Daniel 10:5 - Li Santil hu

⁵ Nak quin-iloc takecꞌ quicuil jun li cui̱nk. Li rakꞌ yi̱banbil riqꞌuin li cha̱bil tꞌicr lino ut lix cꞌa̱mal xsaꞌ yi̱banbil riqꞌuin tzꞌakal oro li nachal chak aran Ufaz.

Q'eqchi Bible

⁵ kintaqsi li wilob'aal ut kiwil jun li winq tiqto rik'in liin ut b'ak'b'o li xsa' chi k'aamalsa' oor.

Daniel 10:5 ပူးပေါင်းရင်းမြစ်များ

Ezequiel 9:2

Ut quicuil nak queꞌchal cuakibeb li cui̱nk cuan chak lix chꞌi̱chꞌeb re camsi̱nc saꞌ rukꞌeb. Eb aꞌan queꞌoc saꞌ li oqueba̱l li cuan saꞌ li norte. Saꞌ xya̱nkeb li cuakib chi cui̱nk quichal jun chic li cui̱nk lino li rakꞌ. Saꞌ xcꞌa̱mal xsaꞌ quixcꞌam chak li cꞌaꞌru ta̱cꞌanjelak re tzꞌi̱bac. Ut nak ac xeꞌoc, coxeꞌxakli̱k chiru li artal yi̱banbil riqꞌuin bronce.

Jeremías 10:9

Nequeꞌxcꞌam chak li plata toj Tarsis ut nequeꞌxcꞌam chak lix oro aran Ufaz. Ut eb li cui̱nk nequeꞌxletz chiru lix dioseb li queꞌxyi̱b. Ut nequeꞌxqꞌue rakꞌeb azul ut púrpura yi̱banbil xbaneb li nequeꞌxnau cꞌanjelac chi us.

Josué 5:13

Nak laj Josué nachꞌ cuan riqꞌuin li tenamit Jericó, quiril jun li cui̱nk xakxo chiru. Li cui̱nk aꞌan cuan xchꞌi̱chꞌ saꞌ rukꞌ. Laj Josué quinachꞌoc riqꞌuin ut quixye re: —¿Ma la̱at xcomoneb li kasolda̱d malaj ut la̱at xcomoneb li xicꞌ nequeꞌiloc ke? chan.

Efesios 6:14

Xakxo̱kex biꞌ chi cau. Aꞌan aꞌin li ta̱cꞌanjelak che̱ru re xcolbal e̱rib chiru laj tza. Li ya̱l ta̱cꞌanjelak joꞌ xcꞌa̱mal e̱saꞌ ut li ti̱quil chꞌo̱lej ta̱cꞌanjelak joꞌ li chꞌi̱chꞌ naramoc re le̱ chꞌo̱l.

Zacarías 1:8

Quixye laj Zacarías: —Saꞌ jun li kꞌojyi̱n quicꞌutbesi̱c jun li visión chicuu xban li Dios. Saꞌ li visión aꞌan quicuil jun li cui̱nk cuan chirix jun li cacua̱y cak rix saꞌ jun li ru takꞌa. Xakxo rubeleb li cheꞌ mirto. Ut chirix aꞌan cuanqueb chic nabaleb li cacua̱y. Cuanqueb cak rixeb. Cuanqueb repex rixeb ut cuanqueb ajcuiꞌ sak rixeb.

Isaías 11:5

Ut aꞌan ta̱takla̱nk saꞌ xbe̱neb lix tenamit riqꞌuin ti̱quilal ut cha̱bilal.