcha̱lk saꞌ li norte. Ut chi moco eb laj Egipto ta̱ru̱k teꞌxcol rib chiruheb.

Daniel 11:44

Ut chirix aꞌan ta̱cuulak esil riqꞌuin li rey li cuan saꞌ li norte. Li esil aꞌan ta̱cha̱lk chak saꞌ li este ut saꞌ li norte. Nak ta̱rabi cꞌajoꞌ nak ta̱oc xcꞌaꞌux xban. Ut cꞌajoꞌ nak ta̱cha̱lk xjoskꞌil ut ta̱xic chixcamsinquil nabal li tenamit ut chixsachbaleb ru.