Daniel 11:33 - Li Santil hu

³³ Eb li cuanqueb xnaꞌleb saꞌ xya̱nkeb laj Israel teꞌxchꞌolob lix ya̱lal chiruheb nabal. Abanan cuan teꞌcamsi̱k riqꞌuin chꞌi̱chꞌ, cuan teꞌcꞌatekꞌ, cuan teꞌelkꞌa̱k cꞌaꞌru reheb, ut cuan teꞌchapekꞌ ut teꞌcꞌamekꞌ saꞌ jalan naꞌajej. Abanan incꞌaꞌ najt teꞌrahobtesi̱k.

Q'eqchi Bible

³³ Eb' laj k'amol b'e li wankeb' xna'leb' te'xtzol naab'aleb' li poyanam, ab'anan ink'a' najtaq chik wankeb' te'kamsiiq, wankeb' te'k'atje'q, wankeb' te'isiiq sa' li xna'ajeb' ut wankeb' chik te'elq'aaq li xjunqkab'al.

Daniel 11:33 ပူးပေါင်းရင်းမြစ်များ

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

San Mateo 24:9

Tojoꞌnak texkꞌaxtesi̱k ut texrahobtesi̱k ut texcamsi̱k. Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Apocalipsis 17:6

Ut quicuil li ixk chanchan ta̱cala̱k xban xquiqꞌueleb li ralal xcꞌajol li Dios li queꞌcamsi̱c xban. Ut queꞌcamsi̱c ajcuiꞌ nabaleb li cristian li queꞌxchꞌolob resil li Cristo. Nak quicuil aꞌan, sachso inchꞌo̱l quincana.

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

Daniel 12:10

Nabaleb teꞌsantobresi̱k xban lix ni̱nkal raylal teꞌxcꞌul. Abanan li incꞌaꞌ useb xnaꞌlebeb yo̱keb chixba̱nunquil li ma̱usilal ut ma̱ jun saꞌ xya̱nkeb teꞌxtau ru li cꞌaꞌru yo̱k chi cꞌulma̱nc. Caꞌaj cuiꞌ eb li cuanqueb xnaꞌleb teꞌxtau ru chixjunil.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

Apocalipsis 6:9

Nak li Jun li chanchan carner quixte li roꞌ sello, quicuil nak cuanqueb rubel li artal li queꞌcamsi̱c xban nak queꞌpa̱ban ut xban nak queꞌxchꞌolob xya̱lal li ra̱tin li Dios.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

2 Timoteo 4:6

Ut la̱in, saꞌ xcꞌabaꞌ li Ka̱cuaꞌ ta̱osokꞌ lin yuꞌam joꞌ jun li mayej chiru. Yo̱ chi cuulac xkꞌehil nak tincamsi̱k.

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

1 Corintios 4:9

Nak nincꞌoxla la̱in li Dios xoxqꞌue la̱o li apóstol chi ma̱cꞌaꞌ kacuanquil. Chanchano junak aj ma̱c li ac xteneba̱c ca̱mc saꞌ xbe̱n ut qꞌuebilo chiruheb li ángel ut chiruheb li cui̱nk re toeꞌril.

Hechos 14:21

Nak queꞌxchꞌolob resil li colba-ib saꞌ li tenamit Derbe, nabaleb queꞌpa̱ban. Chirix chic aꞌan queꞌsukꞌi cuiꞌchic saꞌ eb li tenamit Listra, Iconio ut Antioquía.

Hechos 11:26

Ut queꞌcuan aran jun chihab tzꞌakal riqꞌuineb ut queꞌxcꞌut lix ya̱lal chiruheb nabal. Ut aran Antioquía queꞌxtiquib xyebal “cristiano” reheb laj pa̱banel.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 20:23

Ut li Jesús quixye reheb: —Ya̱l ajcuiꞌ nak la̱ex te̱cꞌul li raylal joꞌ li tincꞌul la̱in. Ut te̱cuy xnumsinquil li rahobtesi̱c joꞌ li tincuy xnumsinquil la̱in. Abanan li naꞌajej saꞌ lin nim ut saꞌ lin tzꞌe ma̱cuaꞌ la̱in tinqꞌuehok re li naꞌajej aꞌan xban nak ac chꞌolchꞌo chiru lin yucuaꞌ ani aj e tixqꞌue li naꞌajej aꞌan, chan li Jesús reheb.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

San Mateo 10:21

Saꞌ eb li cutan aꞌan, cuan li asbej tixkꞌaxtesi li i̱tzꞌinbej re ta̱camsi̱k ut cuan li i̱tzꞌinbej tixkꞌaxtesi li asbej. Ut cuan li yucuaꞌbej tixkꞌaxtesi li alalbej. Ut cuan li alalbej xicꞌ teꞌrileb lix naꞌ xyucuaꞌ ut teꞌxqꞌueheb chi camsi̱c.