Daniel 10:14 - Li Santil hu

¹⁴ La̱in xinchal chixyebal a̱cue li cꞌaꞌru teꞌxcꞌul la̱ tenamit saꞌ eb li cutan li teꞌcha̱lk. Li visión aꞌin, aꞌan ta̱cꞌulma̱nk saꞌ eb li cutan li teꞌcha̱lk, chan cue.

Q'eqchi Bible

¹⁴ Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Daniel 10:14 ပူးပေါင်းရင်းမြစ်များ

Daniel 8:26

Lix ya̱lal li xcꞌutbesi̱c cha̱cuu chirix li cꞌaꞌru ta̱cꞌulma̱nk chiru li oxib chihab riqꞌuin media, aꞌan tzꞌakal ya̱l. Ut la̱at ta̱cꞌu̱la saꞌ a̱chꞌo̱l ut ma̱ ani aj e ta̱serakꞌi xban nak toj mokon ta̱cꞌulma̱nk, chan cue li ángel.

Daniel 2:28

Abanan cuan jun Dios saꞌ choxa. Aꞌan li nacꞌutbesin re li cꞌaꞌru incꞌaꞌ nanauman ut aꞌan ajcuiꞌ li ta̱cꞌutbesi̱nk re cha̱cuu, at rey Nabucodonosor, cꞌaꞌru ta̱cꞌulma̱nk saꞌ eb li cutan cha̱lel. La̱in tinye a̱cue cꞌaꞌru la̱ matcꞌ ut cꞌaꞌru li cacuil nak cuancat saꞌ la̱ chꞌa̱t.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Daniel 12:9

Quichakꞌoc ut quixye cue: —Ayu, at Daniel, xban nak ac xinye a̱cue nak anakcuan incꞌaꞌ ta̱tauma̱nk ru chixjunil li cꞌaꞌak re ru aꞌin. Toj saꞌ rosoꞌjiqueb li cutan ta̱tauma̱nk ru.

Daniel 12:4

Abanan la̱at, Daniel, cꞌu̱la saꞌ a̱chꞌo̱l li cꞌaꞌru xacuil saꞌ li visión. Ta̱bot ru li hu li yo̱cat xtzꞌi̱banquil ut ta̱qꞌue li sello chiru re nak ma̱ ani ta̱ilok re toj ta̱cuulak xkꞌehil li rosoꞌjiqueb li cutan. Ut nabaleb li tenamit teꞌcha̱lk teꞌxic yalak bar re nak teꞌxtau xtzꞌakob lix naꞌlebeb, chan cue li ángel.

Miqueas 4:1

Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Deuteronomio 4:30

Mokon chic nak ac xecꞌul chixjunil li raylal aꞌin, cui la̱ex texsukꞌi̱k riqꞌuin li Ka̱cuaꞌ le̱ Dios ut te̱ba̱nu li cꞌaꞌru naxye, aꞌan ta̱ruxta̱na e̱ru.

Génesis 49:1

Ut laj Jacob quixbokeb li ralal ut quixye reheb: —Jilonkex chak che̱junilex. Chi joꞌcan la̱in tinchꞌolob che̱ru cꞌaꞌru ta̱cha̱lk saꞌ e̱be̱n chiruheb li chihab ta̱cha̱lk.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

2 Timoteo 3:1

Nacuaj ajcuiꞌ nak ta̱nau nak kꞌaxal xiu xiu li cutan teꞌcha̱lk chiku nak ta̱nachꞌok chak rosoꞌjiqueb li cutan.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Daniel 9:22

Quixchꞌolob lix ya̱lal chicuu ut quixye cue: —At Daniel, la̱in xinchal a̱cuiqꞌuin re xqꞌuebal a̱naꞌleb re nak ta̱tau ru lix ya̱lal.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Ezequiel 12:27

—At ralal cui̱nk, eb laj Israel yo̱queb chixyebal nak toj ma̱jiꞌ ta̱cꞌulma̱nk li cꞌaꞌru xcꞌutbesi̱c cha̱cuu saꞌ visión. Toj mokon ta̱cꞌulma̱nk, chanqueb.

Daniel 8:16

Ut quicuabi jun xya̱b cux jun pacꞌal li nimaꞌ Ulai chanchan xya̱b xcux cui̱nk. Quixjap re chixyebal: —At Gabriel, ye re aꞌan cꞌaꞌru xya̱lal li visión li xril, chan.

Números 24:14

Anakcuan xic cue saꞌ lin tenamit. Abanan xbe̱n cua tinye a̱cue cꞌaꞌru teꞌxba̱nu e̱re eb laj Israel saꞌ eb li cutan chalen, chan laj Balaam.

Ezequiel 38:16

Chanchan nak li chok tixmuk li tenamit nak texxic chi pletic riqꞌuineb lin tenamit Israel. Saꞌ eb li cutan teꞌcha̱lk tatintakla saꞌ lin tenamit chi pletic re nak chixjunileb li xni̱nkal ru tenamit teꞌxqꞌue retal nak la̱in li Ka̱cuaꞌ nak tincꞌut lin santilal chiruheb nak tinqꞌue laj Gog chi numta̱c saꞌ xbe̱neb laj Israel.