Daniel 11:2 - Li Santil hu

² Ut anakcuan la̱in ajcuiꞌ tinyehok a̱cue lix ya̱lal li ta̱cꞌulma̱nk. Teꞌcua̱nk oxib lix reyeb laj Persia ut lix ca̱ reyeb, aꞌan kꞌaxal nabal xbiomal ta̱cua̱nk chiruheb li oxib li teꞌcua̱nk. Tixcacuubresi rib riqꞌuin lix biomal ut ta̱oc chi pletic riqꞌuin li tenamit Grecia.

Q'eqchi Bible

² Ut anaqwan tinye aawe li xyaalalil: «Aran Persia toj toxwanq oxib' chik li awab'ej, ut li xka awab'ej q'axal b'ihomaq chiruheb' li oxib'. Ut naq ak xnimank li xwankilal sa' xk'ab'a' li xb'ihomal, tixchiq' xjosq'ileb' chixjunileb' li poyanam re yalok rik'ineb' laj Grecia.

Daniel 11:2 ပူးပေါင်းရင်းမြစ်များ

Apocalipsis 21:5

Li cꞌojcꞌo saꞌ li cꞌojariba̱l quixye: —La̱in tinacꞌobresi chixjunil li cꞌaꞌak re ru.— Ut quixye ajcuiꞌ: —Tzꞌi̱ba retalil aꞌin xban nak li a̱tin aꞌin tzꞌakal ya̱l ut us xpa̱banquil.—

Daniel 8:26

Lix ya̱lal li xcꞌutbesi̱c cha̱cuu chirix li cꞌaꞌru ta̱cꞌulma̱nk chiru li oxib chihab riqꞌuin media, aꞌan tzꞌakal ya̱l. Ut la̱at ta̱cꞌu̱la saꞌ a̱chꞌo̱l ut ma̱ ani aj e ta̱serakꞌi xban nak toj mokon ta̱cꞌulma̱nk, chan cue li ángel.

San Juan 10:35

Nakanau nak incꞌaꞌ naru takaye nak incꞌaꞌ ya̱l li tzꞌi̱banbil saꞌ li Santil Hu. Li Dios quixye “dios” reheb li quixxakab.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Daniel 11:25

Ta̱recꞌa nak cauhak chic rib ut nimak chic xcuanquil li rey li cuan saꞌ li norte. Ta̱xic chi pletic riqꞌuineb li cuanqueb saꞌ li sur. Usta kꞌaxal nabaleb li soldado li cuanqueb saꞌ li sur, abanan incꞌaꞌ ajcuiꞌ teꞌxcuy pletic xban nak cuanqueb saꞌ li sur li teꞌxbalakꞌi lix reyeb ut teꞌxcꞌayi lix tenamiteb reheb li cuanqueb saꞌ li norte.

Daniel 8:4

Quicuil nak li te̱lom carner yo̱ chi xekꞌoc riqꞌuin lix xucub saꞌ li oeste li bar na-oc cuiꞌ li sakꞌe ut saꞌ li norte ut saꞌ li sur. Ut ma̱ jun li xul nacuyuc xmetzꞌe̱u, chi moco naru teꞌe̱lelik chiru lix cuanquil. Li carner quixba̱nu li cꞌaꞌru quiraj aꞌan ut quixnimobresi xcuanquil.

Daniel 7:5

Ut li xcab xul chanchan jun li oso, ac yo̱ xcuaclesinquil jun li rukꞌ. Ut cꞌaxcꞌo chak oxib li costilla saꞌ re. Ut quicuabi jun li xya̱b cux nak quixye, “Cuaꞌin ut tiu nabal li tib,” chan.

Proverbios 22:21

Aꞌin yo̱quin chixyebal e̱re re nak te̱nau xya̱lal ut re ajcuiꞌ nak te̱nau xsumenquil li cꞌaꞌru ta̱patzꞌekꞌ e̱re.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Daniel 8:21

Ut li te̱lom chiba̱t, aꞌan retalil lix reyeb laj Grecia ut li nimla xucub li cuan saꞌ xbe̱n li xnakꞌ ru, aꞌan retalil li xbe̱n rey.

Esdras 4:7

Ut nak laj Artajerjes cuan chokꞌ rey aran Persia, laj Bislam, laj Mitrídates, laj Tabeel joꞌqueb ajcuiꞌ li rochben queꞌtzꞌi̱bac riqꞌuin li rey Artajerjes. Queꞌxtzꞌi̱ba li hu saꞌ li ra̱tinoba̱leb laj arameo ut joꞌ nequeꞌtzꞌi̱bac eb aꞌan.

Esdras 4:24

Joꞌcan nak queꞌxcanab xyi̱banquil lix templo li Dios aran Jerusalén. Quicanaba̱c toj saꞌ li xcab chihab roquic chokꞌ rey laj Darío, lix reyeb laj Persia.

Ester 1:1

Aꞌan aꞌin li quicꞌulman saꞌ eb li cutan nak quicuan chokꞌ rey laj Asuero. Aꞌan quitaklan saꞌ xbe̱n li tenamit La India. Ut aꞌan ajcuiꞌ quitaklan saꞌ xbe̱neb chixjunileb li tenamit quicuulac toj saꞌ li tenamit Etiopía. Jun ciento riqꞌuin cuukub xcaꞌcꞌa̱l (127) chi tenamit queꞌcuan rubel xcuanquil laj Asuero.