Daniel 11:27 - Li Santil hu

²⁷ Li cuib chi rey teꞌcꞌojla̱k chi cuaꞌac saꞌ jun li me̱x, abanan junes raylal teꞌxcꞌoxla xba̱nunquil chi ribileb rib. Junes ticꞌtiꞌ teꞌxye chi ribileb rib. Ut ma̱ jun reheb ta̱ru̱k tixba̱nu li cꞌaꞌru tixcꞌoxla xba̱nunquil xban nak toj ma̱jiꞌ nacuulac xkꞌehil.

Q'eqchi Bible

²⁷ Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.

Daniel 11:27 ပူးပေါင်းရင်းမြစ်များ

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Daniel 11:35

Ut cuanqueb ajcuiꞌ saꞌ xya̱nkeb li nequeꞌqꞌuehoc naꞌleb saꞌ li tenamit teꞌcamsi̱k. Ta̱cꞌulma̱nk chi joꞌcan yal re xtenkꞌanquileb li jun chꞌol chic ut re ajcuiꞌ nak ta̱cꞌutu̱nk li ani tzꞌakal ti̱c xchꞌo̱l saꞌ xya̱nkeb re nak tzꞌakalakeb re ru nak ta̱cuulak xkꞌehil nak ta̱rakekꞌ li raylal li yo̱queb chixcꞌulbal joꞌ yebil chak xban li Dios.

Salmos 64:6

Nequeꞌxcꞌoxla chi us chanru teꞌxba̱nu li ma̱usilal. Saꞌ xchꞌo̱leb aꞌan nak ma̱ ani nanaꞌoc re cꞌaꞌru cuan saꞌ xchꞌo̱leb. Ut ya̱l nak ma̱ ani nanaꞌoc re cꞌaꞌru cuan saꞌ xchꞌo̱l li junju̱nk. Caꞌaj cuiꞌ li Dios nanaꞌoc re.

Daniel 11:40

Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.

Daniel 8:19

Ut quixye cue: —Anakcuan la̱in tinye a̱cue li cꞌaꞌru ta̱cꞌulma̱nk saꞌ rosoꞌjiqueb li cutan xban xjoskꞌil li Dios. Li visión li xacuil, aꞌan retalil li talajeꞌcꞌulma̱nk saꞌ eb li cutan cha̱lel.

Proverbios 26:23

Ma̱cꞌaꞌ na-oc cuiꞌ xqꞌuebal li plata chirix junak chꞌochꞌ ucꞌal. Chanchan aꞌan li kꞌunil a̱tin li nequeꞌxye li incꞌaꞌ useb xnaꞌleb. Ma̱cꞌaꞌ na-oc cuiꞌ.

Proverbios 12:20

Eb li incꞌaꞌ useb xnaꞌleb, junes balakꞌic nequeꞌxcꞌoxla. Abanan li cha̱bileb xnaꞌleb junelic saheb saꞌ xchꞌo̱l chixtenkꞌanquil li ras ri̱tzꞌin chi cua̱nc saꞌ usilal.

Salmos 58:2

Incꞌaꞌ. La̱ex junes li incꞌaꞌ us nequecꞌoxla xba̱nunquil. La̱ex junes yoꞌoba̱nc ple̱t nequeba̱nu saꞌ li tenamit.

Salmos 52:1

Li rusilal li Dios cuan chi junelic. La̱at, li nacacuecꞌa nak nim a̱cuanquil, ¿cꞌaꞌut nak nacanimobresi a̱cuib xba̱nunquil li incꞌaꞌ us?

1 Ts 5:1

Ut chirix lix kꞌehil ut lix cutanquil xcꞌulunic li Ka̱cuaꞌ Jesucristo, ma̱cꞌaꞌ rajbal tintzꞌi̱bak e̱riqꞌuin xban nak ac nequenau chic lix ya̱lal.

Hechos 17:31

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

Hechos 1:7

Quichakꞌoc li Jesús ut quixye reheb: —Ma̱cuaꞌ e̱re la̱ex xnaubal li cꞌaꞌak re ru aꞌin. Caꞌaj cuiꞌ li Dios Acuabej nanaꞌoc re jokꞌe tixba̱nu xban nak caꞌaj cuiꞌ aꞌan yal re saꞌ xbe̱n chixjunil.

Daniel 11:29

Nak ta̱cuulak xkꞌehil li ac yebil, ta̱xic cuiꞌchic saꞌ li sur chi pletic. Abanan saꞌ li ple̱t aꞌan incꞌaꞌ us ta̱e̱lk.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Ezequiel 17:9

Li Ka̱cuaꞌ quixye cue: —Ta̱ye reheb nak joꞌcaꞌin xye li Ka̱cuaꞌ: ¿Ma tixchap ta biꞌ chic xxeꞌ? ¿Ma incꞌaꞌ ta biꞌ ta̱michꞌekꞌ lix xeꞌ xban li tꞌiu li xchal saꞌ li este ut ta̱sachekꞌ li ru ut ta̱chakik? Chixjunil lix xak li toj rax ru teꞌchakik. Ut eb li teꞌmichꞌok re moco nabalakeb ta, chi moco cauhakeb ta xmetzꞌe̱uheb.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

Salmos 62:9

Li cristian ma̱cꞌaꞌ nequeꞌoc cuiꞌ. Usta cuanqueb xcuanquil, usta ma̱cꞌaꞌeb xcuanquil ma̱cꞌaꞌ nequeꞌoc cuiꞌ. Nak ta̱rakekꞌ a̱tin saꞌ xbe̱neb, aran ta̱cꞌutu̱nk nak chixjunileb juntakꞌe̱teb. Chanchan nak nabiseꞌ junak cꞌaꞌ re ru incꞌaꞌ a̱l. Na-apu̱c xban li ikꞌ.

2 Samuel 13:26

Ut laj Absalón quixye re: —Cui incꞌaꞌ ta̱ru̱k tatxic la̱at, chixicak laj Amnón li cuas, chan. Ut li rey quixye re: —¿Cꞌaꞌut nak ta̱cuaj nak ta̱xic laj Amnón? chan.

Daniel 11:28

Ut li rey li cuan saꞌ li norte ta̱sukꞌi̱k cuiꞌchic saꞌ lix tenamit ut tixcꞌam nabal li biomal riqꞌuin li tixmakꞌ chiruheb li cuanqueb saꞌ li sur. Ut xicꞌ ta̱ril li contrato li quixba̱nu li Dios riqꞌuineb laj Israel. Ut tixba̱nu li joꞌ qꞌuial ta̱raj aꞌan nak yo̱k chi sukꞌi̱c saꞌ xtenamit.

Daniel 8:17

Laj Gabriel quijiloc ut quixakli chincꞌatk. Cꞌajoꞌ nak quinxucuac ut quincut cuib saꞌ chꞌochꞌ. Ut quixye cue: —At ralal cui̱nk, chatauhak taxak ru xban nak li xacuil saꞌ li visión, aꞌan talajeꞌcꞌulma̱nk saꞌ rosoꞌjiqueb li cutan, chan.