Daniel 10:10 - Li Santil hu

¹⁰ Ut jun li ukꞌej quichꞌeꞌoc cue ut quincuacli raj abanan cꞌachcꞌo quincana ut ninsicsot xban inxiu.

Q'eqchi Bible

¹⁰ Ab'anan tikto jun uq'mej kiwaklesink we ut kinxxaqab' chi neke'siksotk eb' li woq jo'wi' eb' li wuq' xb'aan inxiw.

Daniel 10:10 ပူးပေါင်းရင်းမြစ်များ

Apocalipsis 1:17

Nak quicuil ru quintꞌaneꞌ chi rok. Chanchan camenak quincana. Ut aꞌan quixqꞌue lix nim ukꞌ saꞌ inbe̱n ut quixye cue: —Matxucuac. La̱in li ac cuanquin chak saꞌ xticlajic li ruchichꞌochꞌ ut cua̱nkin chi junelic kꞌe cutan.

Jeremías 1:9

Ut li Ka̱cuaꞌ Dios quixqꞌue li rukꞌ saꞌ xtzꞌu̱mal cue ut quixye cue: —Anakcuan ac xinqꞌue li cua̱tin saꞌ xtzꞌu̱mal a̱cue.

Daniel 8:18

Nak yo̱ chi a̱tinac cuiqꞌuin, quisach innaꞌleb ut quintꞌaneꞌ chi huphu saꞌ chꞌochꞌ. Li ángel quinixchap ut quinixcuaclesi cuiꞌchic.

Daniel 10:18

Ut li jun li chanchan cui̱nk quixqꞌue cuiꞌchic li rukꞌ saꞌ inbe̱n ut quicuecꞌa nak cuan chic inmetzꞌe̱u.

Daniel 10:16

Ut xaka̱mil chicuu jun chanchan li cui̱nk. Aꞌan quixqꞌue li rukꞌ chi xtzꞌu̱mal cue ut quina̱tinac cuiꞌchic. Ut la̱in quinye re: —At Ka̱cuaꞌ, kꞌaxal ra saꞌ inchꞌo̱l xban li quicꞌutbesi̱c chicuu ut ma̱cꞌaꞌ chic inmetzꞌe̱u.

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.