Daniel 11:3 - Li Santil hu

³ Ut aran Grecia ta̱cua̱nk jun li rey kꞌaxal cau rib. Aꞌan ta̱takla̱nk riqꞌuin xnimal lix cuanquil ut tixba̱nu li cꞌaꞌru naraj.

Q'eqchi Bible

³ Toja' naq aran taawakliiq jun awab'ej q'axal kaw chik rib', tixjolomi jun nimla awab'ejihom ut tixb'aanu li taaraj xb'aanunkil.

Daniel 11:3 ပူးပေါင်းရင်းမြစ်များ

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Daniel 11:16

Ut li rey li cuan saꞌ li norte tixba̱nu li cꞌaꞌru naraj riqꞌuineb. Ut ta̱cana̱k saꞌ li cha̱bil naꞌajej yechiꞌinbil reheb laj Israel ut chixjunil ta̱cana̱k saꞌ rukꞌ aꞌan ut ma̱ ani ta̱ru̱k ta̱colok reheb.

Daniel 8:21

Ut li te̱lom chiba̱t, aꞌan retalil lix reyeb laj Grecia ut li nimla xucub li cuan saꞌ xbe̱n li xnakꞌ ru, aꞌan retalil li xbe̱n rey.

Daniel 7:6

Ut chirix aꞌan quicuil jun chic li xul chanchan jun li hix, abanan chirix cuan ca̱hib li xicꞌ. Chanchan laj xicꞌanel xul. Ut cuan ca̱hib lix jolom. Ut quiqꞌueheꞌ lix cuanquilal re, nak quicuil.

Daniel 5:19

Ut xban lix nimal xcuanquil li quiqꞌueheꞌ re, chixjunileb li cuanqueb saꞌ ruchichꞌochꞌ aꞌ yal bar xtenamiteb ut aꞌ yal cꞌaꞌru ra̱tinoba̱leb, nequeꞌsicsot xbaneb xxiu chiru. Quixcamsi li ani quiraj xcamsinquil ut quixcol li ani quiraj xcolbal. Quixqꞌue xcuanquil li ani quiraj xqꞌuebal xcuanquil ut quixcubsi xcuanquil li ani quiraj xcubsinquil xcuanquil.

Santiago 1:18

Xban nak joꞌcan quiraj li Dios, joꞌcan nak quixye nak chiru li Dios chanchano li xbe̱n ru li racui̱mk li quixyoꞌobtesi chak.

Hebreos 2:4

Li Dios quixcꞌut chiku nak tzꞌakal ya̱l aꞌan riqꞌuineb li retalil ut li milagro li quilajxba̱nu riqꞌuin lix nimal xcuanquilal. Ut naxcꞌut ajcuiꞌ chiku nak ya̱l xban nak naxqꞌue li Santil Musikꞌej reheb li junju̱nk. Joꞌcan nak ac xma̱tan xma̱tan li junju̱nk joꞌ naraj li Dios.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.