Daniel 11:37 - Li Santil hu

³⁷ Li rey li cuan saꞌ li norte tixtzꞌekta̱naheb lix dioseb lix xeꞌto̱nil yucuaꞌ ut tixtzꞌekta̱na ajcuiꞌ li dios li nequeꞌxlokꞌoni li ixk. Ma̱ jun li dios tixqꞌue xcuanquil xban nak tixcꞌoxla nak caꞌaj cuiꞌ aꞌan li kꞌaxal nim xcuanquil saꞌ xbe̱neb chixjunileb.

Q'eqchi Bible

³⁷ Ink'a' tixpaab' li xyoseb' li xna' xyuwa', chi moko taaxik xch'ool chirix li yos nawulak chiruheb' li ixq, ut maajun chik yos tixk'ulub'a, xb'aan naq tixk'e xwankil xjunes rib' sa' xb'eeneb' chixjunileb'.

Daniel 11:37 ပူးပေါင်းရင်းမြစ်များ

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Isaías 14:13

La̱at cacꞌoxla nak kꞌaxal nim a̱cuanquil. Caye saꞌ a̱chꞌo̱l: —Tintakekꞌ toj saꞌ choxa ut tinqꞌue lin cꞌojariba̱l saꞌ xbe̱neb li chahim li quixyi̱b li Dios. Tincꞌojla̱k saꞌ li tzu̱l li nacana saꞌ li norte bar nequeꞌxchꞌutub cuiꞌ ribeb chixlokꞌoninquil lix dioseb.

1 Timoteo 4:3

Eb aꞌan nequeꞌxye nak incꞌaꞌ us li sumla̱c ut nequeꞌxye ajcuiꞌ nak cuan li tzacae̱mk incꞌaꞌ us xtzacanquil. Abanan moco ya̱l ta li nequeꞌxye. Li Dios quiqꞌuehoc re li tzacae̱mk aꞌin re nak ta̱tzaca̱k. Ut la̱o aj pa̱banel li nakanau lix ya̱lal, nakatzaca ut nakabantioxi chiru li Dios nak quixqꞌue ke li katzacae̱mk.

Ezequiel 24:16

—At ralal cui̱nk, chi ma̱cꞌaꞌ saꞌ a̱chꞌo̱l tincuisi cha̱cuu li kꞌaxal raro a̱ban. Abanan mirahoꞌ a̱chꞌo̱l. Incꞌaꞌ ta̱yotꞌekꞌ a̱chꞌo̱l chi moco tatya̱bak xban, chan.

Cantares 7:10

La̱in rehin li cui̱nk li ninra, ut cuiqꞌuin naxtau xsahil xchꞌo̱l.

Deuteronomio 21:11

Cui junak cui̱nk saꞌ e̱ya̱nk ta̱ril jun li ixk chꞌinaꞌus saꞌ xya̱nkeb li queꞌcꞌameꞌ chi pre̱xil ut tixra ru, naru tixcꞌam chokꞌ rixakil.

Deuteronomio 5:21

Me̱ra ru rixakil le̱ ras e̱ri̱tzꞌin, chi moco li rochoch, chi moco lix chꞌochꞌ, chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix bu̱r. Ma̱cꞌaꞌ cꞌaꞌak chic re ru, re le̱ ras e̱ri̱tzꞌin te̱ra ru”, chan li Ka̱cuaꞌ.

Génesis 3:16

Ut li Dios quixye re li ixk: —Kꞌaxal cuiꞌchic nabal li raylal tinqꞌue saꞌ a̱be̱n nak cua̱nkat chi yaj aj ixk. Riqꞌuin raylal teꞌyoꞌla̱k la̱ cocꞌal. Ut ta̱cuaj nak cua̱nk la̱ be̱lom a̱cuiqꞌuin ut aꞌan ta̱takla̱nk a̱cue.

Génesis 3:5

Li Dios naxnau nak jokꞌe te̱lou ru li cheꞌ, te̱nau chic chixjunil. Chanchanakex chic li Dios. Te̱nau chic cꞌaꞌru li us ut cꞌaꞌru li incꞌaꞌ us, chan.

Daniel 8:11

Ut quixnimobresi rib chiru li jun li kꞌaxal nim xcuanquil saꞌ xbe̱neb li ralal xcꞌajol li Dios ut quixye reheb nak incꞌaꞌ chic teꞌmayejak. Ut quixpoꞌ ajcuiꞌ lix templo li Dios.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Daniel 11:38

Aꞌan tixlokꞌoni jun li jalanil dios li ma̱ jun cua queꞌxlokꞌoni lix xeꞌto̱nil yucuaꞌ xban nak aꞌan tixcꞌoxla nak li dios aꞌan ta̱qꞌuehok xmetzꞌe̱uheb saꞌ li ple̱t. Tixmayeja chiru li dios aꞌan li oro, li plata, li terto̱quil pec ut li cꞌaꞌak chic re ru terto xtzꞌak.

Isaías 14:14

Tinxic toj takecꞌ toj jun pacꞌal li chok. Chanchanakin li nimajcual Dios, chancat.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.