Daniel 10:6 - Li Santil hu

⁶ Lix tibel nalemtzꞌun joꞌ jun li terto̱quil pec ut li ru chanchan li rakꞌ ca̱k ut li xnakꞌ ru chanchan li xam. Li rok rukꞌ nalemtzꞌun joꞌ li kꞌan chꞌi̱chꞌ bronce ut nak quia̱tinac, kꞌaxal cau lix ya̱b xcux chanchan qꞌuila tenamit nak quicuabi.

Q'eqchi Bible

⁶ Li xjunxaqalil nalemtz'unk jo' jun tertookil pek; li xnaq' ru kama' wi' li raq'kaaq; li xsa' eb' li ru kama'eb' wi' li raq'xam; eb' li roq ut eb' li ruq' chanchaneb' li q'anch'iich' ut li xyaab' xkux kama' wi' rab'inkileb' li k'iila poyanam.

Daniel 10:6 ပူးပေါင်းရင်းမြစ်များ

Apocalipsis 19:12

Lix nakꞌ ru chanchan xam. Nabal li corona cuan saꞌ xjolom ut tzꞌi̱banbil lix cꞌabaꞌ chiru. Abanan ma̱ ani nataꞌoc ru. Caꞌaj cuiꞌ aꞌan.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Ezequiel 10:9

Ut quicuil ajcuiꞌ ca̱hib li ruedas. Jun cuan chixcꞌatk li junju̱nk chi querubín. Li ruedas cꞌajoꞌ nak nequeꞌlemtzꞌun chanchan li cha̱bil pec crisólito.

Ezequiel 1:24

Ut quicuabi lix ya̱b lix xiqꞌueb nak yo̱queb chi be̱c chanchan nak na-ecꞌan xya̱b rok li haꞌ, malaj ut chanchan xya̱b xcux li nimajcual Dios, malaj ut chanchan xya̱beb li qꞌuila tenamit, malaj ut chanchan xya̱b li jun tu̱b chi soldados. Ut nak nequeꞌxakli, nequeꞌxcubsi lix xiqꞌueb.

Ezequiel 1:16

Li ca̱hib chi rueda juntakꞌe̱teb xyi̱banquileb. Eb li rueda aꞌan nequeꞌlemtzꞌun chanchan li cha̱bil pec crisólito. Ut eb li ruedas aꞌan quicuil chanchan nak cuan chic jun li rueda chi saꞌ li jun chic.

Ezequiel 1:14

Ut li ca̱hib li chanchaneb ángel nequeꞌchal nequeꞌxic saꞌ junpa̱t joꞌ nak narepoc li ca̱k.

Apocalipsis 21:20

Li roꞌ, aꞌan ónice; li xcuak, aꞌan cornalina; li xcuuk, aꞌan crisólito; li xcuakxak, aꞌan berilo; ut li xbele, aꞌan topacio; li xlaje, aꞌan crisopraso; li xjunlaju, aꞌan jacinto; ut li xcablaju, aꞌan amatista.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

San Lucas 9:29

Nak yo̱ chi tijoc li Jesús, quijalanoꞌ li riloba̱l chiruheb. Ut li rakꞌ sak sak ut nalemtzꞌun.

Ezequiel 1:7

Ut lix tzelequeb ti̱queb ut li rokeb chanchan rokeb li cuacax ut nalemtzꞌun joꞌ li kꞌan chꞌi̱chꞌ bronce.

Éxodo 28:20

Ut saꞌ li xca̱ tzol te̱qꞌue li cha̱bil pec berilo, ónice ut jaspe. Chixjunileb li pec aꞌin te̱letz chiru li oro.

San Mateo 28:3

Li riloba̱l nalemtzꞌun chanchan rakꞌ ca̱k ut li rakꞌ sak sak joꞌ li ratzꞌam que.

Apocalipsis 2:18

Ut quixye ajcuiꞌ cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Tiatira ut ta̱ye re: Li Cꞌajolbej, li nalemtzꞌun xnakꞌ ru chanchan xam ut li rok chanchan li cha̱bil chꞌi̱chꞌ bronce li nalemtzꞌun, naxye e̱re chi joꞌcaꞌin:

Cantares 5:14

Cꞌajoꞌ xchꞌinaꞌusal li rukꞌ. Chanchan li matkꞌab oro yi̱banbil riqꞌuin li cha̱bil pec topacio. Ut li ru xsaꞌ chanchan li cha̱bil marfil qꞌuebil xsahob ru riqꞌuin li cha̱bil pec zafiro.

Ezequiel 40:3

Li Ka̱cuaꞌ quinixcꞌam chi nachꞌ ut quicuil jun li cui̱nk nalemtzꞌun joꞌ li kꞌan chꞌi̱chꞌ bronce. Xakxo chire li oqueba̱l. Cuan saꞌ rukꞌ jun li cheꞌ re bisoc ut jun li cꞌa̱m lino re bisoc.

Ezequiel 8:2

Ut quicuil jun li chanchan cui̱nk. Quicꞌutun chicuu nak naticla saꞌ xcꞌa̱mal xsaꞌ toj takꞌa saꞌ li rok chanchan xam. Ut naticla saꞌ xcꞌa̱mal xsaꞌ toj saꞌ lix jolom chanchan li chꞌi̱chꞌ nalemtzꞌun.