Daniel 1:17 - Li Santil hu

¹⁷ Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Q'eqchi Bible

¹⁷ Li Qaawa' Yos kixk'e xchaab'il na'leb'eb' li kaahib' chi saaj winq a'an; kixk'e ajwi' xseeb'al k'a'uxeb' chirix li k'iila nawom. Laj Daniel naxtaw ru eb' li moy u jo'wi' eb' li matk'.

Daniel 1:17 ပူးပေါင်းရင်းမြစ်များ

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

1 Reyes 3:12

Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

Daniel 2:21

Li Dios aꞌan yal re saꞌ xbe̱neb li cutan. Aꞌan nataklan chak re li hab ut aꞌan nataklan re li sakꞌehil. Aꞌan naxakaban reheb li rey ut aꞌan ajcuiꞌ na-isin reheb. Aꞌan li naqꞌuehoc re lix naꞌlebeb li cuanqueb xnaꞌleb ut naxqꞌueheb ajcuiꞌ chixtaubal ru li incꞌaꞌ natauman ru.

Li xHu LAJ JOB 32:8

Relic chi ya̱l nak chixjunileb li cui̱nk cuanqueb xnaꞌleb xban nak li nimajcual Dios quixqꞌue lix musikꞌ reheb.

Daniel 2:23

At inDios, la̱at lix Dioseb lin xeꞌto̱nil yucuaꞌ. Ninbantioxin cha̱cuu ut nacatinlokꞌoni xban nak xaqꞌue innaꞌleb ut xaqꞌue incacuilal. Xacꞌutbesi chicuu li xintzꞌa̱ma cha̱cuu. Anakcuan xacꞌutbesi chicuu cꞌaꞌru lix matcꞌ li rey ut cꞌaꞌru lix ya̱lal, chan laj Daniel re li Dios.

Colosenses 1:9

Ut chalen nak quikabi resil nak xexpa̱ban, joꞌcan nak junelic nocotijoc che̱rix. Nakatzꞌa̱ma chiru li Dios nak tixcꞌut che̱ru cꞌaꞌru naraj te̱ba̱nu. Ut nakatzꞌa̱ma ajcuiꞌ chiru li Dios nak li Santil Musikꞌej tixqꞌue e̱naꞌleb chixtaubal ru lix ya̱lal.

Proverbios 2:6

Li Ka̱cuaꞌ naqꞌuehoc kanaꞌleb ut li ra̱tin naxcutanobresi li kacꞌaꞌux ut nocoxtenkꞌa chixtaubal ru lix ya̱lal.

Hechos 6:10

Abanan nak quia̱tinac laj Esteban, eb aꞌan incꞌaꞌ chic queꞌru xsumenquil xban nak aꞌan qꞌuebil xnaꞌleb xban li Santil Musikꞌej.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Hechos 7:22

Laj Moisés quixtzol rib joꞌ nequeꞌxtzol ribeb laj Egipto. Ut cuan xnaꞌleb chi a̱tinac ut chixba̱nunquil li cha̱bil naꞌleb.

Daniel 10:1

Yo̱ rox chihab roquic laj Ciro chokꞌ xreyeb laj Persia nak quicꞌutbesi̱c jun chic li visión chiru laj Daniel li nayeman Beltsasar re. Li cꞌaꞌru quicꞌutbesi̱c chiru, aꞌan tzꞌakal ya̱l ut kꞌaxal ra rabinquil. Abanan laj Daniel quiqꞌueheꞌ xnaꞌleb xban li Dios chixtaubal ru lix ya̱lal li quicꞌutbesi̱c chiru saꞌ li visión.

Ezequiel 28:3

¿Ma la̱at ta biꞌ kꞌaxal cuan a̱naꞌleb chiru laj Daniel? ¿Ma ma̱cꞌaꞌ cꞌaꞌak re ru mukmu cha̱cuu?

2 Crónicas 26:5

Quixsicꞌ li Dios saꞌ eb li cutan nak laj Zacarías yo̱ chixchꞌolobanquil lix ya̱lal li Dios chiru. Nak quixsicꞌ li Dios, li Dios quirosobtesi ut us qui-el riqꞌuin li cꞌaꞌru quixba̱nu.

Números 12:6

Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Hechos 7:10

Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Daniel 7:1

Saꞌ li xbe̱n chihab nak laj Belsasar quicuan chokꞌ xreyeb laj Babilonia, laj Daniel yo̱ chi cua̱rc saꞌ lix chꞌa̱t nak quiril jun li visión li quicꞌutbesi̱c chiru saꞌ lix matcꞌ. Ut quixtzꞌi̱ba li cꞌaꞌru quiril.

