Daniel 1:19 - Li Santil hu

¹⁹ Ut li rey quia̱tinac riqꞌuineb. Ut quisahoꞌ xchꞌo̱l riqꞌuineb laj Daniel, laj Ananías, laj Misael ut laj Azarías ut ma̱ jun chic quixtau joꞌ eb li ca̱hib aꞌan. Joꞌcan nak queꞌcana saꞌ li palacio chi cꞌanjelac chiru.

Q'eqchi Bible

¹⁹ Li awab'ej ki'aatinak rik'ineb' ut q'axal kisaho'k xch'ool: maajun junaq aj k'anjel kixtaw jo' laj Daniel, laj Ananías, laj Misael ut laj Asarías; jo'kan naq ke'kanaak chi k'anjelak chiru li awab'ej.

Daniel 1:19 ပူးပေါင်းရင်းမြစ်များ

Daniel 1:5

Li rey quixye nak rajlal cutan teꞌqꞌuehekꞌ xtzacae̱mk joꞌ naxtzaca aꞌan. Teꞌqꞌuehekꞌ xvino joꞌ narucꞌ aꞌan. Teꞌchꞌolani̱k oxib chihab ut chirix aꞌan teꞌcꞌamekꞌ chiru li rey.

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

Génesis 41:46

Nak quirakeꞌ chi a̱tinac laj faraón, laj José qui-el chixsutinquil li tenamit Egipto re nak tixnau ru chixjunileb li tenamit. Laje̱b xcaꞌcꞌa̱l chihab (30) cuan re laj José nak qui-oc chi cꞌanjelac chiru laj faraón.

Jeremías 15:19

Ut li Ka̱cuaꞌ quixye cue: —Cui ta̱yotꞌekꞌ a̱chꞌo̱l ut ta̱jal a̱cꞌaꞌux, la̱in tatincꞌul cuiꞌchic ut la̱at tatcꞌanjelak chicuu. Mat-a̱tinac yal chi ma̱cꞌaꞌ rajbal. Cui la̱at tat-a̱tinak saꞌ incꞌabaꞌ, la̱atak lin profeta. Ut eb li tenamit aꞌin teꞌsukꞌi̱k a̱cuiqꞌuin. Incꞌaꞌ tento nak la̱at ta̱ba̱nu li cꞌaꞌru teꞌraj eb aꞌan.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Daniel 1:6

Saꞌ xya̱nkeb li sicꞌbileb ru cuanqueb laj Daniel, laj Ananías, laj Misael ut laj Azarías. Aꞌaneb ralal xcꞌajol laj Judá.

Daniel 1:7

Ut li nataklan saꞌ xbe̱neb li eunucos quixqꞌue xcꞌabaꞌeb. Laj Daniel quiqꞌueheꞌ chokꞌ aj Beltsasar. Laj Ananías quiqꞌueheꞌ chokꞌ aj Sadrac. Laj Misael quiqꞌueheꞌ chokꞌ aj Mesac ut laj Azarías quiqꞌueheꞌ chokꞌ aj Abed-nego.

Daniel 1:18

Nak ac xnumeꞌ li oxib chihab li quixye li rey, laj Aspenaz li nataklan saꞌ xbe̱neb li eunuco quixcꞌameb riqꞌuin li rey Nabucodonosor.

Daniel 2:13

Nak ac xqꞌue li chakꞌrab li rey nak teꞌcamsi̱k laj qꞌuehol naꞌleb, queꞌsiqꞌueꞌ ajcuiꞌ laj Daniel ut eb li rochben re teꞌcamsi̱k.

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.

Daniel 1:4

Eb li chꞌajom aꞌan tento nak cꞌajoꞌak xchakꞌaleb ru ut cua̱nkeb xnaꞌleb, tzolbilakeb ut se̱bak xchꞌo̱leb, ut tzꞌakalak re ruheb re nak ta̱ru̱k teꞌcꞌanjelak saꞌ li palacio. Ut laj Aspenaz tixcꞌut chiruheb li a̱tinac ut li tzꞌi̱bac saꞌ li ra̱tinoba̱leb laj Babilonia.