Daniel 11:18 - Li Santil hu

¹⁸ Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Q'eqchi Bible

¹⁸ Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Daniel 11:18 ပူးပေါင်းရင်းမြစ်များ

Oseas 12:14

Cꞌajoꞌ lix joskꞌil li Ka̱cuaꞌ queꞌxchikꞌ chak eb li ralal xcꞌajol laj Efraín. Li ma̱usilal ut li camsi̱nc queꞌxba̱nu ta̱sukꞌi̱k cuiꞌchic saꞌ xbe̱neb. Li Ka̱cuaꞌ tixqꞌueheb chixtojbal rix li ma̱usilal li queꞌxba̱nu.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Jeremías 31:10

Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Jeremías 2:10

Ayukex aran Quitim li cuan chire li nimla palau ut taklahomakeb li teꞌxic aran Cedar. Qꞌuehomak chak retal chi us. ¿Ma xeꞌxba̱nu joꞌ yo̱quex la̱ex?

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Ezequiel 27:6

Ut eb li cheꞌ re xberesinquil li jucub queꞌyi̱ba̱c riqꞌuin li ji li quicꞌameꞌ chak Basán. Ut li cheꞌ li yi̱banbil cuiꞌ li tem, aꞌan chaj li quicꞌameꞌ chak Quitim. Qꞌuebil lix sahob ru li tem riqꞌuin marfil.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Ester 10:1

Li rey Asuero quixtitzꞌ xtojeb chixjunileb li cuanqueb rubel xcuanquil. Quixtitzꞌ xtojeb li junju̱nk chi tenamit joꞌqueb ajcuiꞌ li naꞌajej li sutsu̱queb xban li palau.