Daniel 11:24 - Li Santil hu

²⁴ Chi ma̱cꞌaꞌ saꞌ xchꞌo̱leb li tenamit li cuanqueb saꞌ xya̱lal, li cui̱nk aꞌan ta̱oc saꞌ eb li cha̱bil naꞌajej. Ut tixba̱nu li ma̱ jun sut queꞌxba̱nu lix xeꞌto̱nil yucuaꞌ saꞌ eb li tenamit aꞌan. Tixchap lix biomal ut tixjeqꞌui saꞌ xya̱nkeb li nequeꞌta̱ken re. Us ta̱e̱lk nak tixchap li ni̱nki tenamit abanan incꞌaꞌ najt ta̱cua̱nk saꞌ cuanquil.

Q'eqchi Bible

²⁴ Taaxik chi reechaninkileb' li kok' tenamit li sa wankeb' chi maak'a'aq sa' xch'ooleb', ut tixb'aanu reheb' li maajun wa xb'aanuhomeb' li xxe'toonil yuwa': tixjek'i chirixeb' li neke'okenk chirix li b'ihomal ut li k'aru te'reechani, ut tixk'uub' reechaninkil eb' li kawub'resinb'il tenamit, ab'anan yal jun k'amok ajwi'.

Daniel 11:24 ပူးပေါင်းရင်းမြစ်များ

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

Daniel 7:25

Aꞌan tixmajecua li nimajcual Dios ut tixrahobtesiheb ajcuiꞌ li ralal xcꞌajol li Dios. Tixcꞌoxla xjalbal eb li chakꞌrab ut tixcꞌoxla xjalbal li cꞌaynakeb xba̱nunquil li tenamit. Ut oxib chihab riqꞌuin media teꞌcua̱nk li ralal xcꞌajol li Dios rubel xcuanquil aꞌan.

Ezequiel 38:10

Joꞌcaꞌin xye li nimajcual Dios a̱cue, at Gog: nak ta̱cuulak xkꞌehil nak tatxic chi pletic, ta̱cꞌoxla ut ta̱cꞌu̱b ru cꞌaꞌru li incꞌaꞌ us ta̱ba̱nu.

Proverbios 23:7

Eb aꞌan nequeꞌxbok chi cuaꞌac ut nequeꞌxye e̱re “Ocankex, cuaꞌinkex”. Abanan moco ya̱l ta li nequeꞌxye. Incꞌaꞌ nequenau cꞌaꞌru cuan saꞌ xchꞌo̱leb.

Proverbios 19:6

Nabaleb nequeꞌraj nak teꞌuxk usilal reheb xbaneb li cuanqueb xcuanquil xban nak nasihin. Nabaleb nequeꞌxcꞌam rib saꞌ amiguil riqꞌuin li ani nasihin.

Proverbios 17:8

Li tumina̱nc u kꞌaxal terto xtzꞌak chiruheb li cꞌaynakeb chi tuminac u xban nak riqꞌuin aꞌan us nequeꞌel riqꞌuin chixjunil li nequeꞌxba̱nu.

Nehemías 9:25

Eb li tenamit li caqꞌue reheb ac sutsu̱queb saꞌ tzꞌac ut yi̱banbil chi us. Cha̱bil li chꞌochꞌ li caqꞌue reheb. Ut eb li cab li queꞌoc cuiꞌ ac yi̱banbil chi us ut ac yi̱banbileb lix becbil haꞌ. Ac aubil li acui̱mk uvas ut olivos saꞌ li chꞌochꞌ. Ut cuan ajcuiꞌ nabal li cheꞌ li naxqꞌue ru. Ut eb laj Israel queꞌcuaꞌac chi us ut queꞌnujac. Queꞌcꞌojla xchꞌo̱leb xban xnimal la̱ cuusilal.

Jueces 9:4

Queꞌrisi laje̱b xca̱cꞌa̱l chi tumin plata saꞌ li rochoch li yi̱banbil dios Baal-berit ut queꞌxsi re laj Abimelec. Laj Abimelec quixsiqꞌueb li cui̱nk li incꞌaꞌ useb xnaꞌleb, li junes subuc cutan nequeꞌxba̱nu, ut riqꞌuin li tumin aꞌan quixtojeb chixtenkꞌanquil.

Números 13:20

Ut te̱qꞌue ajcuiꞌ retal ma cha̱bil li chꞌochꞌ li cuanqueb cuiꞌ malaj ut incꞌaꞌ. ¿Ma na-el li acui̱mk chi us saꞌ li chꞌochꞌ malaj ut ma̱cꞌaꞌ na-el chiru? ¿Ma qꞌuicheꞌ ru malaj ut incꞌaꞌ? Mexxucuac chi oc saꞌ li naꞌajej aꞌan. Ut nacuaj ajcuiꞌ nak te̱cꞌam chak caꞌchꞌinak li ru li acui̱mk li na-el saꞌ li naꞌajej aꞌan, chan. Ac yo̱ xkꞌehil li uvas nak queꞌco̱eb li cui̱nk chixqꞌuebal retal li naꞌajej aꞌan.

Ezequiel 34:14

La̱in tebinqꞌue chi ichajibc saꞌ li cha̱bil pachꞌayaꞌ ut saꞌ eb li tzu̱l li cuanqueb Israel tebinqꞌue chi hila̱nc. Aran teꞌcua̱rk saꞌ li cha̱bil naꞌajej. Ut tebinqꞌue chi cuaꞌac saꞌ li kꞌunil pim saꞌ eb li tzu̱l li cuanqueb Israel.

Daniel 11:23

Nak acak xeꞌxba̱nu li contrato riqꞌuin, tixbalakꞌiheb. Kꞌaxal cuiꞌchic ta̱nima̱nk xcuanquil usta moco nim ta lix tenamit.