Daniel 1:9 - Li Santil hu

⁹ Ut li Dios quixtenkꞌa laj Daniel. Lix naꞌleb laj Daniel quicuulac chiru laj Aspenaz li nataklan saꞌ xbe̱neb li eunuco.

Q'eqchi Bible

⁹ Li Qaawa' kirusila ru laj Daniel ut kixk'e naq li xtz'aamahom taak'ulub'aaq xb'aan laj Aspenas, xjolomileb' laj k'anjel.

Daniel 1:9 ပူးပေါင်းရင်းမြစ်များ

Génesis 39:21

Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Proverbios 16:7

Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Salmos 106:46

Li Dios quixjal lix cꞌaꞌuxeb li tenamit li queꞌnumta saꞌ xbe̱neb laj Israel re nak incꞌaꞌ chic teꞌxba̱nu raylal reheb.

1 Reyes 8:50

La̱at ta̱cuy ta̱sach xma̱queb la̱ tenamit nak xeꞌma̱cob cha̱cuu ut xeꞌxkꞌet la̱ cua̱tin. Chakꞌunobresi lix chꞌo̱leb li tenamit li queꞌchapoc reheb re nak teꞌxtokꞌoba ruheb la̱ tenamit.

Nehemías 2:4

Ut li rey quixye cue: —¿Cꞌaꞌru ta̱cuaj tinba̱nu?— Ut saꞌ li ho̱nal aꞌan quinpatzꞌ intenkꞌanquil riqꞌuin li Dios li cuan saꞌ choxa.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Salmos 4:3

Chenauhak nak la̱in sicꞌbil cuu xban li Dios xban nak ti̱c inchꞌo̱l. Ut chenauhak ajcuiꞌ nak aꞌan narabi nak ninya̱ba lix cꞌabaꞌ.

Nehemías 1:11

Joꞌcan nak nintzꞌa̱ma cha̱cuu, at Ka̱cuaꞌ, chasume taxak lin tij. Chacuabi taxak li cꞌaꞌru nequeꞌxtzꞌa̱ma laj cꞌanjel cha̱cuu. La̱o takaj xqꞌuebal a̱lokꞌal. China̱tenkꞌa re nak us ta̱e̱lk chicuu li cꞌaꞌru tintzꞌa̱ma chiru li rey. Chiruxta̱na taxak cuu li rey, chanquin nak quintijoc. Saꞌ eb li cutan aꞌan, la̱in aj qꞌuehol rucꞌa li rey nak quincuan.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Li xHu LAJ JOB 5:15

Abanan li Dios naxcoleb li ma̱cꞌaꞌeb xcuanquil, li yo̱queb chi cꞌuluc raylal saꞌ rukꞌeb li incꞌaꞌ useb xnaꞌleb.

Li xHu LAJ JOB 5:16

Riqꞌuin li Dios nequeꞌyoꞌonin li incꞌaꞌ nequeꞌxcuy xcolbaleb rib xjuneseb. Ut eb li incꞌaꞌ useb xnaꞌleb ma̱cꞌaꞌ chic naru nequeꞌxye.

Daniel 1:10

Ut laj Aspenaz li nataklan reheb quixye re laj Daniel: —La̱in ninxucuac xban nak li rey quixye cue cꞌaꞌru te̱tzaca. Cui sakquirin le̱ riloba̱l ut cui bakex chiruheb li jun chꞌol chic, li rey naru naxtakla incamsinquil la̱in, chan.

Ester 2:9

Laj Hegai quixqꞌue retal nak cha̱bil lix Ester ut quisahoꞌ xchꞌo̱l riqꞌuin. Joꞌcan nak junpa̱t quixqꞌue chixjunil li cꞌaꞌru re, re nak tixtikib rib chi cha̱bil ut quixqꞌue li cha̱bil tzacae̱mk re. Quixqꞌue cuukub li tukꞌ ixk li kꞌaxal cha̱bileb li cuanqueb saꞌ li rochoch li rey re nak teꞌcꞌanjelak chiru lix Ester. Ut quixqꞌue jun xnaꞌaj lix Ester kꞌaxal cha̱bil re nak ta̱cua̱nk aran rochbeneb li cuukub chi tukꞌ ixk.