Daniel 1:3 - Li Santil hu

³ Laj Aspenaz aꞌan li nataklan saꞌ xbe̱neb li cui̱nk li eunuco, li nequeꞌtrabajic saꞌ li palacio. Li rey quixye re laj Aspenaz nak tixsicꞌ ruheb cuib oxib xcomoneb li ralal xcꞌajol li queꞌcuan chokꞌ xreyeb laj Israel ut tixcꞌameb saꞌ li palacio.

Q'eqchi Bible

³ Toja' naq li awab'ej kixye re laj Aspenas, li xjolomileb' laj k'anjel, naq tixsik'eb' wiib' oxib'aqeb' li saaj winq sa' xyanqeb' laj Israel, a' yaal ma sa' xyanq li ralal xk'ajoleb' li awab'ej malaj sa' xyanqeb' li xninqaleb' ru winq.

Daniel 1:3 ပူးပေါင်းရင်းမြစ်များ

Isaías 39:7

Ut cuanqueb ajcuiꞌ la̱ cualal a̱cꞌajol li teꞌcꞌamekꞌ. Eb aꞌan teꞌcua̱nk chokꞌ eunucos saꞌ li rochoch lix reyeb laj Babilonia, chan.

2 Reyes 24:15

Quixcꞌam chi pre̱xil li rey Joaquín toj Babilonia joꞌ ajcuiꞌ lix naꞌ ut eb li rixakil ut eb li cui̱nk li nequeꞌtenkꞌan re chi taklac. Ut quixcꞌameb ajcuiꞌ chi pre̱xil li cui̱nk li cuanqueb xcuanquil saꞌ li tenamit Jerusalén.

Jeremías 41:1

Laj Ismael, aꞌan li ralal laj Netanías. Ut laj Netanías, aꞌan li ralal laj Elisama. Laj Ismael, aꞌan xcomoneb li ralal xcꞌajol li rey ut xcomoneb ajcuiꞌ li nequeꞌtenkꞌan re li rey. Saꞌ li xcuuk po re li chihab aꞌan, laj Ismael co̱ Mizpa chi a̱tinac riqꞌuin laj Gedalías. Laje̱b li cui̱nk quixcꞌameb chirix. Yo̱queb chi cuaꞌac saꞌ comonil aran Mizpa.

Deuteronomio 28:41

Teꞌcua̱nk le̱ ralal e̱cꞌajol, abanan incꞌaꞌ teꞌcua̱nk e̱riqꞌuin xban nak teꞌchapekꞌ ut teꞌcꞌamekꞌ saꞌ jalan tenamit.

Isaías 39:6

Ta̱cuulak xkꞌehil nak chixjunil li cuan saꞌ la̱ cuochoch ta̱cꞌamekꞌ aran Babilonia. Chixjunil li cꞌaꞌak re ru li queꞌxxoc eb la̱ xeꞌto̱nil yucuaꞌ toj chalen anakcuan ta̱cꞌamekꞌ. Ma̱cꞌaꞌ chic ta̱cana̱k.