Daniel 1:8 - Li Santil hu

⁸ Ut laj Daniel quixye saꞌ xchꞌo̱l nak incꞌaꞌ tixmux ru lix pa̱ba̱l riqꞌuin xcuaꞌbal li tzacae̱mk li quiqꞌueheꞌ re xban li rey chi moco riqꞌuin rucꞌbal li vino xban nak eb laj Judá incꞌaꞌ queꞌxba̱nu li tzacae̱mk aꞌan. Quixtzꞌa̱ma ban chiru laj Aspenaz nak incꞌaꞌ ta̱minekꞌ ru xba̱nunquil.

Q'eqchi Bible

⁸ Ab'an laj Daniel ink'a' kiraj xmuxb'al ru li xpaab'aal rik'in xtzekankil li xtzekemq ut li ruk'a' li awab'ej; jo'kan naq kixtz'aama chiru li xjolomileb' naq ink'a' tixmin ru chi xtzekankil a'an.

Daniel 1:8 ပူးပေါင်းရင်းမြစ်များ

Salmos 141:4

China̱tenkꞌa re nak incꞌaꞌ ta̱xic inchꞌo̱l chirix li incꞌaꞌ us. Incꞌaꞌ taxak tinba̱nu li ma̱usilal li nequeꞌxba̱nu li incꞌaꞌ useb xnaꞌleb. Ut incꞌaꞌ taxak tincua̱nk saꞌ lix ninkꞌeheb li nequeꞌxba̱nu.

1 Corintios 7:37

Li yucuaꞌbej ma̱ ani naminoc ru. Naru tixba̱nu li naxcꞌoxla nak us xba̱nunquil. Ut cui na-ala saꞌ xchꞌo̱l nak incꞌaꞌ tixsumub lix rabin, cha̱bil ajcuiꞌ naxba̱nu nak incꞌaꞌ tixsumub.

Salmos 119:115

La̱ex li incꞌaꞌ us e̱naꞌleb, canabomak inchꞌiꞌchꞌiꞌinquil. La̱in tincuaj xba̱nunquil li cꞌaꞌru naxye lix chakꞌrab lin Dios.

Salmos 119:106

La̱in xinba̱nu li juramento ut xinxakab xcuanquil. Ut xinye nak junelic tinba̱nu li cꞌaꞌru naxye la̱ chakꞌrab.

Daniel 1:5

Li rey quixye nak rajlal cutan teꞌqꞌuehekꞌ xtzacae̱mk joꞌ naxtzaca aꞌan. Teꞌqꞌuehekꞌ xvino joꞌ narucꞌ aꞌan. Teꞌchꞌolani̱k oxib chihab ut chirix aꞌan teꞌcꞌamekꞌ chiru li rey.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

Deuteronomio 32:38

Quemayeja le̱ cha̱bil mayej chiruheb ut quemayeja le̱ vino chiruheb. Cha̱lk anakcuan. Xtenkꞌakex ut xcolakex.

Salmos 106:28

Saꞌ li naꞌajej Peor queꞌxlokꞌoni li yi̱banbil dios Baal ut queꞌxcuaꞌ li tzacae̱mk li queꞌxmayeja chiruheb li yi̱banbil dios li incꞌaꞌ yoꞌyo̱queb.

1 Reyes 5:5

Joꞌcan nak la̱in tinyi̱b li templo li ta̱lokꞌoni̱k cuiꞌ li Ka̱cuaꞌ lin Dios xban nak li Dios quixye re laj David lin yucuaꞌ, “La̱ cualal, li tinxakab chokꞌ rey chokꞌ a̱cue̱kaj, aꞌan li ta̱yi̱ba̱nk re li templo re tinlokꞌoni̱k cuiꞌ,” chan.

Hechos 15:20

Li tento takaba̱nu, aꞌan tzꞌi̱bac riqꞌuineb ut xyebal reheb nak incꞌaꞌ teꞌxmux rib riqꞌuin xtzacanquil li tzacae̱mk mayejanbil chiruheb li yi̱banbil dios. Incꞌaꞌ teꞌcoꞌbe̱tak teꞌyumbe̱tak. Ut incꞌaꞌ teꞌxtiu xtibel li yatzꞌbil xul chi moco teꞌxtzaca li quicꞌ.

Proverbios 23:3

Ma̱ra ru li cha̱bil tzacae̱mk cuan saꞌ lix me̱x, xban nak ma̱re re a̱balakꞌinquil nak xqꞌue.

Daniel 5:4

Queꞌucꞌac vino ut queꞌxlokꞌoniheb li dios yi̱banbil riqꞌuin oro, plata, bronce, chꞌi̱chꞌ, cheꞌ ut pec.