Daniel 11:13 - Li Santil hu

¹³ Mokon chic li rey li cuan saꞌ li norte tixchꞌutubeb ut tixcauresiheb lix soldado ut kꞌaxal cuiꞌchic nabal chiru li queꞌpletic junxil. Nak ta̱cuulak xkꞌehil ta̱xic cuiꞌchic saꞌ li sur riqꞌuin lix qꞌuila soldado ut cua̱nk lix cha̱bil cꞌanjeleba̱l re pletic.

Q'eqchi Bible

¹³ Li awab'ej re Siria tixch'utub' wi' chik naab'aleb' laj puub' chi q'axal yo'oon wi' chik chiruheb' li xb'enwa, ut sa' wiib' oxib' chihab' chik taaxik chi yalok rochb'een k'iila o'q'ob' chi aj puub' ut jwal kawresinb'ilaqeb' chik.

Daniel 11:13 ပူးပေါင်းရင်းမြစ်များ

Daniel 4:16

Li cheꞌ aꞌan retalil jun li cui̱nk. Chiru cuukub chihab li cui̱nk aꞌin incꞌaꞌ chic ta̱cꞌoxlak joꞌ junak cui̱nk. Chanchanak chic xnaꞌleb li xul lix naꞌleb.

Daniel 12:7

Ut li jun li lino rakꞌ, li cuan saꞌ xbe̱n li haꞌ, quixtaksi li rukꞌ xcabichal ut quicuabi nak quixpatzꞌ xcꞌabaꞌ li Dios li cuan chi junelic kꞌe cutan ut quixye nak li sachba chꞌo̱lej aꞌin ta̱cꞌulma̱nk chiru oxib chihab riqꞌuin media. Nak acak xsacheꞌ xcuanquileb lix tenamit li Dios, ta̱rakekꞌ xcꞌulbal chixjunil aꞌin, chan.

Daniel 11:12

Ut kꞌaxal cuiꞌchic tixnimobresi rib li rey li cuan saꞌ li sur nak ta̱numta̱k saꞌ xbe̱neb li cuanqueb saꞌ li norte xban nak ta̱re̱chaniheb. Ut tixqꞌueheb nabal chi camsi̱c. Abanan incꞌaꞌ chic najt ta̱cua̱nk saꞌ lix cuanquil.

Daniel 11:14

Ut nabaleb li tenamit teꞌxjunaji ribeb riqꞌuineb li cuanqueb saꞌ li norte re nak teꞌnumta̱k saꞌ xbe̱neb li cuanqueb saꞌ li sur. Ut cua̱nkeb ajcuiꞌ li cui̱nk li incꞌaꞌ useb xnaꞌleb saꞌ xya̱nkeb laj Israel. Eb aꞌan teꞌxjunaji ribeb riqꞌuineb li cuanqueb saꞌ li norte joꞌ quicꞌutbesi̱c cha̱cuu saꞌ li visión. Abanan eb aꞌan incꞌaꞌ ajcuiꞌ teꞌxcuy saꞌ rukꞌeb li cuanqueb saꞌ li sur.

Daniel 11:40

Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.