Daniel 2:19

Ut saꞌ ajcuiꞌ li kꞌojyi̱n aꞌan, li Dios quixcꞌutbesi chiru laj Daniel cꞌaꞌru lix matcꞌ li rey ut cꞌaꞌru lix ya̱lal. Ut laj Daniel quixlokꞌoni li Dios cuan saꞌ choxa.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Isaías 28:26

Naxnau chi us li a̱uc xban nak li Ka̱cuaꞌ lix Dios naxcꞌut chiru chanru tixba̱nu.

Eclesiastés 2:26

Li Dios naxqꞌue xnaꞌleb li ani nacuan saꞌ ti̱quilal ut naxqꞌue xsahil xchꞌo̱l ut naxtenkꞌa re nak tixtau ru lix ya̱lal. Abanan laj ma̱c naxcanab chi cꞌanjelac chi cau re nak tixxoc nabal li cꞌaꞌru re, ut ta̱qꞌuehekꞌ re jalan li cuan saꞌ ti̱quilal chiru li Dios. Joꞌcan ajcuiꞌ aꞌin, ma̱cꞌaꞌ na-oc cuiꞌ. Junes raylal naxqꞌue.

2 Crónicas 1:10

Nintzꞌa̱ma cha̱cuu nak ta̱qꞌue taxak innaꞌleb re nak tinnau takla̱nc saꞌ xbe̱neb. ¿Ani ta biꞌ ta̱ru̱k ta̱takla̱nk saꞌ xbe̱neb la̱ tenamit xban nak kꞌaxal nabaleb? chan laj Salomón.

1 Reyes 3:28

Nak eb laj Israel queꞌrabi resil li cꞌaꞌru quixba̱nu li rey, chixjunileb queꞌxqꞌue saꞌ xnakꞌ ruheb. Queꞌxqꞌue retal nak li Ka̱cuaꞌ quiqꞌuehoc xnaꞌleb re nak ta̱rakok a̱tin saꞌ ti̱quilal.

Daniel 8:1

Laj Daniel quixye: —Yo̱ rox chihab roquic saꞌ xcuanquil li rey Belsasar nak quicꞌutbesi̱c jun chic li visión chicuu.

Daniel 5:14

—La̱in xcuabi resil nak qꞌuebil a̱naꞌleb xbaneb la̱ dios. Xcuabi resil nak cutan saken cha̱cuu li cꞌaꞌak re ru ut cuan a̱naꞌleb chixtaubal ru li cꞌaꞌru chꞌaꞌaj xtaubal ru.

2 Crónicas 1:12

La̱ naꞌleb li xatzꞌa̱ma tinqꞌue a̱cue. Ut tinqꞌue ajcuiꞌ a̱biomal ut tinqꞌue a̱lokꞌal. Ma̱ jun rey ta̱cua̱nk joꞌ la̱at, chi moco junxil, chi moco mokon, chan li Ka̱cuaꞌ.

Daniel 1:4

Eb li chꞌajom aꞌan tento nak cꞌajoꞌak xchakꞌaleb ru ut cua̱nkeb xnaꞌleb, tzolbilakeb ut se̱bak xchꞌo̱leb, ut tzꞌakalak re ruheb re nak ta̱ru̱k teꞌcꞌanjelak saꞌ li palacio. Ut laj Aspenaz tixcꞌut chiruheb li a̱tinac ut li tzꞌi̱bac saꞌ li ra̱tinoba̱leb laj Babilonia.

Daniel 1:18

Nak ac xnumeꞌ li oxib chihab li quixye li rey, laj Aspenaz li nataklan saꞌ xbe̱neb li eunuco quixcꞌameb riqꞌuin li rey Nabucodonosor.

Daniel 1:20

Chixjunil li cꞌaꞌru queꞌpatzꞌeꞌ reheb xban li rey, li ca̱hib chi cui̱nk aꞌin kꞌaxal cha̱bil queꞌxsume. Kꞌaxal cuiꞌchic cha̱bil queꞌxsume chiruheb chixjunileb li cuanqueb rubel xcuanquil li rey joꞌ laj kꞌe ut eb li nequeꞌtzoloc chirix li chahim.

Daniel 2:30

Ut quicꞌutbesi̱c chicuu la̱in. Ma̱cuaꞌ xban nak kꞌaxal nabal innaꞌleb chiruheb lix naꞌlebeb li jun chꞌol chic. Quicꞌutbesi̱c ban chicuu re nak la̱in tinye a̱cue, at rey, cꞌaꞌru naxye la̱ matcꞌ, ut re ajcuiꞌ nak ta̱tau ru li cꞌaꞌru yo̱ cuiꞌ a̱cꞌaꞌux.

Daniel 4:6

Joꞌcan nak xintakla xbokbaleb chixjunileb laj qꞌuehol naꞌleb li cuanqueb Babilonia re nak teꞌxye cue cꞌaꞌru naxye lin matcꞌ.