Daniel 10:9 - Li Santil hu

⁹ Quicuabi lix ya̱b xcux nak qui-oc chi a̱tinac ut quisach innaꞌleb ut quintꞌaneꞌ chi huphu saꞌ chꞌochꞌ. Chanchan cua̱rc yo̱quin.

Q'eqchi Bible

⁹ Naq kiwab'i li xyaab' xkux, kint'ane'k chi hupu chiru ch'och' chi sachso inna'leb'.

Daniel 10:9 ပူးပေါင်းရင်းမြစ်များ

Daniel 8:18

Nak yo̱ chi a̱tinac cuiqꞌuin, quisach innaꞌleb ut quintꞌaneꞌ chi huphu saꞌ chꞌochꞌ. Li ángel quinixchap ut quinixcuaclesi cuiꞌchic.

Li xHu LAJ JOB 4:13

Chi kꞌek nak ac yo̱queb chi cua̱rc chixjunileb li cristian, quinmatqꞌue jun li matcꞌ kꞌaxal xiu xiu.

Génesis 15:12

Nak ac yo̱ chi muku̱nc li sakꞌe, laj Abram quicube xcuara. Nak yo̱ chi cua̱rc, saꞌ junpa̱t quikꞌojyi̱noꞌ chi us li cuan cuiꞌ ut cꞌajoꞌ nak quixucuac.

San Lucas 22:45

Nak quirakeꞌ chi tijoc, quicuacli ut co̱ riqꞌuineb lix tzolom. Quiril nak yo̱queb chi cua̱rc xban nak kꞌaxal ra saꞌ xchꞌo̱leb.

San Lucas 9:32

Usta yo̱queb xcuara laj Pedro ut li cuanqueb rochben, abanan incꞌaꞌ queꞌcuar. Yo̱queb ban chirilbal lix lokꞌal li Jesús joꞌ ajcuiꞌ li cuib chi cui̱nk li cuanqueb rochben.

Cantares 5:2

Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Li xHu LAJ JOB 33:15

Cuan nak li Dios nara̱tinaheb li cristian saꞌ lix matqꞌueb malaj ut saꞌ visión chi kꞌek nak yo̱queb chi cua̱rc.

Génesis 2:21

Li Ka̱cuaꞌ Dios quixcuartesi laj Adán. Nak sa xcuara laj Adán, li Dios quirisi jun xbakel, costilla xcꞌabaꞌ. Ut quixtzꞌap ru chi us lix tibel li bar quirisi cuiꞌ lix costilla.

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Daniel 10:16

Ut xaka̱mil chicuu jun chanchan li cui̱nk. Aꞌan quixqꞌue li rukꞌ chi xtzꞌu̱mal cue ut quina̱tinac cuiꞌchic. Ut la̱in quinye re: —At Ka̱cuaꞌ, kꞌaxal ra saꞌ inchꞌo̱l xban li quicꞌutbesi̱c chicuu ut ma̱cꞌaꞌ chic inmetzꞌe̱u.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.