Daniel 11:12 - Li Santil hu

¹² Ut kꞌaxal cuiꞌchic tixnimobresi rib li rey li cuan saꞌ li sur nak ta̱numta̱k saꞌ xbe̱neb li cuanqueb saꞌ li norte xban nak ta̱re̱chaniheb. Ut tixqꞌueheb nabal chi camsi̱c. Abanan incꞌaꞌ chic najt ta̱cua̱nk saꞌ lix cuanquil.

Q'eqchi Bible

¹² Naq akaq xsacheb' ru li k'iila aj puub', tixnimob'resi rib' ut k'ajo'eb' chik li poyanam tixkamsi, ab'anan moko toxnumtaaq ta chik.

Daniel 11:12 ပူးပေါင်းရင်းမြစ်များ

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

1 Timoteo 3:6

Tento nak laj cꞌamol be acak xqꞌui saꞌ lix pa̱ba̱l. Ma̱re anchal tixnimobresi rib ut ta̱tꞌanekꞌ saꞌ li tojbal ma̱c quitꞌaneꞌ cuiꞌ laj tza.

Daniel 8:25

Xban nak naxnau chi us balakꞌi̱nc, tixnimobresi rib. Tixsacheb nabal chi ma̱cꞌaꞌak saꞌ xchꞌo̱leb ut tixyal ajcuiꞌ numta̱c saꞌ xbe̱n li tzꞌakal Rey li kꞌaxal nim xcuanquil saꞌ xbe̱neb li nequeꞌtaklan. Abanan incꞌaꞌ ta̱ru̱k xban nak ta̱sachekꞌ ru. Ma̱cuaꞌ yal cui̱nk ta̱sachok re. Li Ka̱cuaꞌ, aꞌan li ta̱sachok re.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Ezequiel 28:17

Cakꞌetkꞌeti a̱cuib xban la̱ chꞌinaꞌusal ut capoꞌ la̱ naꞌleb xban la̱ lokꞌal. Joꞌcan nak la̱in catincut saꞌ chꞌochꞌ re nak chixjunileb li rey teꞌril li xuta̱nal li xacꞌul.

Ezequiel 28:5

Xban nak cuan a̱naꞌleb nacanau lokꞌoc ut nacanau cꞌayi̱nc. Joꞌcan nak kꞌaxal nabal la̱ biomal. Ut xban la̱ biomal xakꞌetkꞌeti a̱cuib.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

2 Crónicas 32:25

Abanan laj Ezequías incꞌaꞌ quixqꞌue saꞌ xchꞌo̱l li usilal qui-ux re xban li Dios. Quixkꞌetkꞌeti ban rib. Joꞌcan nak quijoskꞌoꞌ li Dios saꞌ xbe̱n laj Ezequías ut saꞌ xbe̱neb laj Judá ut laj Jerusalén.

2 Crónicas 26:16

Abanan nak quiniman chi us lix cuanquil laj Uzías, quixnimobresi rib xjunes rib. Ut xban aꞌan quixqꞌue rib saꞌ raylal. Quixkꞌet li ra̱tin li Ka̱cuaꞌ lix Dios ut qui-oc saꞌ lix templo li Ka̱cuaꞌ re nak tixcꞌat li pom saꞌ xbe̱n li artal li nacꞌatman cuiꞌ li pom.

2 Crónicas 25:19

At rey Amasías, la̱at yo̱cat chixyebal nak xatnumta saꞌ xbe̱neb laj Edom. Joꞌcan nak yo̱cat chixnimobresinquil a̱cuib ut ta̱cuaj nak ta̱qꞌuehekꞌ a̱lokꞌal. Kꞌaxal us nak tatcana̱k saꞌ la̱ tenamit. ¿Cꞌaꞌru aj e nak ta̱chꞌic a̱cuib la̱at saꞌ chꞌaꞌajquilal ut ta̱chꞌiqueb laj Judá saꞌ chꞌaꞌajquilal? chan li rey Joás.

2 Reyes 14:10

At rey Amasías, la̱in ninnau nak xatnumta saꞌ xbe̱neb laj Edom. Joꞌcan nak yo̱cat chixnimobresinquil a̱cuib. Ma̱cꞌaꞌ nacuaj re nak ta̱nimobresi a̱cuib. Cana̱kat saꞌ la̱ tenamit. ¿Cꞌaꞌru aj e nak ta̱chꞌic a̱cuib saꞌ chꞌaꞌajquilal la̱at ut ta̱chꞌiqueb laj Judá saꞌ chꞌaꞌajquilal? chan li rey Joás.

Deuteronomio 8:14

Nak acak xtam li cꞌaꞌru e̱re, incꞌaꞌ taxak te̱nimobresi e̱rib. Ut incꞌaꞌ taxak ta̱sachk saꞌ e̱chꞌo̱l nak li Ka̱cuaꞌ le̱ Dios, aꞌan li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Daniel 11:11

Cꞌajoꞌ nak ta̱joskꞌokꞌ li rey li cuan saꞌ li sur. Aꞌan ta̱e̱lk chak saꞌ lix naꞌaj ut ta̱pletik riqꞌuineb li cuanqueb saꞌ li norte. Ut chixjunileb li qꞌuila okꞌob chi soldado re li norte teꞌtꞌanekꞌ saꞌ rukꞌeb li cuanqueb saꞌ li sur.

Daniel 11:13

Mokon chic li rey li cuan saꞌ li norte tixchꞌutubeb ut tixcauresiheb lix soldado ut kꞌaxal cuiꞌchic nabal chiru li queꞌpletic junxil. Nak ta̱cuulak xkꞌehil ta̱xic cuiꞌchic saꞌ li sur riqꞌuin lix qꞌuila soldado ut cua̱nk lix cha̱bil cꞌanjeleba̱l re pletic.